लाखौं खर्चेर जडान गरिएका सिसी क्यामेरा बिग्रिए

बागलुङ । लाखौं रुपैयाँ खर्चेर जडान गरिएका सिसी क्यामेरा मर्मत र संरक्षण अभावमा अलपत्र परेका छन् । शहरी सुरक्षाका लागि  जडित सिसी क्यामेरा नाममा मात्र सीमीत छन् ।

बागलुङ बजारमा जडान गरिएका २६ मध्ये २२ वटा क्यामेरा बिग्रेका छन् । ४ वटा चालु छन् । २०७१ साल फागुनमा बागलुङ नगरपालिका, बागलुङ उद्योग वाणिज्य संघ र जिल्ला प्रहरी कार्यालय मिलेर सिसी क्यामेरा जडान गरेका थिए । मुख्य सडक, चोक र बजार प्रवेश क्षेत्रमा राखिएका क्यामेरा बिग्रेर काम नलाग्ने भएपछि सुरक्षा चुनौती थपिएको छ । सामाजिक, सडक सुरक्षा र अपराध नियन्त्रणमा सघाउ पुग्ने उद्देश्यले क्यामेरा जडान गरिएको थियो ।

समीक्षालय चोकका २, हल्लनचोकका २, अदालत चोकको १, लोकतान्त्रिक चोकका २, धवलागिरिचोकको १, जीपपार्कका २, श्रीनगरटोलको १, शिवधाराचोकको २, लालीगुराँसचोकका २ र देउरालीचोकमा जडान गरिएको क्यामेरा बिग्रेको हो । बिग्रनेमा अधिकांश व्यस्त सडक र ठूलो आवधि भएको बागलुङ नगरपालिका–२ का मुख्य चोकका क्यामेरा छन् । बजेट अभावमा क्यामेरा मर्मत हुन नसकेको बागलुङ उद्योग वाणिज्य संघका अध्यक्ष युराज राज भण्डारी बताउनुभयो ।

मर्मतमा करिब सात लाख रुपैयाँ खर्च लाग्ने जनाइएको छ । नगरपालिकाले क्योमरा नियमित संचालनको लागि सहयोग उपलब्ध नगराएको संघको गुनासो छ । संघकै पहलमा अघि बढेको सिसी क्यामेरा जडान कार्यमा नगरपालिकाको ३० लाख र संघको २० लाख रुपैयाँको लगानी भएको थियो । कागजातसहित मर्मतको लागि माग गर्न आएमा तत्काल रकम उपलब्ध गराइने नगरपालिकाले जनाएको छ ।

नगरपालिकाकै कारण क्यामेरा मर्मत र सञ्चालनमा समस्या नआउने उपप्रमुख सुरेन्द्र खड्काले बताउनुभयो । सुरक्षा व्यवस्थामा सहजता ल्याउन जडान गरिएका सिसी क्यामेरा सञ्चालनमा ल्याउनुपर्ने स्थानीय प्रशासनको माग छ । अपराध नियन्त्रण र सामाजिक सुरक्षाको प्रत्याभूति दिलाउन जडान गरिएका सिसी क्यामेराको नियन्त्रण कक्ष जिल्ला प्रहरी कार्यालयमा राखिएको छ ।

प्रतिक्रिया दिनुहोस्
विशेष

स्वास्थ्य मापदण्ड र गृह प्रशासनबाट जारी भएको सुरक्षा मापदण्ड समेत पालना गर्ने गरी सञ्चालन गर्न दिने गरी तयारी छ ।

साहित्य दर्शनका साथै गोपीरमण उपाध्यायको जीवनमा राजनीतिक पाटो पनि समानान्तर रुपमा आएको छ ।

सुर्खेत । कर्णाली प्रदेशमा हालसम्म कोरोना भाइरस संक्रमणबाट ३ जनाको मृत्यु भएको छ । मृतकहरुमा दैलेख, सुर्खेत र डोल्पाका एक,…

योसँगै कर्णाली प्रदेशमा मृतकको संख्या ३ पुगेको छ।

काठमाडौं । प्रतिनिधिसभा सदस्य दुर्गा पौडेलले  आर्थिक वर्ष २०७७, ०७८ को बजेटमा सरकारको खर्च गर्ने क्षमता र इमान्दारिता नरहको भन्दै…

काठमाडौं । कोरोना भइरसका कारण वाग्मती प्रदेशमा हालसम्म ३ जनाले जीवन गुमाएका छन् । प्रदेशको सामाजिक विकास मन्त्रालयका अनुसार प्रदेशमा…