Logo आश्विन १२, २०७७ सोमबार


इजरायली प्रधानमन्त्री नेतान्याहुको सम्बोधनले मध्यपूर्वमा तरंग

काठमाडौं । इजरायलमा आम निर्वाचनको केही दिन अघि प्रधानमन्त्री बेन्जामिन नेतान्याहुको एक सम्बोधनले साउदी अरेबिया सहित मध्यपूर्वमा तरंग ल्याएको छ ।

मध्यपूर्वी राष्ट्र इजरायलमा यतिबेला आम निर्वाचनको माहोल छ । चुनावी माहोललाई सम्बोधन गर्दै जीतका लागि संघर्ष गरिरहेका इजरायली प्रधानमन्त्री नेतान्याहुले आफूलाई आम निर्वाचनमा बहुमतसहितको जित दिलाएमा वेष्ट बैंक भित्रको जोर्डन भ्यालीलाई समेत इजराइलमा गाभ्ने अभिव्यक्ति दिनुभएको छ ।

उसो त लगभग ६५ हजार प्यालेस्टाइनीका साथैै गैरकानूनी रुपमा रहँदै आएका ११ हजार इजरायलीको समेत बसोबास रहेको जोर्डन भ्याली इजरायलकै सैनिक निगरानीमा छ । तर यतिबेला प्यालेस्टाइन र इजरायलको तिक्ततापूर्ण सम्बन्धको एक प्रमुख कारकका रुपमा रहेको वेष्ट बैंकमाथिको अधिकार र जोर्डन भ्यालीलाई इजरायलमा गाभ्ने नेतान्याहुको अभिव्यक्तिले साउदी अरेबियासहित मध्यपूर्वका राष्ट्रहरुलाई चिढाएकोो छ ।

इजरायली प्रधानमन्त्री नेतान्याहुले चुनावी सम्वोधनमा आफूले स्पष्ट बहुमत प्राप्त गरेमा उत्तरी मृत सागर र जोर्डन भ्यालीलाई इजरायलको स्वाधिनताको हिस्सा बनाउने अभिव्यक्ति दिन नपाउँदै साउदी अरेबिया र मध्यपूर्वका राष्ट्रहरुले नेतान्याहुको अभिव्यक्तिप्रति खेद व्यक्त गरेका छन् । तर सम्पूर्ण जुइस बासोबासलाई वेष्ट बैंकमा फैलाउने प्रतिबद्धता जनाइरहँदा नेतान्याहुले अमेरिकाले शान्ति योजना सार्वजनिक नगर्दासम्म र अमेरिकी राष्ट्रपति डोनाल्ड ट्रम्पसँग सल्लाह नगरेसम्म आफ्नो योजना कार्यान्वयनमा नआउने जिकिर गरेका छन् । जसमा अमेरिकाले तत्काल कुनै प्रतिक्रिया दिएको छैन ।

अमेरिकी अधिकारीले ह्वाइट हाउसको नीतिमा कुनै परिवर्तन नभएको जिकिर गर्दै इजरायलको आमनिर्वाचनपछि मात्र शान्तिको आफ्नो नीति सार्वजनिक गर्ने बताएका छन् । साथै लामो समयदेखि प्रतिक्षारत मध्यपूर्वी दीर्घकालीन सुरक्षा, अवसर र स्थायीत्वका लागि नै उपयुक्त बाटो रोज्ने बताएको पनि अलजजिरामा उल्लेख छ । तर नेतान्याहुको अभिव्यक्ति अनुसार कार्य भएमा यसले प्यालेस्टाइन र इजराइलबीचका सम्पूर्ण सम्झौताहरुको अन्त्य हुने प्यालेस्टाइनी राष्ट्रपति मोहम्मद अब्बासले चेतावनी दिएका छन् ।

प्यालेस्टाइनी प्रधानमन्त्रीले त आफ्ना इजरायली समकक्षी नेतान्याहू सम्पूर्ण शान्ति प्रक्रियाको अन्त गर्न लागिपरेको आरोप नै लगाएका छन् । यस्तै अरब लिगका विदेशमन्त्रीहरुले नेतान्याहुको अभिव्यक्तिप्रति खेद प्रकट गर्दै इजरायल र प्यालेस्टाइनबीच शान्तिको प्रयासलाई वेवास्ता गरिएको आरोप लगाएका छन् । साउदी अरेबियाले समेत अन्तर्राष्ट्रिय कानूनको उल्लंघन गर्नुका साथै प्यालेष्टाइन विरुद्ध डरलाग्दो षड्यन्त्र भएको बताएको छ ।

इजरायल र प्यालेस्टाइनबीच लामो समयदेखिको विभिन्न मतभेदका कारण अशान्त रहेको मध्यपूर्वी क्षेत्रमा इजरायली प्रधानमन्त्रीको अभिव्यक्तिले तरंग मात्र ल्याएको छैन । उनले भनेजस्तो भएमा लामो समयदेखिको शान्ति प्रयास बिथोलिने आशंका पनि जन्माएको छ ।

इजरायलप्रति ट्रम्पको उदारता कै कारण प्रधानमन्त्री नेतान्याहुको यो अभिव्यक्ति आएको विश्लेषणले प्यालेस्टाइन समर्थित राष्ट्रहरु यतिबेला चिन्तित तथा आक्रोशित भएका हुन् । यद्यपी अमेरिकाले लिने नीति र मध्यपूर्वी राष्ट्रसहित स्वयं इजरायलको रवैयाले समेत यसक्षेत्रको शान्ति प्रयासलाई बाटो दिनेमा दुईमत छैन् ।

प्रतिक्रिया दिनुहोस्
विशेष

पारिवारिक खुशी मिल्नेछ । प्रेममा मानसिक चिन्ता मिल्नेछ । नयाँ किनमेलमा खर्च हुनेछ ।

सांकेतिक : तस्वीर बारा । पूर्वतर्फबाट आइरहेको बसले स्कुटरलाई ठक्कर दिँदा एकै परिवारका ३ जनाको मृत्यु भएको छ। आज (आइतबार)…

आइतबारको बैठकमा उपस्थित मन्त्रीहरु बाहिरिसकेका छन् ।

हातभरिको रातो चुरालाई छिन्छिन् बजाउँदै ओल्टाइपल्टाइ हेर्छिन् । रातो सारी, रातै चोलीमा आफू अत्यन्तै राम्री देखिएको महसुश गर्छिन् । मुसुक्क…

फाइल : तस्वीर काठमाडौं । प्रधानमन्त्री केपी शर्मा ओलीले मन्त्रिपरिषदको आकस्मिक बैठक बोलाएका छन्। सामान्यतया सोमबार र बिहीबार बस्ने गरेको…

काठमाडौं । अबदेखि काठमाडौं महानगरपालिकाले जथाभावी कोरोना परीक्षण नगर्ने भएको छ । दैनिक करिब ४ सयको हाराहारीमा कोरोना परीक्षण गर्ने…