९ महिनाको गर्भ लिएर लुकीलुकी हिड्नुपर्ने बाध्यता

सप्तरी । प्रेम विवाह गरेको १० महिना बितिसक्दा पनि केटी पक्षले विवाह स्वीकार नगरेपछि सप्तरीका एक जोडी भूमिगत जीवन बिताउन बाध्य भएका छन् । भूमिगत जीवन बिताउन  मात्रै हाेइन उनीहरूले ९ महिनाको गर्भ लिएर लुकीलुकी हिँड्नुपर्ने बाध्यता समेत भाेगिरहेका छन् ।

केटी पक्षले मानसिक यातना दिँदै अदालतमा समेत अपहरण तथा शरीर बन्धक शीर्षकमा मुद्दा नै दर्ता गराएपछि उनीहरुलाई भूमिगत जीवन बिताउने बाध्यता परेको हो । पर्साको वीरगञ्ज उपमहानगरपालिका–७ की १९ वर्षीया कञ्चन मिश्राले गत माघ २ गते राजविराज नगरपालिका–१ का २३ वर्षीय रक्की झासँग प्रेम विवाह गर्नुभयो । विवाह गरेदेखि नै तनाव दिँदै आएका बुवा मनोज मिश्रा र आमा सावित्रीले यतिबेला आफ्नो पति र ससुराविरुद्ध मुद्दा नै दर्ता गराएपछि आफ्नो परिवारको बिचल्ली भएको कञ्चनले दुखेसो गरे ।

आफूहरुबीच २ वर्षदेखि रहेको प्रेम सम्बन्धलाई राजीखुशी विवाह गरेपनि आमाबुवाले अनाहकमा मुद्दा दर्ता गराएपछि आफूलाई ९ महिनाको गर्भ लिएर लुकीलुकी बस्नुपर्ने बाध्यता परेको कञ्चनको भनाइ छ । उहाँले आमाबुवालाई पटकपटक सम्झाएपनि स्वीकार गर्न तयार नरहेको तथा आक्रामक रुपमा प्रस्तुत भइरहेकाले आफूहरुलाई सुरक्षित बस्ने वातावरण मिलाइदिन पहलका लागि सबैमा आग्रह गर्नुभयो ।

आफू खुशीसाथ बसिरहेको भन्दै कञ्चनले आफ्नो परिवारमा तनाव नबढाउन आमाबुवालाई आग्रहसमेत गर्नुभएको छ ।

प्रतिक्रिया दिनुहोस्
विशेष

ज्यान बचाउन ती युवा भेरीमा हाम फालेको सोती गाउँका गाउलेको भनाइ छ ।

संक्रमितहरु गत बैशाख ३१ गते भारतबाट नेपाल आएर क्वारेन्टाइनमा बसेका थिए ।

अर्घाखाँचीका ३५ वर्षीय पुरुषको भारतबाट आउने क्रममा बाटोमै मृत्यु भएको हो ।

सेनाले भारतीय सञ्चारमाध्यमा आएका समाचारलाई ‘प्रोपगान्डा’ भन्दै सचेत रहन पनि विज्ञप्तिमार्फत सबैसँग आग्रह गरेको छ ।

शुक्रबार थप २७ जनामा कोरोना संक्रमण पुष्टि भएको हो ।

गर्भवती महिलालाई समयमा स्वास्थ्य केन्द्र लैजानका लागि सवारी साधनको अभाव भएपछि उनीहरुको ज्यान गएको शाखाको भनाइ छ ।