सरकार विरुद्ध कांग्रेसको प्रदर्शन

पुष्पराज अधिकारी
मकवानपुर । दोश्रो चरणको जागरण अभियानमा रहेको प्रतिपक्षी दल नेपाली कांग्रेसले सरकार विरुद्ध हेटौंडामा प्रदर्शन गरेको छ ।

विरोध जुलुससहित हेटौंडामा जागरण अभियानको समापन गर्दै नेपाली कांग्रेस ३ नम्बर प्रदेश संसदीय दलका नेता एवम् मकवानपुर पार्टी सभापति इन्द्रबहादुर बानियाँले वर्तमान सरकार काण्डैकाण्डमा फसेको र जनविश्वास गुमाइसकेको बताउनुभयो । नेता बानियाँले सरकार असफल हुँदा व्यवस्थाविरोधी तत्वसमेत सल्बलाइरहेको बताउनुभयो ।

हजारौँको बलिदानमा फेरिएको व्यवस्थालाई परिवर्तन गरी देशमा नयाँ संविधानमार्फत व्यवस्था फेरिए पनि कम्युनिष्टको कारण पूर्व राजादेखि वर्तमान व्यवस्थाविरोधीहरु सल्बलाउन थालेको उहाँको भनाइ छ । सरकार हत्याहिंसा, बलात्कार काण्ड, सुन काण्ड, वाइडबडी काण्ड जस्ता काण्डैकाण्डमा फसिरहेको बानियाँको आरोप छ ।

वर्तमान सरकारले संविधानकै बर्खिलापमा ऐन कानून बनाउन थालेको भन्दै कांग्रेसले खबरदारी गरिरहेको उहाँले बताउनुभयो । संविधानविपरीत ऐन कानून निर्माणमा सरकारले जबरजस्ती गरे कांग्रेसले सशक्त प्रतिकार गर्ने चेतावनी दिनुभयो । लोकतन्त्र र प्रजातन्त्रको सम्मान गर्दै अघि बढ्नेमा विश्वस्त तुल्याउँदै बानियाँले कम्युनिष्टले पेलेरै अघि बढ्न खोजे त्यसको मूल्य चुकाउनुपर्ने चेतावनी दिनुभयो ।

हेटौंडाको पार्टी कार्यालयबाट निस्किएको विरोध र्याली बजारका विभिन्न भाग परिक्रमा गरी बुद्धचोकमा पुगेर विरोधसभामा परिणत भएको थियो।

प्रतिक्रिया दिनुहोस्
विशेष

काठमाडौं । मुलुकको २८ औं प्रहरी महानिरीक्षक (आईजीपी) मा शैलेश थापा क्षेत्री नियुक्ति हुनुभएको छ । सरकारले प्रहरी अतिरिक्त महानिरीक्षक(एआइजी) …

काठमाडौं ।  काठमाडौं उपत्यकाको विभिन्न २३ स्थानमा कोरोना संक्रमित फेला परेका छन् । पछिल्लो २४ घण्टामा काठमाडौं, ललितपुर र भक्तपुरमा…

तनहुँ । व्यास नगरपालिकाले आफ्ना सटरमा राखिएका पसललाई २ महिनाको छुट गर्ने भएको छ । नगरपालिकाले व्यवसायीहरु कोरोना भाइरस संक्रमणको…

मेष– काममा प्रशंसा मिल्नेछ । राजनीतिक मोह जाग्नेछ , मानसिक तनाव आउनेछ । वृष– सामाजिक काममा व्यस्तता बढ्नेछ । धर्ममा…

कैलाली । सत्तारुढ दल नेपाल कम्युनिष्ट पाटी (नेकपा)मा शीर्ष नेताहरुबीच विवादको असर कैलालीमा परेको छ । शीर्ष नेताहरुकै सवाललाई लिएर…

काठमाडौं । प्रमुख प्रतिपक्ष दल नेपाली कांग्रेसको १४ औं महाधिवेशन काठमाडौंमा हुने भएको छ । कांग्रेसले १४ औं महाधिवेशन फागुन…