संविधान दिवस मनाउने विषयमा मन्त्रीनै दुई खेमामा बाँडिए

प्रमोदकुमार साह 

धनुषा । संविधान दिवस मनाउने विषयलाई लिएर सत्ता समर्थक दल समाजवादी पार्टी नेपाल र राष्ट्रिय जनता पार्टी (राजपा) बीच विवाद भएको छ ।

संविधान दिवस मनाउने विषयलाई लिएर राजापा र समाजवादीका मन्त्रीनै दुई खेमामा बाँडिएका हुन् । प्रदेश २ का समाजवादी पार्टीका मन्त्री संविधान दिवस मनाउने पक्षमा छन् भने राष्ट्रिय जनता पार्टी नेपालका मन्त्री संविधान दिवसका दिन कालो दिवस मनाउने अडानमा छन् ।

राजपा नेपालले संविधान दिवसलाई कालो दिवसकै रुपमा मनाउने निर्णय पछि राजपाका मन्त्रीसमेत पार्टीकै लाइनमा अगाडि बढ्ने बताएका छन् ।

यता समाजवादी पार्टीका मन्त्रीले पार्टीको निर्णय जेसुकै आएपनि सरकारको हैसियतले संविधान दिवस हर्षोउल्लासका साथ मनाउने प्रतिक्रिया दिएका छन् ।प्रदेश २ सरकारका भौतिक पूर्वाधार विकासमन्त्री एवम् राजपाका नेता जितेन्द्र सोनलले प्रदेश सरकारले असोज ३ गते भव्यतापूर्वक संविधान दिवस मनाउने निर्णय गरेको दिनमा आफूहरु बैठकमा उपस्थित नभएको बताउनुभयो ।

उहाँले संविधान संशोधनको मुद्दा यथावत् नै रहेकोले यथास्थितिमा संविधान दिवसका मनाउन नसक्ने जिकिर गर्नुभयो । ‘जुन संविधान जारी गर्नका लागि मधेसी जनतामाथि लाठी चार्ज गरियो, कफर््यु लगाइयो, गोली हानियो त्यो  संविधानका विभेदपूर्ण बुँदा संशोधन नभएसम्म हामी कालो दिवसकै रुपमा मनाउने छौँ’ उहाँले भन्नुभयो ।

संघ सरकारका एक मन्त्रीले संविधान दिवसकोे विरोध गर्नेलाई कारबाही गर्ने चेतावनी दिएका छन् । यता आन्तरिक मामिला तथा कानूनमन्त्री एवम् प्रदेश सरकारका प्रवक्ता ज्ञानेन्द्रकुमार यादवले प्रदेश सरकारले संविधान दिवस मनाउने प्रतिक्रिया दिनुभएको छ ।

उहाँले प्रदेश सरकारले संविधान दिवस मनाउने निर्णय गरेको दिन राजपाका मन्त्री अनुपस्थित रहेको स्वीकार गर्दै उहाँहरुलाई तत्कालै जानकारी गराइने बताउनुभयो ।

प्रतिक्रिया दिनुहोस्
विशेष

काठमाडौं । सरकारले चालु आर्थिक वर्षमा ३ सय १५ व्यवसायीलाई कारबाही गरेको छ । म्याद गुज्रेको सामान बिक्री गर्ने, मूल्य…

काठमाडौं । टोखा नगरपालिकाले सामुदायिक विद्यालयका विद्यार्थीलाई निःशुल्क दिवा खाजा खुवाउने भएको छ । ‘मेयर दिवा खाजा कार्यक्रम’ अन्तर्गत बाल…

काठमाडौं । तामाङ समुदायको सांस्कृतिक पर्व सोनाम ल्होछार अर्थात् नयाँ वर्ष पर्व आज हर्षोल्लासका साथ मनाइँदैछ ।  चन्द्रमासमा आधारित मञ्जुश्री…

काठमाडौं । सडक निर्माणको बिल पास गरिदिने नाममा उपभोक्ता समितिसँग घुस खाने जाजरकोटको जुनिचाँदै गाउँपालिका अध्यक्ष कृष्णबहादुर केसी रंगेहात पक्राउ…

काठमाडौं । राष्ट्रपति विद्यादेवी भण्डारीले आफ्ना विज्ञ सल्लाहकार सुशील प्याकुरेलले दिनुभएको राजीनामा स्वीकृत गर्नुभएको छ । सल्लाहकार प्याकुरेलले शुक्रबार दिनुभएको…

काठमाडौं । चीनले आफ्नो स्वशासित क्षेत्र तिब्बत हुँदै बग्ने नेपालतर्फ बग्ने कुनै पनि नदीको बहावमा अवरोध नगर्ने भएको छ ।…