गाउँपालिकाको बडापत्र घरघरमा

सुनिल कार्की
पाल्पा । जिल्ल्लाको रिब्दीकोट गाउँपालिकाले प्रत्येक घरघरमा नागरिक बडापत्र वितरण कार्य शुरु गरेको छ ।

सिंहदरबारको अधिकार घरघरमा पुर्याउने उद्देश्य अनुरुप सोमबारबाट घरघरमा बडापत्र वितरण अभियान शुरु गरिएको हो ।

बडापत्रको गतिलो अध्ययनको कमीका कारण सेवा प्रभावमा आउने असहजतालाई घरमै पुगी प्रदान गरिएको नागरिक बडापत्र उपयोगी हुने अपेक्षा रिब्दीकोटबासीले लिएका छन् । सेवा प्रभावलाई सहज सरल बनाई झन्झटमुक्त बनाउन गाउँपालिकाले अभियानको रुपमा पालिकाको प्रत्येक वडाका घरघरमा बडापत्र वितरण गर्ने योजना रहेको गाउँपालिका अध्यक्ष नारायणबहादुर जिसीले बताउनुभयो । जनतामा सेवा सुविधा उपभोग गर्ने क्रममा होस् अथवा कुनै पनि प्रक्रिया पुरा गर्ने सन्दर्भमा आवश्यक प्रमाणको अपुग हुने समस्यालाई समधान गर्न बडापत्र वितरण कार्य प्रभावकारी हुने गाउँपालिका अध्यक्ष जिसीको दाबी छ ।

गाउँपालिका र प्रत्येक वडा कार्यालय अगाडि देखिने गरी नागरिक बडापत्र राखिएको भएपनि आवश्यक जानकारी लिन गाउँपालिका र वडा कार्यालय नै पुग्नुपर्ने बाध्यतालाई अन्त्य गरी सेवा प्रभावलाई चुस्त दुरुस्त राख्न घरघरमा बडापत्र सेवाग्राहीको लागि बरदान सावित हुने गाउँपालिकाका प्रमुख प्रशासकीय अधिकृत ऋषि अर्यालले बताउनुभयो । सोमबारदेखि रिब्दीकोट गाउँपालिका–५ कुसुमखोलाबाट शुरु भएको बडापत्र वितरण अभियान गाउँपालिकाको प्रत्येक वडाको घरघरमा पुगी हस्तान्तरण गरिने प्रमुख प्रशासकीय अधिकृत अर्यालले जानकारी दिनुभयो ।

गाउँपालिकाले प्रारम्भमा रिब्दीकोट–५ कुसुमखोलाका एक सय बढी घरधनीलाई नागरिक बडापत्र वितरण गरेको छ । रिब्दीकोट गाउँपालिकाले गुणस्तरीय आर्थिक, सामाजिक, भौतिक पुर्वाधार विकासको मध्यमबाट समृद्ध रिब्दीकोट बनाउने लक्ष्य लिएको छ ।

Janata Tv

प्रतिक्रिया दिनुहोस्
विशेष

आदिवासी जनजाति महासंघले सांसद रेशमलाल चौंधरीलाई तत्काल रिहा गर्न माग गरेको छ ।

निलम्बित सांसद मोहम्मद अफताब आलमलाई घटनाको १२ वर्षपछि न्यायालयको कठघरामा उभ्याइएको छ ।

नेपाल भ्रमण सफल पार्न ‘एक नेपालीले एक विदेशी पठाउ’ अभियान संचालन हुने भएकाे छ ।

नेपाल पब्लिक क्याम्पस संघको सभापतिमा शिवराज संजेल विजयी हुनुभएको छ ।

मुस्लिम समुदाय अन्तर्गतको नट जातिले विवाहमा भालु र सर्प दाइजो दिने गर्छन् ।

महोत्तरीको बर्दिबास नगरपालिकामा वडा अध्यक्षले सेवाग्राहीलाई कुटेका छन् ।