डेंगुको भाइरस अध्ययन गर्ने केमिकल अभाव

पुष्पराज अधिकारी
मकवानपुर । देशभर लामखुट्टेको टोकाईबाट डेंगुका भाइरस फैलिइरहेको छ । प्रदेश ३ मा मात्रै ४हजार बढी डेंगुका बिरामी फेला परिसकेका छन् । तर डेंगु फैलाउने लामखुट्टेको अझै नियन्त्रण हुन सकेको छैन ।

डेंगु फैल्याउने लामखुट्टेमा कस्तो प्रकारको भाइरस छ भनि अध्ययन गर्ने हेटौंडास्थित प्रयोगशालामा भने अहिलेसम्म केमिकल अभावकै कारण त्यसको अध्ययन गर्न समस्या भइरहेको छ । एउटा सिजनमा देखिएको भाइरसले अर्को सिजनमा आफ्नो रुप परिवर्तन गर्न सक्ने विज्ञको भनाइ छ ।

लामखुट्टेमा कस्तो भाइरस छ, त्यो भाइरसमा कस्तो परिवर्तन देखिन्छ भनि अध्ययन हुनु आवश्यक रहेको विज्ञको सुझाव छ । तर हेटौंडाको किटजन्य रोग अनुसन्धान तथा तालिम केन्द्रमा भएको ल्याबलाई सरकारले केमिकलको व्यवस्थापन नगर्दा यसको अध्ययनमा समस्या देखिएको हो ।

किटजन्य रोग अनुसन्धान तथा तालिम केन्द्र हेटौंडा ल्याबमा परीक्षण गर्ने केमिकल उपलब्ध गराउन हेटौंडा उपमहानगरपालिका र प्रदेश सरकारबीच समन्वय भइरहेको हेटौंडा उपमहानगरपालिकाका स्वास्थ्य संयोजक सुपेन्द्र कार्कीले बताउनुभयो । डेंगु रोगको दीर्घकालिन समाधानका लागि संक्रमित लामखुट्टे अध्ययन गरी भाइरसको पहिचान हुनु आवश्यक हुने किट विज्ञ (इन्टोमोलोजिष्ट) शिशिरकुमार पन्तले बताउनुभयो ।

Janata Tv

प्रतिक्रिया दिनुहोस्
विशेष

चिनियाँ पक्षले राष्ट्रपति सी चिनफिङको नेपाल भ्रमण रणनीतिक साझेदारीमा उक्लिन सफल रहेको निष्कर्ष निकालेको छ ।

बिहान ५ः०० स्टेशनआइडी÷राष्ट्रियगान ५ः०२ योग÷एरोबिक्स ५ः२५ दर्शन दिग्दर्शन ५ः५५ विज्ञापन÷प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन÷प्रोमो ७ः०० जनता…

मेष–स्वास्थ्यमा समस्या आउनेछ । काम बिगार्नेहरु अघि सर्नेछन् । वृष– नयाँ ठाउँको भ्रमण हुनेछ । प्रेममा प्रगति देखिन्छ । मिथुन–…

लु १ ख ९२०२ नंम्बरको ट्रक रिब्दीकोट गाउँपालिका २ भर्लेखोलामा दुर्घटनामा भएको हो ।

ढल्केबरमा एक शिक्षकले २ छात्रालाई बलात्कार गरेको रहस्य खुलेको छ ।

डा नम्बर १ का ४५ वर्षीय हर्कबहादुर कुमाल घरको जग खन्ने क्रममा पुरिएका हुन् ।