उपाध्यायको ‘प्रगतिवादी समालोचना’ सार्वजनिक

काठमाडौं । नेपालको कम्युनिष्ट आन्दोलन, दर्शन, राजनीति क्षेत्रमा सुपरिचित व्यक्तित्व प्राज्ञ गोपीरमण उपाध्यायद्वारा लिखित पुस्तक ‘प्रगतिवादी समालोचना’ एक समारोहका बीच सार्वजनिक गरिएको छ । शनिबार पुष्पलाल अध्ययन समाजले आयोजना गरेको कार्यक्रममा उपाध्यायको पुस्तक नेपाल कम्युनिष्ट पार्टी (क्रान्तिकारी) का महासचिव मोहन वैद्य ‘किरण’ले सार्वजनिक गर्नुभयो ।

पुस्तक विमोचन समारोहमा बोेल्नुहुँदै महासचिव तथा माक्र्सवादी चिन्तक वैद्यले लेखक उपाध्यायले समालोचनाको क्षेत्रमा निकै महत्वपूर्ण पूस्तक तयार पारेको बताउनुभयो । मन्तव्यका क्रममा वैद्यले उपाध्यायले पुस्पलालका बेलाको कम्युनिष्ट संस्कृति र आजको अवस्थालाई विभिन्न कृतिको समालोचनामार्फत तुलना गरेको उल्लेख गर्नुभयो ।

समालोचनामाथि परिचर्चा गर्दै प्रगतिशील लेखक संघका अध्यक्ष प्रा. डा. जिवेन्द्र देव गिरीले नेपाली समालोचनाको क्षेत्रमा थुप्रै प्रगतिवादी समालोचनाहरुको आवश्यकता रहेको औंलयाउनुभयो । गिरीले लेखक उपाध्याय आफै पनि दर्शनका विज्ञ भएकाले समालोचनामा दार्शनिकता देखिएको उल्लेख गर्दै समालोचनामा पुष्पलालसँगको संगत, नेपाली कम्युनिष्ट आन्दोलनका ऐतिहासिक पाटाहरु र आफ्ना अनुभवहरु समेत समेटिएको बताउनुभयो ।

प्रगतिवादी समालोचनामा समिक्षा गर्दै प्रगतिवादी साहित्यकार डा. विन्दु शर्माले उपाध्यायले समालोचनामा आख्यान, उपन्यास, स्मृतिग्रन्थ, महाकाव्य र कवितालगायतका सबै विधा समेट्दै राजधानी बाहिर किनारामा परेका कृतिको खोजि गरेको बताउनुभयो । समालोचनामा लेखकले कृतिको समिक्षा गर्दा विषयवस्तु,संरचना, विशेषता, प्राप्ती र सिमाहरुलाई ध्यान दिइएको डा. शर्माको भनाइ थियो ।

कार्यक्रममा आफ्ना अनुभवहरु राख्ने क्रममा सर्जक उपाध्यायले समालोचनामा आजभन्दा २ सय वर्ष अघिको नेपाली समाज र यूरोपियन समाजको तुलना, मोहन वैद्य ‘किरण’ को हिमाली दर्शन र वामदेव गौतमको नेपाल महानिर्माण अभियानमा उल्लेख गरिएको नेपाली समाजवादको मोडेल र कम्युनिष्ट आन्दोलनको इतिहाससँग सम्बन्धित उपन्यासहरुको विश्लेषण लगायतका विषयवस्तु समेटेर समालोचना तयार पारिएको बताउनुभएको थियो ।

प्रतिक्रिया दिनुहोस्
विशेष

सूर्य थापा, प्रधानमन्त्रीको प्रेस सल्लाहकार तथा  नेपाल कम्युनिष्ट पार्टी (नेकपा) का सहप्रवक्ता । नेकपाका केन्द्रीय सदस्य थापा तार्कित युवा नेताको…

बिहान ५ः०० स्टेशनआइडी/राष्ट्रियगान ५ः०२ योग/एरोबिक्स ५ः२५ दर्शन दिग्दर्शन ५ः५५ विज्ञापन/प्रोमो ६ः०० जनता समाचार ६ः३० तिर्थ पर्यटन ६ः५५ विज्ञापन/प्रोमो ७ः०० जनता…

गोपाल पाठक / विनोद लामिछाने/अनिश्मा बस्नेत काठमाडौं । जनता टेलिभिजनमा आज (बिहीबार) प्रसारण गरिएका एक सय समाचारको संगालो नै शत्…

अफरोज अपर्ण काठमाडाैं । बुधबार बिहान ९ बजे सशस्त्र प्रहरी बल (एपिएफ)को केन्द्रीय कार्यालय हलचोक मैदान पुग्दा एपिफसँग आवद्ध नेपाली…

काठमाडौं । शहरी विकास राज्यमन्त्री रामवीर मानन्धरका आर्थिक मामिला सल्लाहकार अमृतकुमार घले बलात्कार आरोपमा पक्राउ परेका छन् । घरलाई बलात्कार…

काठमाडौं । नेपाल कम्युनिष्ट पार्टी नेकपाका उपाध्यक्ष वामदेव गौतमलाई राष्ट्रियसभा सदस्य बनाइने भएको छ ।नेकपाको बुधबार बसेको सचिवालय  बैठकले उपाध्यक्ष…