मन्दिरको ८४ बिघा जमिन गायव, माफियाले ढड्डा नै लुकाए

भिडियोसहित

काठमाडौं । प्रदेश नम्बर ५ को एउटा जिल्ला बाँके र बाँकेको पनि विकसित शहर नेपालगञ्ज ।  त्यहाँ मन्दिर छ। पश्चिमी नेपालको सर्वाधिक चर्चित शक्तिपीठ । आस्थाका आधारमा पूजा गर्न जाने र धार्मिक पर्यटकीय दृष्टिकोणबाट पनि मन्दिरको ख्याति छ । वागेश्वरी मन्दिर प्राचीन र पुरातात्विक महत्वको धरोहर पनि हो ।

वागेश्वरी मन्दिर व्यवस्थापन, सञ्चालन र संरक्षणका लागि दाताहरुले ८४ बिघा जमिन प्रदान गरेका थिए । दाताले दानस्वरुप दिएको तत्कालीन इन्द्रपुर गाउँ विकास समितिमा रहेको ८४ बिघा जमिन २०५६ सालसम्म वागेश्वरी मन्दिरकै नाममा थियो । तर २०५७ सालमा मन्दिरको समुच्चा जमिन व्यक्तिका नाममा पास भयो गुपचुप, लुकिछिपी ।

बाँकेको साबिक इन्द्रपुरमा रहेको वागेश्वरी मन्दिरको ८४ बिघा जग्गा भक्तजनलाई प्रसाद बाँडिए झैँ तीनसय व्यक्तिका नाममा रजिष्ट्रेशन पास भएको छ । भगवानको घर कसरी मान्छेका नाममा आयो, त्यो पनि तीनसयका नाममा ? वागेश्वरी मन्दिरको जग्गा भूमाफियाले बिक्री गरेको खुलासा पछि नेपालगञ्जमा देवताकै घर माफियाले बेचेको हल्लिखल्ली मच्चियो । चर्चा परिचर्चा शुरु भयो । सार्वजनिक सम्पत्ति र मन्दिरको धरोहर मासिएको थाहा पाएर नागरिकस्तरबाट खोजबिन तथा छानविन शुरु भयो । तर कसले र कसरी मन्दिरको जग्गा व्यक्तिका नाममा पारे भन्ने सत्यतथ्य पत्ता लाग्न सजिलो थिएन । गर्नेहरु पनि बोल्थेनन्, वागेश्वरी माता पनि बोल्दिनन् । बोल्ने निकायको बोली पनि फरक छ ।

वागेश्वरी गुठी समितिका सचिव गोपालप्रसाद अधिकारी वागेश्वरी मन्दिरको जग्गाबारे विभिन्न समयमा गरिएका निर्णय तथा कागजात समेत फेला नपरेको बताउनुहुन्छ । मालपोत कार्यालय बाँकेमा २०५७ सालतिरको अभिलेख फेला परे पनि त्यसभन्दा अघिका महत्वपूर्ण कागजात फेला परेनन् ।

नेपालगञ्ज उपमहानगरपालिकाकी उपप्रमुख उमा थापामगर नगरपालिकाले त्यसबारे खोजविन गरिरहेको बताउनु हुन्छ । २०२७–२८ सालतिर मन्दिरको जग्गासम्बन्धी तयार गरिएको ‘मिसिल’ फेला पार्न नसकिएको भूमि सुधार तथा मालपोत कार्यालय बाँकेको सपाट जवाफ छ । २०५७ सालतिरको रेकर्डमा जग्गाको सामान्य स्थिति पत्ता लाग्यो तर त्यसभन्दा अघि २०२७–२८ सालतिरको मिसिल फेला पार्न सकिएन भन्ने जवाफबाहेक थप जिम्मेवारी बहन छैन कार्यालयको । मिसिल फेला परे मन्दिरको जग्गा कसको नाममा कसरी गयो भन्ने थाहा हुन्थ्यो । तर भूमाफियाहरुले सरकारी कार्यालयको मूल ढड्डा नै गायव पारेपछि पुरानो रेकर्ड भेटिने कुरै भएन । मन्दिरको जग्गा पनि बाँकी रहेन ।

प्रतिक्रिया दिनुहोस्
विशेष

काठमाडौं । लकडाउनको बेला ढुवानी रोक्नेलाई कारबाही गरिने भएको छ । सरकारले अत्यावश्यक वस्तुको ढुवानीमा अवरोध गर्नेलाई कडा कारबाही गर्न…

काठमाडौं । कोरोना भाइरसको महामारीका समयमा स्वदेश फर्कने नेपालीलाई नेपाल टेलिकमले निःशुल्क सिमकार्ड उपलब्ध गराउन थालेको छ । सरकारले भारतबाट…

काठमाडौं । सुर्खेतमा कोरोना भाइरस संक्रमणबाट २० वर्षीय युवकको मृत्यु भएको छ । सुर्खेतको पञ्चपुरी नगरपालिका वडा नम्बर १ का…

डोटी । भारतबाट फर्किका २ महिलाले क्वारेन्टाइनमै शिशु जन्माएका छन् । दिपायल सिलगढी नगरपालिका र शिखर नगरपालिकाको क्वारेन्टाइनमा रहेका महिलाले…

मेष– झमेलामा पर्न सकिनेछ । आफन्त निष्ठुरी हुनेछन् । वृष– भोजनको मज्जा मिल्नेछ । पारिवारिक भेटघाट रहनेछ । मिथुन– स्वास्थ्यमा…

सीमा जोडिएको चीनमा कोरोना महामारीले ताण्डव मच्चाएको बेलामा नै  यसबारे किन सतर्क हुन सकिएन ?