Logo माघ १२, २०७७ सोमबार


निर्माणको १२ वर्षपछि कुलेखानी तेस्रोको उत्पादन शुरु

पुष्पराज अधिकारी
मकवानपुर । निर्माण शुरु भएको १२ वर्षपछि कुलेखानी तेस्रोबाट विद्युत उत्पादन शुरु भएको छ ।

मकवानपुरको भीमफेदी गाउँपालिका–१ सानुटारस्थित आयोजनाले हालसम्म १ लाख १२ हजार युनिट विद्युत् उत्पादन गरी राष्ट्रिय प्रशारण लाइनमा पठाइसकेको जनाएको छ ।

कुलेखानी दोस्रोबाट पास गरेको पानी १३ दशमलव ५ क्युसेकमा स्थानीय खानीखोलाको २ दशमलव ५ क्युसेक पानी थप गरी कुलेखानी तेस्रोको टनेलमा १६ क्युसेक पानी पठाउने गरी निर्माण गरिएको छ । आयोजनाको दुईवटा युनिटमध्ये एउटाबाट दशैँ अघि र अर्कोबाट असोज १७ गतेबाट परीक्षण उत्पादन शुरु भएको हो । हाल टर्वाईन, जेनेरेटर लगायत मेशिनहरुको क्षमता परीक्षणको काम भइरहेको छ ।

कुलेखानी तेस्रो आयोजना आयोजना भित्र रहेका दुईवटा युनिबाट १४ मेगावाट विद्युत् उत्पादन हुनेछ । तर कुलेखानी दोस्रोले पठाउने पानीको आधारमा यसले विद्युत् उत्पादन गर्नुपर्ने हुन्छ । कुलेखानी दोस्रो आयोजना भैंसेबाट ४ दशमलव २ किलोमिटर सुरुङमार्फत आयोजनास्थल सानुटारसम्म पानी ल्याइएको छ ।

सम्झौता अनुसार चार वर्षमा सकिनुपर्ने निर्माण कार्य ठेकेदारको ढिलासुस्तीका कारण थप सात वर्ष निर्माण अवधि लम्बिएको हो । काममा ढिलाई गरेबापत चिनियाँ कम्पनी जेझ्यिाङ जिन्लुनसँग विद्युत प्रधिकरणले ८ करोड रुपैयाँ लिक्वीड ड्यामेज असुलसमेत गरेको थियो । तिहारभित्र योजना पूर्ण रुपमा हस्तान्तरण गर्ने तयारी भइरहेको इलेक्ट्रोमेकानिकल तर्फको चिनियाँ ठेकेदार कम्पनीले जनाएको छ ।

हालसम्म करिब ४ अर्ब रुपैयाँ खर्च भइसकेको कुलेखानी तेस्रो आयोजनाले जनाएको छ । योजना हस्तान्तरण हुँदासम्म साढे चार अर्ब रुपैयाँ खर्च हुने आयोजनाको अनुमान छ । ढिलै भएपनि विद्युत उत्पादन शुरु भएपछि स्थानीयबासी भने उत्साहित छन् । २ अर्ब ४३ करोड रुपैयाँको लागत अनुमान गरी शुरु गरिएको आयोजनाको लागत ४ अर्ब ६३ करोड रुपैयाँभन्दा माथि पुगेको छ । १४ मेगावाट क्षमताको उक्त विद्युत् आयोजना निर्माण शुरु गर्दा प्रतिमेगावाट १७ करोड ३६ लाख खर्च अनुमान गरिएकोमा हाल प्रतिमेगावाट निर्माण खर्च ३३ करोड २१ करोड रुपैयाँ पर्न आएको छ । आयोजनाबाट वार्षिक सरदर ४० दशमलव ६५ मेगावाट विद्युत उत्पादन हुने विद्युत प्राधिकरणले जनाएको छ ।

कुलेखानी तेस्रोको सिभील तर्फको काम सिनो हाइड्रो र इलेक्ट्रो मेकानिकल तर्फको काम जिझ्याङ जिन्लुन चिनियाँ कम्पनीले गरेको हो ।

प्रतिक्रिया दिनुहोस्
विशेष

भुसालले भन्नुभयो, ‘पार्टी एकताको पक्षमा हामी सबै रहेकाले पार्टीलाई यो अवस्थासम्म ल्याइ पुर्याउन जजसले भुमिका खेले उनीहरुलाई कारबाही गरेर नेकपालाई…

महालेखा परीक्षकको टोलीले जिल्लाका १० स्थानीय तहमध्ये नौ स्थानीय तहको लेखापरीक्षण सम्पन्न गरेको छ ।

अध्यक्ष नेपालले भन्नुभयाे, ‘केपी ओलीको धुलो छाप पार्टीमा सदस्यहरू गए । ४५ सदस्यीय स्थायी कमिटीमा हामीसँग बहुमत छन् ।'

कोरोनाविरुद्ध अग्रभागमा काम गर्ने पहिचान गरिएका व्यक्तिलाई पहिलो चरणअन्तर्गत खोप दिइन लागेको हो ।

काठमाडौं । चीन २०२० मा सबैभन्दा धेरै वैदेशिक लगानी मुलुक बनेको छ । कोरोना महामारीको उद्गमस्थल भए पनि चीनले सन्…

काठमाडौं । निर्वाचन आयोगले गरेको निर्णयका कारण राजनीतिक रूपमा विभाजित नेपाल कम्युनिस्ट पार्टी (नेकपा) कानुनी रूपमा भने विभाजित हुने प्रक्रिया…