Logo मंसिर १७, २०७७ बुधबार


‘बोक्सी भन्दै तातो फलामले डाम्न खोजे, भागेर बाँचे’

विपुल अधिकारी
पाँचथर । याङ्वरक गाउँपालिका–२, फलैंचाकी पूजा भारतीलाई ससुरा कान्तप्रसाद गिरीले बोक्सिको आरोप लगाउँदै चरम यातना दिएको खुलेको छ ।

पीडितका अनुसार ससुरा कान्तप्रसादले लामो समयदेखि बोक्सिको आरोपमा शारीरिक तथा मानसिक यातना दिँदै आएका हुन् । गत भदौ ३१ गते राति छिमेकी महेन्द्रप्रसाद पौडेलसँग मिलेर निर्घात कुटपिट गरी फलाम तताएर डाम्न खोजेपछि पूजाले भागेर ज्यान जाेगाएकाे बताइन् ।

कुटपिटपछि कान्तप्रसादले डाम्नलाई फलाम तताइरहेको र महेन्द्रप्रसादले आफूलाई पक्रिरहेको अवस्थामा फुत्केर ज्यान जोगाउन सफल भएको भारतीको भनाई छ । भारतीले सोही दिन नजिकैको प्रहरी चौकीमा ठाडो उजुरी दिएपनि आफूमाथि जघन्य अपराध गर्नेहरु पक्राउ नपरेको गुनासो गरेकी छिन् ।

घटना घटेको लामो समयसम्म पनि पीडकहरु पक्राउ नपरेपछि प्रहरीसँग बुझ्दा जाहेरी बिना कारबाही गर्न नमिल्ने बताइएपछि असोज २७ गते उजुरी दिएको पीडितको भनाई छ । अहिलेसम्म पनि पीडकलाई प्रहरीले पक्रिन सकेको छैन् ।

पाँचथर प्रहरी प्रबक्ता एवं प्रहरी निरिक्षक अनिलकुमार पौडेलले भने आरोपित दुबैजना फरार रहेको र खोजिकार्य जारी रहेको प्रतिक्रिया दिए । पीडित पूजा एक बर्षीया छोरीका साथ हिलिहाङ–२, कुर्लुम्बास्थित माइतघरमा बस्दै आएकी छन् ।

प्रतिक्रिया दिनुहोस्
विशेष

निर्णय प्रक्रियामा मत राख्ने स्वतन्त्रता र निर्णय कार्यान्वयनमा एकरूपता हुने विधानमा प्रष्ट उल्लेख छ ।

जिल्ला प्रहरी कार्यालय सल्यानका अनुसार बस सडकबाट ३० मिटर तल खसेको छ ।

नेपाल प्रहरीको साइबर ब्यूरोले सामाजिक सञ्जालमा सावधानी अपनाउन अनुराेध गरेकाे छ ।

स्वास्थ्य तथा जनसंख्या मन्त्रालयका सचिव लक्ष्मण अर्यालले कामको प्रकृति हेरी धेरै ऐनलाई एकीकृत गर्न छाता ऐन बनाउनुपर्ने आवश्यकता रहेको बताउनुभयो…

रेमिट्यान्सलाई उत्पादन क्षेत्रमा लगाउन सरकारले प्रोत्साहित गर्नुपर्ने र निजी क्षेत्रलाई सरकारको पार्टनरको रुपमा हेर्नुपर्ने ढकालकाे सुझाव छ ।

काठमाडौं । सत्तारुढ नेपाल कम्युनिष्ट पार्टी (नेकपा) का अध्यक्षसमेत रहनुभएका प्रधानमन्त्री केपी शर्मा ओली आफ्नो पार्टीको सचिवालय बैठकमा जानुहुने भएको…