गच्छदारले पाए ११ केन्द्रीय सदस्य

काठमाडौं । नेपाली कांग्रेसले तत्कालीन नेपाल लोकतान्त्रिक फोरम संगको एकतालाई पुर्णता दिएको छ । पार्टी उपसभापति विमलेन्द्र निधि नेतृत्वको समितिले तयार पारेको समायोजन सम्बन्धि प्रस्तावलाई शुक्रबर बसेको वैठकले अनुमोदन गरेपछि फोरम सँगको एकता टुंगिएको हो ।

समायोजन सम्बन्धी निर्णयअनुसार विजयकुमार गच्छदार नेतृत्वको तत्कालीन लोकतान्त्रिक फोरमले ११ जना केन्द्रीय सदस्य पाउने भएको छ । यससँगै कांग्रेसले केन्द्रीय कार्यसम्पादन समितिको गठन गर्दा समायोजन प्रस्तावलाई समेत ध्यान दिएर सहमति गरिने निर्णय गरिएको छ ।

प्रस्ताव अनुमोदन अघि नै गच्छदार समूहलाई २०० जना महासमिति सदस्य र १४८ जना पर्यवेक्षक छुट्याइएको थियो । कांग्रेसले अब २५२ महाधिवेशन प्रतिनिधि गच्छदार समूहलाई दिने भएको छ ।

गच्छदार समूहले १३ जिल्लामा उपसभापति पाउने कांग्रेसद्धारा जारी विज्ञप्तीमा उल्लेख छ । जस अनुसार मोरङ्ग उपसभापतिमा १, सहसचिव १ र सदस्य १५ जना, सुनसरी जिल्लामा उपसभापति १, सहसचिव १ र सदस्य ११ जना, कैलालीमा उपसभापति १, सहसचिव १ र सदस्य ११ जना बर्दियामा उपसभापति १, सहसचिव १ र सदस्य ५ जना,सप्तरीमा उपसभापति १, सह–सचिव १ र सदस्य ५ जना,सर्लाही, दाङ्ग, पर्सा र काभ्रेमा उपसभापति १ /१ र सदस्य ७ / ७ जना, झापा र रुपन्देहीमा उपसभापति १ /१ र सदस्य ५ /५ जना, बारा र बाँकेमा उप–सभापति १ र १ र सदस्य ३ /३ जना, ओखलढुंगा, सिरहा, धनुषा, रौतहट, चितवन, कपिलवस्तु र कञ्चनपुरमा सहसचिव १ /१ र सदस्य ३ /३ जना, उदयपुर र महोत्तरीमा सह–सचिव १ /१ र सदस्य २ /२ जना पाउने टुंगो लागेको छ ।

काठमाडौं र पश्चिम नवलपरासीको हकमा भने पछि निर्णय गरिने कांग्रेसले जनाएको छ । लोकतान्त्रिकका क्रियाशील सदस्यको हकमा भने अद्यावधि गरेर मात्रै अन्तिम निर्णय गरिने जनाइएको छ ।

प्रतिक्रिया दिनुहोस्
विशेष

काठमाडौं । मेलम्ची खानेपानी आयोजनाको सुरुङको ड्याम फुटेको छ । ड्याम मंगलबार दिउँसो फुटेको हो । ड्याम फुट्दा त्यहाँ कार्यरत…

सप्तरी । जिल्ला भूमिसुधार तथा मालपोत कार्यालय कर्मचारी घुससहित पक्राउ परेका छन् ।  मालपोत कार्यालय नायब सुब्बा कृष्णबल्लभ ठाकुर पक्राउ…

महोत्तरी । जलेश्वर कारागारमा कैदीबन्दी धमाधम बिरामी पर्न थालेका छन् । एकैदिन १ सय ५४ कैदीलाई ज्वरो आएको छ ।…

काठमाडौं । प्रत्येक नाईं श्रमिकलाई लकडाउन अवधिभर प्रतिमहिना २५ हजारका दरले रकम उपलब्ध गराउनु पर्ने मागसहित व्यवसायी आन्दोलित भएका छन्…

सप्तरी । भारतसँग सीमा जोडिएको तिलाठी गाउँ हरेक वर्षझैँ यो वर्ष पनि डुबानमा परेको छ । खाँडोखोलामा आएको बाढीले जिल्लाको…

काठमाडौं । ललिपुरमा एक युवकले युवतीलाई कोठामा पुर्याइदिने बहानामा बलात्कार गरेका छन् । इलाम घर भई ललिपुरको नख्खुमा बस्दै आएका…