फूलमा आत्मनिर्भर बन्दै मकवानपुर

पुष्पराज अधिकारी
मकवानपुर । व्यावसायिक रुपमा फूलखेती गर्ने किसानहरु बढ्दै गएका छन् । फूलखेतीबाट राम्रो आम्दानी हुन थालेपछि तिहारका लागि मात्र नभएर वर्षैभरी फूलखेती गरेर राम्रो आम्दानी लिने किसानहरु बढ्दै गएका छन् ।

हेटौंडा १२ का वडा अध्यक्षसमेत रहनुभएका ललित घलान, हेटौंडा–६ चौघडाका बालकृष्ण चौलागाँई र मनहरीका हरिशरण अर्याल मात्र होइन, अहिले व्यावसयिक रुपमा फूलखेती गर्ने किसानको संख्या निकै बढेको छ । पहिले मकवानपुरको इन्द्रसरोवर गाउँपालिका अन्तर्गत फाखेलमा मात्र फूलखेती गरिएको भएपनि पछिल्ला वर्षमा मकवानपुरको दशवटै स्थानीय तहमा तिहारलाई लक्षित गरेर फूलखेती गरिएको छ । वेमौसमी रुपमा भने धेरैले यसको खेती गर्न थालेका छन् ।

तिहारमा धेरै माग हुने भएकाले सबैले दीपावलीलाई लक्षित गरी सयपत्री फूल उत्पादन गरेका छन् । दिपावलीका लागि नवलपरासी, नारायणघाट तथा हेटौँडाबाट फूल बिक्रेताहरुले सम्पर्क गरी तिहारअघि नै फूल टिपेर लैजान अर्डर भइसकेको मञ्जुश्री पुष्पखेती फर्मका सञ्चालक बालकृष्ण चौलागाँईले बताउनुभयो । उहाँका अनुसार अहिले फूलखेती भएको स्थलबाटै फूल धमाधम बिक्री भइरहेको छ । प्रति गुच्छा एक रुपियाँ २० पैसाका दरले फूल बिक्री भइरहेको उहाँले बताउनुभयो ।

नेपालमा पुष्पखेतीको राम्रो संभावना रहेको र छोटो सयममै राम्रो आम्दानी पाईने भएकाले पुष्पखेती गरिएको उनीहरुको भनाइ छ । अझै पनि भारतबाट करोडौंका फूल नेपाल भित्रिएको छ तर मकवानपुरमा व्यावसायिक रुपमा फूलखेती गर्ने किसानहरु बढ्न थालेपछि जिल्लामा भारतीय फूललाई विस्थापित गरेको छ ।

Janata Tv

प्रतिक्रिया दिनुहोस्
विशेष

समाजको औद्योगिक चेतना, संस्कार र संस्कृतिजस्ता विषयहरुलाई अग्रगामी बनाउँदै लैजानुपर्छ भन्ने हाम्रो स्पष्ट मान्यता छ । यसैका लागि हामीले सानो-सानो…

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (मंगलबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडाैं । दक्षिण एसियाली खेलकुद (साग) काे पुरूष फुटबलमा नेपालले स्वर्ण पदक प्राप्त गरेकाे छ । नेपालले भुटानलाई २–१ को…

चेकोस्लोभाकिया । पूर्वी शहर ओस्ट्रोभामा अवस्थित अस्पतालमा मङ्गलबार एक बन्दुकधारीले प्रहार गरेको गोलीबाट चार व्यक्तिको मृत्यु भएको छ । यस…

काठमाडौं । ‘यौनहिंसा भनेको के हो ? कसरी हुन्छ ? हिंसामा परेका महिलाले कसरी व्यक्त गर्ने ? कोसँग, कहाँ गएर…

मेष- नयाँ कामको सुरुवात हुनेछ, काममा रुचि बढ्नेछ । वृष- अनावस्यक विवाद पर्नेछ, यात्रामा कठीनाइ हुनेछ । मिथुन- नयाँ कामको…