भारतद्वारा सार्वजनिक नक्साविरुद्ध ठाकुर गैरेको आक्रोश

काठमाडौं । भारतले पछिल्लो पटक सार्वजनिक गरेको नयाँ नक्सामा नेपालका कालापानी, लिपुलेक, लिम्पियाधुरा समेटिएको र अमेरिकाले नेपालमा आतंककारीको अखडा रहेको विज्ञप्ति जारी गरेको प्रति सत्तारुढ दल नेकपाका युवा नेता ठाकुर गैरेले कडा आपत्ति जनाउनुभएको छ । नेकपाका केन्द्रीय सदस्यसमेत रहनुभएका नेता गैरेले उपर्युक्त दुवै विषयमा आधिकारिक धारणा सार्वजनिक गर्नसमेत सरकारसँग माग गर्नुभएको छ ।

विद्यार्थी राजनीतिमा जोडिएदेखि नै राष्ट्रियता र राष्ट्रिय स्वाधिनताको अभियान चलाउँदै आउनुभएका गैरेले सामाजिक सञ्जालमा भन्नुभएको छ, ‘कालापानी, लिम्पियाधुरा, लिपुलेक नेपालकाे हो, अतिक्रमण मञ्जुर छैन । भारतले उक्त भूभाग आफ्नो बनाएर नक्सा बनाएको समाचार आइरहेका छन् । वास्तविकता के हो ? यस सम्बन्धमा नेपाल सरकारले जनतालाइ स्पष्ट पार्नुपर्दछ, साथै कूटनीतिक माध्यमबाट आफ्नो भूगोल रक्षा गर्न तत्काल पहल गर्नुपर्दछ ।’

अमेरिकाले नेपालमा आतंककारी गतिविधि बढाइरहेको भनेर आइरहेका समाचारहरुप्रति समेत गैरेले असन्तुष्टि पोख्नुभएको छ ।

यसबारे गैरेले अगाडि भन्नुभएको छ, ‘यतिबेला अमेरिकाले नेपाल आतंककारीको अखडा बन्दै गरेको भनेर वक्तव्य जारी गर्नुको उद्देश्य के हो ? कुटनीतिक तहमा र उच्च नेतृत्व तहमा उक्त विषय प्रवेश भएको छ वा छैन ? अमेरिकी प्रतिवेदनलाई गम्भीरतापूर्वक लिई सरकारले वास्तविकता पहिचान गरी देश र जनताको सुरक्षा गर्न आवश्यक रणनीति बनाउन जरुरी छ । यथार्थ के हो ? भन्नेबारे नेपाली जनतालाई सरकारले स्पष्ट पार्नुपर्छ । नेपालमा फेरि अस्थिरता अराजकता पैदा गर्ने, हाम्रो सम्प्रभूतामाथि हस्तक्षेप गर्ने साथै समग्र शान्ति र समृद्धिको यात्रामा वाधा सिर्जना गर्ने कोशिस् त हुँदै छैन ?  गम्भीर सतर्कता अपनाउनु जरूरी छ ।’

प्रतिक्रिया दिनुहोस्
विशेष

काठमाडौं । अनुहार गोरो पार्न घस्ने गरिएको ‘फेयर एण्ड लब्ली’मा हानिकारक वस्तु भेटिएको छ । फेयर एण्ड लब्ली’मा हानिकारक रसायन…

सप्तरी । प्रहरीको टोलीले ठूलो परिमाणमा अवैध सुनसहित मंगलबार दुई जनालाई पक्राउ गरेको छ । प्रहरी ले शहीद चोकबाट १९…

काठमाडौं । नेपाली कांग्रेसका सांसद गगन थापाले प्रधानमन्त्री केपी ओलीको राजीनामा माग्नुभएको छ । प्रतिनिधिसभाको विशेष समयमा बोल्दै सांसद थापाले…

काठमाडौं । नेपाल कम्युनिष्ट पार्टी (नेकपा) का संसद भीम रावलले कालापानी क्षेत्रमा भारतीय पक्षले सडक निर्माण गरिरहेको विषयमा सरकारको ध्यानाकषर्ण…

काठमाडौं । सरकारले नेपाल ट्रस्टको जग्गा जमिन र चल–अचल सम्पत्तिको बारेमा श्वेतपत्र जारी गर्ने भएको छ । यती होल्डिङ्सलाई सस्तोमा…

अनिल तिवारी बारा  । मुलुकमा भूमाफियाले सरकारी जग्गा हडपेको चर्चा पछिल्लो समय चुलिएको छ । ललिता निवासदेखि यती होल्डिङले हडपेका…