सप्तरीमा ‘सामुहिक मेवाखेती’

विद्यानन्द राम
सप्तरी । बजारमा बढ्दो माग र कम उत्पादनको अवस्थाअनुसार सप्तरीमा पहिलो पटक व्यावसायिक रुपमा सामुहिक मेवाखेती शुरु गरिएको छ ।

कञ्चनरुप नगरपालिका–१२ धर्मपुरमा दिपक गुप्ता, पिताम्वर कर्ण र अनिल प्रधानले संयुक्त रुपमा व्यावसायिक मेवाखेती शुरु गरेका हुन् ।

स्वास्थ्यका लागि मेवा अति गुनिलो फल हो । तर, उत्पादनतर्फ किसानहरुको ध्यान पुग्न नसक्दा सप्तरीसहितका बजारमा ८५ प्रतिशतभन्दा बढी मेवा भारतबाटै आयात हुँदै आएको छ । बजारको माग पुरा गर्न सप्तरीको कञ्चनरुप नगरपालिका–१२ धर्मपुरमा दिपक गुप्ता, पिताम्वर कर्ण र अनिल प्रधानले संयुक्त रुपमा व्यावसायिक मेवाखेती शुरु गरेका छन् ।

गुलियो र पोषिलो मानिने मेवाको बोट गाउँघरमा कहीँ–कत्तै देखिए पनि यसको व्यावसायिक खेती हुन नसक्दा बजारको माग पुरा गर्न भारतको भर पर्नुपर्ने बाध्यता हटाउन खेती शुरु गरिएको व्यवसायीहरु बताउँछन् ।

उनीहरुले चार महिनाअघि भारतको कलकत्ताबाट ‘रेडलेडी’ प्रजातिका विरुवा ल्याएर पाँच विघा जग्गा भाडामा लिएर मेवाखेती शुरु गरेका हुन् ।

स्थानीयस्तरमा प्राविधिकको अभाव रहेपनि कुल १९ लाख रुपैयाँको लगानीमा झण्डै चार हजार बोट रोपेर रेखदेख गर्दै आएको उनीहरु बताउँछन् । एउटा बोटमा करिब ५० देखि ६० किलोसम्म फल लाग्ने ताइवानी मेवाको बोटमा अहिले फूल लाग्न शुरु भइसकेकाले तीनदेखि चार महिनासम्ममा खान योग्य भइसक्ने उनीहरुको अनुमान छ ।

उत्पादित मेवा काठमाडौं, पोखरा, धरान, विराटनगर, जनकपुर लगायतका बजारसम्म पठाउने व्यवसायीहरुको योजना रहेको छ । सप्तरीका बजारमा ६० देखि ६५ रुपैयाँ प्रतिकिलोको दरले मेवाको बिक्री वितरण हुँदै आएको छ ।

Janata Tv

प्रतिक्रिया दिनुहोस्
विशेष

सेवाग्राहीको मोही नामसारी गराउनका लागि ६ हजार रुपैयाँ घुस लिएको अख्तियारले जनाएको छ ।

६/६ महिना थप गरेर ६० वर्ष पुर्याउने निर्णय गर्नुपरेको उपसचिव दाहलको भनाइ छ ।

ज्यान गुमाउनेमा त्रिवेणी गाउँपालिका –४ की ६० वर्षीया कृष्णादेवी परियार र ५९ वर्षीया यगी थापा रहेका छन् ।

फेवातालमा जलबिहार सकिएपछि राष्ट्रपति हमिदको सम्मानमा गण्डकी प्रदेश सरकारले फिस्टेल होटलमा दिवाभोजको आयोजना गरेको थियो ।

चन्द्रा धामीको समयमै अस्पताल पुर्याउन सकिएको भए ज्यान बच्ने स्वास्थ्यकर्मीको भनाइ थियो ।

संशोधन प्रस्तावमा ‘२५ हजारदेखि १० लाखसम्म जरिवाना भराउन सक्ने’ भन्ने शब्दको सट्टा ‘मध्यस्थता गरी मेलमिलाप गराइदिने’ लेख्नुपर्ने उल्लेख छ ।