Logo ८ असार २०७८, मंगलवार


आमाको सम्झनामा अक्सिजन मेशिन हस्तान्तरण

सुखिलाल चौधरी
उदयपुर । रौतामाई गाउँपालिकाका प्रमुख सल्लाहकार तथा समाजसेवी अम्बरबहादुर रायमाझी परिवारले स्व. आमा सावित्री रायमाझीको सम्झनामा स्वास्थ्य चौकीलाई अक्सिजन मेशिन हस्तान्तरण गरेको छ ।

अक्सिजनको अभावमा कैयौं बिरामीको अकालमै मृत्यु हुनेदेखि बिरामीको अवस्था जटिल हुने समस्यालाई मध्यनजर गर्दै स्व. साबित्री रायमाझीका छोराहरु अम्बरबहादुर रायामाझी, गोविन्द रायामाझी र दिपक रायामाझीले गाउँपालिका अध्यक्ष गजेन्द्रबहादुर खड्कालाई मेशिन हस्तान्तरण गर्नुभएको हो ।

अध्यक्षलाई हस्तारण गरिएको मेशिन तत्कालै रौतामाई गाउँपालिका–७ का वडाध्यक्ष उत्तरकुमार मगरलाई हस्तान्तरण गरेको थियो । उक्त मेशिनको बजार मूल्य एकलाख बढी रहेको जनाइएको छ । प्रमुख सल्लाहकार एवं समाजसेवी रायमाझीको स्व. आमा साबित्रा रायमाझी दमको रोगी हुनुहुन्थ्यो । आमाका लागि खरिद गरिएको उक्त मेशिन एक हप्ता पनि प्रयोग हुन नपाएपछि गाउँका अन्य धेरै वृद्ध आमाबुवालाई सेवा, सुविधा पुग्छ भन्ने हेतुले पालिकालाई प्रदान गरेको रायमाझीले बताउनुभयाे ।

दमका बिरामीका लागि सिलिण्डरको अक्सिजन प्रयोग गर्नुपर्ने अवस्थामा आधुनिक अक्सिजन मेशिन अझ उपयुक्त हुने भएको छ । सिलिण्डरमा अक्सिजन भरिराख्नु पर्ने र छोटो अवधिमा मात्र पुग्नेमा उक्त आधुनिक मेशिनमा पर्याप्त अक्सिजन हुने र लामो समयसम्म पुग्ने जनाइएको छ ।

स्वास्थ्य चौकीमा रौतामाई गाउँपालिका लगायत उदयपुरगढी गाउँपालिका र त्रियुगा नगरपालिकाका जनताले समेत मेशिनबाट अक्सिजनको सेवा सुविधा लिन पाउने रौतामाई गाउँपालिकाका अध्यक्ष गजेन्द्रबहादुर खड्काले बताए । सामाजिक सेवा र सहयोगी भावले अक्सिजन मेशिन प्रदान गर्ने रायमाझी र उहाँको परिवारलाई पालिका अध्यक्ष खड्काले धन्यवाद ज्ञापन गर्दै यस्तो कार्य अरुका लागि पनि उदाहरणीय हुने बताउनुभयो ।

स्थानीय सरकारको तर्फबाट पालिकाबासीको स्वास्थ्य क्षेत्रमा सकेसम्मको पहल, प्रयासका कामहरु गर्दै आएको अवस्थामा नागरिकको तर्फबाट पनि प्राप्त यस किसिमको सहयोगले ठूलो टेवा पुग्ने गाउँपालिकाका प्रमुख प्रशासकीय अधिकृत खम्बराज राईले बताउनुभयो ।

अक्सिजन मेशिन हस्तान्तरण कार्यक्रममा वडाध्यक्ष उत्तरकुमार मगरको अध्यक्ष तथा प्रमुख अतिथि रौतामाई गाउँपालिका अध्यक्ष गजेन्द्रबहादुर खड्का र विशेष अतिथिमा प्रमुख प्रशासकीय अधिकृत खम्बराज राई र रौतामाई गापाका प्रमुख सल्लाहकार अम्बरबहादुर रायामाझी रहेका थिए । कार्यक्रममा समाजसेवी भरतबहादुर थापा, मावि मुर्कुचीका प्रधानाध्यापक खड्ग थापा, नेपाल पत्रकार महासंघ उदयपुरका अध्यक्ष भरत खड्का समाजसेवी, बुद्धिजीवि लगायतको उपस्थिति रहेको थियो ।

प्रतिक्रिया दिनुहोस्
विशेष

कम्पनीकी प्रवक्ता शर्मिला सुवेदीका अनुसार निषेघाज्ञामा गरिएकाे खुकुलाे व्यवस्थाबाट सर्वसाधारणकाे दैनिक जीवनयापनमा सहज भएकाले खाद्यान्नमा गरिएकाे छुटकाे व्यवस्था हटाइएकाे हाे…

यसअघि बागलुङको बडिगाड गाउँपालिका–४ मा विवाह भोज खाएका अधिकांशमा कोरोना सङ्क्रमण पुष्टि भएको थियो । सोही विवाहमा सहभागि एकै परिवारका…

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

खानपिनको सुख मिल्नेछ । बोलीको प्रभावले काम बन्नेछ । धन सञ्चय हुनेछ ।

काठमाडाैं । वैज्ञानिकहरूले गरेकाे अनुसन्धानबाट दिनमा निद्रा लाग्नुकाे कारण पत्ता लागेकाे छ । यदि दिनको समयका विना कारण धेरै थकाइ…

काठमाडाैं । नेपाल सरकारले संवैधानिक निकायमा गरेको नियुक्ति पुनः बहसको विषय बनेको छ । नियुक्ति गर्दाको समयमा देखिएको विवाद सँगै…