‘सम्पदा लडाइँ’ ल्याउँदै पत्रकार न्यौपाने

काठमाडौं । पत्रकार दामोदर न्यौपानेले आफ्नो सातौं पुस्तक ‘सम्पदा लडाइँ’ बजारमा ल्याउने भएका छन् । सांग्रिला बुक्सले बजारमा ल्याउन लागेकाे  न्यौपानेको पुस्तक यही भदाै २१ गते शनिवार विमाेचन हुँदैछ ।

न्यौपानेको पुस्तक सम्पदा  संरक्षणमा केन्द्रित छ । पुस्तकमा सम्पदामा पुरातात्विक मूल्यमान्यता मिचिएका, चिहान मासेर घर बनाइएका, पोखरी मासेर भवन बनाइएका जस्ता विषयहरुको चिरफार गरिएको सांग्रिला बुक्सले जनाएकाे छ ।

पुरातात्विक घरको जगमुुनि मूर्ति भेटिन्छन् । जङ्गलमा कङ्क्रिट हालिएका छन् । विशाल राणाकालीन भवन भत्काइएका छन् । गुठीका जग्गा हडपिएका छन् । ढुङ्गेधारा सुकाइएका छन् । यो अवस्था रहने हो भने अबको पुस्ताले हाम्रा पुर्खाका वैभव जस्ताको तस्तै देख्न पाउने छैनन् । यही चिन्ताले सम्पदाको पक्षमा केही बहस चलाएको पनि छ । यसमा थप बहस र छलफलको अनुभूति गराउन न्यौपानेको पुस्तकले महत्वपूर्ण भूमिका खेल्ने प्रकाशनको विश्वास छ ।

सांग्रिला बुक्सले विज्ञप्तिमा उल्लेख गरेको छ, ‘नेपालमा मूर्त र अमूर्त दुवै सम्पदा संरक्षणमा समस्या छन् । अमूर्त सम्पदामा ध्यान दियौं भने हामी विश्वमै सम्पन्न हुने आधार छन् । तिनै आधार अब खोजी गर्नुपर्छ । तिनको खोजी गर्न जातिबीच जानुपर्छ । समुदायमा जानुपर्छ । बस्ती बस्तीमा जानुपर्छ । यिनै विषयमा खोजी गरेर सम्पदा के हो ? सम्पदामा अहिले के भइरहेका छन् ? कानुनी अवस्था के छ ? कानुन कसरी मिचिएको छन् ? अन्तराष्ट्रिय कानुनले संरक्षण गर्ने गरेको बाध्यकारी व्यवस्थालाई नेपालले कसरी आत्मसात् गरेको छ ? जस्ता तमाम प्रश्नमा पत्रकार न्यौपाने सम्पदा लडाइँमा गम्भीर विषय समेटीएका छन् ।’

देशैभरि विभिन्न जाति, क्षेत्र, समुदायमा मूर्त र अमूर्त सांस्कृतिक सम्पदा रहेको र तिनलाई राष्ट्रिय सम्पदामा सूचीकृत गर्नुपर्नेे सांग्रीलाको विज्ञप्तिमा उल्लेख छ ।

पत्रकार न्यौपानेले यस अघि एम्बुसमा ६ बर्ष, कर्म : सिकाइमा गहिरिएको खाडल, ट्यालेन्ट शो, स्वर्णिम समय, स्कुल बेच्ने बालक र हाडको डोको जस्ता पुस्तक बजारमा ल्याइसकेका छन् ।

प्रतिक्रिया दिनुहोस्
विशेष

मेष- ईश्वरमा भक्तिभाव बढ्नेछ, धार्मिक व्यस्तता रहनेछ । वृष- स्वास्थ्य प्रतिकुल हुनेछ, काममा बाधा आउनेछ । मिथुन- प्रियजन सित मिलाप…

गोपाल पाठक / विनोद लामिछाने/अनिश्मा बस्नेत काठमाडौं । जनता टेलिभिजनमा आज (बुधबार) प्रसारण गरिएका एक सय समाचारको संगालो नै शत्…

मदन खाती/ ऋषि खतिवडा/ सन्तोष गिरी काठमाडौं । केही दशर्कयता महिला राेजगारीका लागि विदेशिने क्रम बढेको छ। रोजगारीको शिलशिलामा महिला…

कैलाली । गौरीगङ्गा नगरपालिकाका कर्मचारीले सेवाग्राहीलाई अनिवार्य रुपमा नमस्कार गर्नुपर्ने भएको छ । कर्मचारी र सेवाग्राहीबीचको सम्बन्ध राम्रो गराउन नगरपालिकाले…

काठमाडौं । फागुन ९ गते शुक्रबार मुलुकभर सार्वजनि बिदा हुने भएको छ । नेपाल सरकारले शिवरात्रीको अवसरमा सार्वजनिक बिदा दिएको…

यसकारण एमसिसि आवश्यक छ । विश्वका गरिब देशमध्ये नेपाल पनि एक हो । कूल जनसंख्याको आधा भन्दा बढी जनसंख्या दैनिक…