सवारी दुर्घटनामा ५ जनाको मृत्यु

                    फाइल तस्बिर

काठमाडौं । मुलुकको विभिन्न ठाउँमा भएको छुट्टाछुट्टै दुर्घटनामा ५ जनाको मृत्यु भएको छ । काठमाडौं, सिन्धुपाल्चोक, उदयपुर, बर्दिया र सोलुखुम्बुमा भएको दुर्घटनामा ५ जनाले जीवन गुमाएका हुन् ।

काठमाडौं महानगरपालिका २६ मित्रनगरस्थित सडकमा बा १९ च ३५५५ नम्बरको जिपको ठक्करबाट ठेगाना नखुलेको ६५ वर्षीय कृष्णराज ढकालको मृत्यु भएको छ । ढकालको शिक्षण अस्पताल महाराजगंजमा उपचारको क्रममा शनिबार  राति मृत्यु भएको प्रहरीले जनाएको छ ।

सिन्धुपाल्चोकमा बसको ठक्करबाट नाबालिकाको मृत्यु भएको छ । चौतारा साँगाचोक गढी नगरपालिका ५ स्थित सडकमा बा २ ख ६५८५ नम्बरको बसको ठक्करबाट  त्यही ठाउँका भिमबहादुर घलेकी ३ वर्षीया छोरी प्रेरणाको मृत्यु भएको हो । उनको उपचारको क्रममा शनिबार दिउँसो मृत्यु भएको प्रहरीले जनाएको छ ।

उदयपुरमा जिपले मोटरसाइकललाई ठक्कर दिँदा युवाको मृत्यु भएको छ । कटारी नगरपालिका(२ स्थित सडकमा को १ ज ३४०० नम्बरको जिपले ज ५ प ७५५७ नम्बरको मोटरसाइकललाई ठक्कर दिँदा सिन्धुली दुधौली नगरपालिका९ लदाहका ३४ वर्षीय रूपेन कुमरको मृत्यु भएको हो ।

बर्दियामा मोटरसाइकलको ठक्करबाट पैदलयात्रीको मृत्युभएको छ । बाँसगढी नगरपालिका ८ स्थित सडकमा भे ५ प ३१८० नम्बरको मोटरसाइकलको ठक्करबाट त्यही ठाउँका ४७ वर्षीय बालकृष्ण थारु मृत्यु भएको हो । मोटरसाइकलको ठक्करबाट घाइते बालकृष्णकी पत्नी ४५ वर्षीया सिता प्यारीको उपचार भइरहेको छ ।

सोलुखुम्बुमा जिप खस्दा युवको मृत्यु भएको छ । दुधकुण्ड नगरपालिका ११ बरडाँडास्थित सडकमा बा १५ च ९४२० नम्बरको जिप शनिबार राति अनियन्त्रित भइ सडकबाट खसेर ना १ ज ५३४२ नम्बरको टाटा सुमोमाथि खसेका हो । दुर्घटनामा सुमो चालक नेचा सल्यान गाउँपालिका(२ बस्ने २१ वर्षीय लेख बहादुर खडकाको घटनास्थलमै मृत्यु भएको छ ।

Janata Tv

प्रतिक्रिया दिनुहोस्
विशेष

आदिवासी जनजाति महासंघले सांसद रेशमलाल चौंधरीलाई तत्काल रिहा गर्न माग गरेको छ ।

तिनिधिसभा सदस्य पार्वत गुरुङलाई काठमाडौ जिल्ला अदालतले साधारण तारिखमा छोड्न आदेश दिएको छ ।

निलम्बित सांसद मोहम्मद अफताब आलमलाई घटनाको १२ वर्षपछि न्यायालयको कठघरामा उभ्याइएको छ ।

नेपाल भ्रमण सफल पार्न ‘एक नेपालीले एक विदेशी पठाउ’ अभियान संचालन हुने भएकाे छ ।

नेपाल पब्लिक क्याम्पस संघको सभापतिमा शिवराज संजेल विजयी हुनुभएको छ ।

मुस्लिम समुदाय अन्तर्गतको नट जातिले विवाहमा भालु र सर्प दाइजो दिने गर्छन् ।