कुटपिट रक्सीमा मिलापत्र, वृद्धको मृत्यु

भोजपुर । भोजपुर नगरपालिका छिमकीको मुक्का प्रहारबाट वृद्धको मृत्यु भएको छ । वडा नम्बर १० का ६३ वर्षीय बलबहादुर राईको मुक्का प्रहारबाट मृत्यु भएको हो ।

छिमेकीको मुक्काले घाइते बलबहादुरको झारफुक गर्दागर्दै मृत्यु भएको प्रहरीले जनाएको छ । प्रहरीका अनुसार बलबहादुरलाई छिमेकी शंखराज भनिने श्रीकृष्ण राईले बुधबार मुक्का हानेका हुन् ।

आफ्नै घरको सिकुवामा आराम गर्दै बसेका बलबहादुरलाई श्रीकृष्णले मादक पदार्थ सेवन गरी बिना कारण मुक्का हानेमा थिए । त्यसपछि घटना एक बोटल रक्सीमा मिलापत्र भएको थियो । कुटपिटबाट घाइते बलबहादुरले दुखेको निको पार्न झारफुक गरे । तर झारफुकबाट दुखाई निको भएन, उनको शुक्रबार निधन भयो ।

बलबहादुरको निधनपछि श्रीकृष्ण पक्राउ परेका छन् । उनलाई भोजपुर नगरपालिकाको भैसीपंखा जीमीगाउँबाट पक्राउ गरिएको प्रहरीले जनाएको छ ।

Janata Tv

प्रतिक्रिया दिनुहोस्
विशेष

आदिवासी जनजाति महासंघले सांसद रेशमलाल चौंधरीलाई तत्काल रिहा गर्न माग गरेको छ ।

निलम्बित सांसद मोहम्मद अफताब आलमलाई घटनाको १२ वर्षपछि न्यायालयको कठघरामा उभ्याइएको छ ।

नेपाल भ्रमण सफल पार्न ‘एक नेपालीले एक विदेशी पठाउ’ अभियान संचालन हुने भएकाे छ ।

नेपाल पब्लिक क्याम्पस संघको सभापतिमा शिवराज संजेल विजयी हुनुभएको छ ।

मुस्लिम समुदाय अन्तर्गतको नट जातिले विवाहमा भालु र सर्प दाइजो दिने गर्छन् ।

महोत्तरीको बर्दिबास नगरपालिकामा वडा अध्यक्षले सेवाग्राहीलाई कुटेका छन् ।