काठमाडाैं-जनकपुर २ सय ५० किमी साइकल यात्रा

बलवीर भुजेल
सिन्धुली । यस वर्षको राइड थु्र सिन्धुलीगढी साइकल यात्रामा काठमाडौंको पशुपतिबाट झण्डै २ सय ५० किलोमिटर यात्रा गरेर जनकपुरसम्म पुग्ने छ । महिला साइकल यात्रीको संख्या उल्लेख्य हुने भएको छ ।

महिला साइकल यात्रीलाई ब्रिटिस काउन्सिल र युएन उमनलगायतका संस्थाले प्रायोजन गर्ने भएपछि महिलाको संख्या यस वर्ष निकै बढ्ने भएको हो ।

यस वर्षको साइकल यात्रा मंसिर ६ गतेदेखि ९ सम्म ४ दिन हुने छ । साइकल यात्राको स्टोरी साइकल, सानो पाइला, फ्याक्ट्स नेपाल, सिन्धुलीय श्रेष्ठ समाजलगायतका संस्था सहआयोजक छन् । साइकल यात्रालाई पर्यटन बोर्डले प्रवद्र्धनमा सघाउँदै आएको छ । साइकल यात्रामा अभियानले प्रदेश नम्बर ३ सँग सहकार्य गरेको छ ।

यस वर्षको साइकल यात्राको तयारी पूरा भएको अभियन्ता हरिकृष्ण श्रेष्ठले जानकारी दिनुभयो । उहाँका अनुसार काठमाडौंको पशुपतिनाथ परिसरबाट शुरु हुने साइकल यात्री पहिलो दिन सिन्धुलीको मुलकोटमा बास बस्ने छन् । दोस्रो दिन साइकल यात्री ऐतिहासिक सिन्धुलीगढी पुगेर त्यहाँका सम्पदाको अबलोकन गर्नेछन् । त्यहाँबाट सिन्धुलीमाढी झरेर साइकल यात्रीहरु सिन्धुली कला घरले गर्ने साँस्कृतिक कार्यक्रममा सहभागी हुने छन् । तेस्रो दिन साइकलयात्री मिथिलाको सांस्कृतिक शहर जनकपुरधाममा आयोजना गरिने मैथिल लोकसंस्कृतिसहितको सांस्कृतिक कार्यक्रममा सहभागी हुनेछन् । चौथो दिन बिहान जनकपुरमा साइकलयात्रीका लागि नगर परिक्रमा कार्यक्रम राखिएको छ ।

अभियानले ऐतिहासिक सिन्धुलीगढीलाई सांस्कृतिक शहर जनकपुर र पशुपतिको शहर काठमाडौंलाई पर्यटकीय दृष्टिले जोड्न हरेक वर्ष साइकल यात्रा गर्दै आएको हो । हरेक वर्ष साइकल यात्रामा १ सय ५० जन साइकल यात्री र ५० जना सहयोगीको समुह गरी दुई सयजना सहभागी हुने साइकल यात्राकी संयोजक दीपिका ज्ञवालीले बताउनुभयो । अभियानले राइड थ्रु सिन्धुलीगढीमा जान चाहने साइकल यात्रीलाई अनलाइनमा नाम दर्ता गर्न सक्ने ब्यवस्था गरेको छ ।

अभियानले सांस्कृतिक शहर काठमाडौं र जनकपुरलाई ऐतिहासिक सिन्धुलीगढी हुँदै जोड्ने साइकलयात्राले पहाड र तराई बीचको सद्भाव विस्तार गर्न समेत सघाउने आयोजकको अपेक्षा छ ।

अंग्रेजी फौजलाई परास्त गरेको ऐतिहासिक स्थल सिन्धुलीगढीलाई संसारसामु चिनाएर पर्यटन प्रवद्र्धन गर्ने अभियानको योजना छ । ‘राइड थ्रु सिन्धुलीगढी’ नाममा ब्रान्डिङ गरेर विश्वभरका साइकल यात्रीलाई हरेक वर्ष हुने यात्रामा सहभागी गराउने योजना अभियानले बनाएको अभियानका उपाध्यक्ष दीपक श्रेष्ठ बताउँछन् ।

काठमाडौंबाट झण्डै २ सय ५० किलोमिटर यात्रा गरेर जनकपुरसम्म पुगिने छ ।

प्रतिक्रिया दिनुहोस्
विशेष

मेष–अनावश्यक लाञ्छना लाग्नेछ । नयाँ काम बिग्रिन सक्नेछ । वृष– छोटो यात्राको सुख मिल्नेछ । वैवाहिक प्रेममा सुख मिल्नेछ ।…

काठमाडौं । महाराजगञ्जस्थित त्रिभुवन विश्वविद्यालय शिक्षण अस्पतालबाट कोरोनालाई पराजित गरेर ६ वर्षीया बालिका घर फर्केकी छन् । श्वासनलीमा मासु पलाएका…

सीमा जोडिएको चीनमा कोरोना महामारीले ताण्डव मच्चाएको बेलामा नै  यसबारे किन सतर्क हुन सकिएन ?

सरकारको काममा जनमासको विश्वास छाओस् । सरकारको जितमा नै जनताको खुशी र जित छ ।

काठमाडौं । स्वास्थ्य तथा जनसंख्या मन्त्रालयले ‘स्वास्थ्य संकटकाल’ घोषणाको लागि मन्त्रिपरिषद्मा प्रस्ताव लग्ने भएको छ । मन्त्रालयको बुधबारको बैठकले ‘हेल्थ…

काठमाडौं । संघीयता खारेज गर्न माग गर्दै संसदमा प्रस्ताव दर्ता भएको छ । संघीयताको पहिल्यैदेखि विरोध गर्दै आएको राष्ट्रिय जनमोर्चाले…