सरकारबाट बाहिरिन दबाब

काठमाडौं । राजधानीबाट बाट प्रकाशित हुने राष्ट्रिय स्तरका पत्रपत्रिकाले बुधबार गैर आवासीय नेपाली संघको सम्मेलन, नेपाल भारत उर्जा बैठक र बहिर्गमित सभामुख कृष्णबहादुर महराको थुना म्याद थप लगायतका विषयलाई प्राथमिकताका साथ प्रकाशित गरेका छन् । पत्रपत्रिकामा नेकपाका नेताहरुको विदेश भ्रमण, बढ्दो अपराधसहित राजनीतिक, आर्थिक र सामाजिक विषयका विभिन्न समाचार समेत प्रकाशित भएको छ ।

गोरखापत्र दैनिकमा राष्ट्रपति विद्यादेवी भण्डारीले विदेशमा आर्जन गरेको पूँजी, सीप र ज्ञानलाई नेपालको विकासमा लगाउन गैर आवासीय नेपालीलाई आग्रह गर्नुभएको समाचार छ । राष्ट्रपति भण्डारीले सरकार आर्थिक विकासमा केन्द्रित रहेको उल्लेख गर्दे त्यसमा सहयोगी बन्न गैर आवासीय नेपाललाई आव्हान गर्नुभएकाे हाे ।

कान्तिपुर दैनिकले ‘अलराउन्डरका अप्रत्याशित निर्णय’ शीर्षकमा प्रमुख समाचार बनाएको छ । समाचारमा उल्लेख भए अनुसार नेपाली खेलकुद वृत राष्ट्रिय टोलिका कप्तान पारस खड्काले पदबाट राजिनामा दिने घोषणा गरेपछि तरंगित बनेको छ । एक दशक नेपाली क्रिकेटको ‘स्वर्णयुग’लाई नेतृत्व गरेका ३२ वर्षे अलराउन्डर पारसको यो निर्णय धेरैका लागि अप्रत्याशित बनेको छ । पारस १० वर्षको बीचमा नपाली क्रिकेटले हासिल गरेको विरासतका नायक भएको समाचारमा लेखिएको छ ।

अन्नपूर्ण पोष्टमा उपप्रधानमन्त्री पद लिएर सरकारमा सामेल भएको समाजवादी पार्टीभित्रै सरकारबाट बाहिरिन दबाब बढ्दै गएको समाचारले प्रमुख स्थान पाएकाे छ । डेढ वर्षअघि नेकपाको दुबै अध्यक्षसँग संविधान संशोधन गराउने हस्ताक्षर गराएर सरकारमा गएका समाजवादीका अध्यक्ष उपेन्द्र यादवमाथि अहिले सरकार छोड्न दबाब परेको हाे ।

नागरिक दैनिकमा तीस वर्षयताको तथ्यांकले काठमाडौं उपत्यकामा १० प्रतिशत भन्दा बढीले अपराध वृद्धि भएको तथ्यांकले देखाएको  उल्लेख छ । प्रहरीको वर्गीकरण अनुसार सबैभन्दा बढी अपराधका क्रियाकलाप सामाजिक, महिला तथा बालबालिका र सवारी सम्बन्धित छन् ।

राजधानी दैनिकले नेपाल र भारतबीच वर्षायाममा बढी हुने बिजुली भारत पठाएर त्यसको सट्टामा हिउँदमा बिजुली ल्याउने गरी इनर्जी बैकिङ कार्यान्वयन गर्ने सहमतिबारे मुख्य समाचार बनाएकाे  छ । भारतमा सोमबारदेखि शुरु भएको नेपाल–भारत उर्जा बैठक सचिवस्तरीय संयुक्र निर्देशक समितिको बैठकले त्यस्तो निर्णय गरेको हो ।

Janata Tv

प्रतिक्रिया दिनुहोस्
विशेष

काममा प्रशंसा मिल्नेछ । राजनीतिमा फाईदा पाईनेछ ।

बिहान ५ः०० स्टेशनआइडी÷राष्ट्रियगान ५ः०२ योग÷एरोबिक्स ५ः२५ दर्शन दिग्दर्शन ५ः५५ विज्ञापन÷प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन÷प्रोमो ७ः०० जनता…

भूकम्पपछि मानिसहरू घरबाहिर निस्किएका छन् ।

काठमाडौं । चीनमा एक खानीमा विष्फोट हुँदा १५ जनाको मृत्यु भएको छ । चिनियाँ समाचार माध्यमका अनुसार विष्फोटमा परी नौजना…

प्रदेशसभा सदस्य विनोद खड्काले खैँजडी बजाएर नाच्दै तालिमको शुभारम्भ गरेका थिए ।

चेपाङ बाहुल्य राक्सिराङ गाउँपालिकाले चेपाङ समुदायको मौलिक खानेकुरा संरक्षणका लागि अभियान सञ्चालन गरिरहेको छ ।