खातुनको उपचारमा कुनै कसर बाँकी नरहोस्: राज्यमन्त्री डा यादव

काठमाडौं । एसिड आक्रमणमा परेकी उपचाररत मुस्कान खातुनलाई संघीय स्वास्थ्य तथा जनसंख्या राज्यमन्त्री डा. सुरेन्द्र यादवले खातुनको उपचारमा कुनै कसर बाँकी नराख्न अस्पताललाई निर्देशन दिनुभएको छ ।

एसिड प्रहारबाट गम्भीर घाइते वीरगञ्जकी १५ वर्षीया मुस्कानको स्वास्थ्य अवस्था बुभ्न आइतबार यादव अस्पताल पुग्नुभएको थियो । डा यादवले मुस्कानको स्वास्थ्य अवस्थाबारे जानकारी लिँदै उनको उपचारमा कुनै कसर बाँकी नराख्ने बाचासमेत गर्नुभएको छ ।

आक्रमणमा परेकी उपचाररत मुस्कान खातुनलाई राज्यमन्त्री डा यादव सहित प्रदेश २ का मुख्यमन्त्री लालबाबु राउत, संघीय सांसद प्रदीप यादव र प्रदेश २ का मुख्यन्यायधिवक्ता दिपेन्द्र झाले भेटेका छन् ।

स्कुल हिँडेकी खातुनमाथि एसिड प्रहार भएको थियो । वीरगंज महानगरपालिका–२ छपकैया घर भएकी त्रिभुवन हनुमान माध्यमिक विद्यालय रेसम कोठीमा कक्षा ९ मा अध्ययनरत् मुस्कान खातुनमाथि एसिड प्रहार भएको थियो । एसिड प्रहारबाट घाइते भएकी बालिकालाई उपचारका लागि नारायणी अस्पताल वीरगञ्ज लगिएकोमा थप उपचारको लागि कीर्तिपुर अस्पताल रिफर गरिएको थियो । हाल उनको काठमाडौंमा उपचार भइरहेको छ । एसिड आक्रमण परेकी खातुनको अनुहार पेट, पाखुरा, मुख र छातीमा समस्या देखिएको छ ।

वीरगञ्ज महानगरपालिका–६ गणेशमान चोकमा सम्साद मिया र सोही महानगरपालिका–२ छप्कैया बस्ने माजिद आलमले कक्षा ९ मा अध्ययनरत किशोरीलाई एसिड प्रहार गरेका थिए । एसिड प्रहार गर्नेमध्ये १६ वर्षीय सम्साद मियालाई प्रहरीले पक्राउ गरेको पर्सा प्रहरीका एसपी सोमेन्द्रसिंह राठौरले बताए । अर्का एकजना माजिद आलमको खोजी कार्य जारी छ ।

प्रेम सम्बन्धका कारण एसिड प्रहार भएको हुनसक्ने बताइएको छ । यस विषयमा प्रहरीले अनुसन्धान गरिरहेको छ।

प्रतिक्रिया दिनुहोस्
विशेष

काठमाडौं । राजधानीबाट प्रकाशित हुने राष्ट्रिय स्तरका पत्रपत्रिकाले बुधबार राजनीतिक, आर्थिक, सामाजिक, शैक्षिक, स्वास्थ्य र साँस्कृतिक लगायतका विविध पक्षको समाचार…

काठमाडौं । केही सातायता कुखुराको मासुको मूल्य अप्रत्यासित रुपमा आकाशिएको छ । उद्योगीसँग साँठगाँठको कारण मासुको मूल्य वृद्धि भएको रहस्य…

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

मेष- काममा व्यवधान आउनेछ । आफन्तसंग असन्तुष्टि रहनेछ । वृष- घरायसी मनमुटाव बढ्नेछ । मित्रसँग दुश्मनी हुनेछ । मिथुन- भाइबन्धुको सहयोग मिल्नेछ ।…

काठमाडौं । मुलुकको छुट्टाछुट्टै स्थानमा भएको सवारी दुर्घटनामा ४ जनाले जीवन गुमाएका छन् ।  बाराको पचरौता नगरपालिकामा मोटर साइकल पल्टिँदा…

काठमाडौं । पछिल्लो समय ‘जता नि चोर’ गीतको कारण लोक गायक पशुपति शर्मा चर्चा र विवादमा आएका छन् । त्यसमा…