मकवानपुरको विभिन्न स्थानमा एकादशी मेला (फाेटाेफिचर)

पुष्पराज अधिकारी
मकवानपुर । भगवान विष्णुको प्रतीकका रूपमा तुलसीको विवाह र विशेष पूजा गरी मनाइने हरिबोधिनी एकादशी मकवानपुरको तीन स्थानमा भव्य मेला लागेको छ ।

मकवानपुरको भिमफेदी गाउँपालिका–१ स्थित त्रिखण्डि मन्दिर, मकवानपुर गढी गाउँपालिकामा रहेको गढी दरबार र थाहा नगरपालिका–४ स्थित ऋषेश्वर मन्दिरमा एकादशीको विशेष मेला लागेको छ । यी स्थानमा हरेक वर्षको एकादशीका दिनमा मेला लाग्ने गरेको छ ।

मेलाका अवसरमा आज बिहानैबाट ऋषेश्वर मन्दिर, त्रिखण्डि मन्दिर र मकवानपुर गढीमा भक्तजनहरुको घुइँचो लागेको छ । गढीदरबारभित्र वंशगोपालको मन्दिर रहेको छ । मकवानपुरगढी गाउँपालिकाको आमभञ्ज्याङ, सुकौरा, बुढीचौर, हेटौंडाको हटिया हर्नामाडी, बकैयाको ठिङगन लगायत मकवानपुरको विभिन्न स्थानबाट मेलामा आउने गरेको मकवानपुरगढी–२ का अध्यक्ष बखानसिं पाख्रिनले बताउनुभयो ।

यस्तै त्रिभुवन राजपथको हेटौँडा–काठमाडौं छोटो दुरीको सडक खण्डमा त्रिखण्डि मन्दिर पर्ने भएकाले प्रहरीको टोली खटाएर सुरक्षा व्यवस्था कडा पारिएको जिल्ला प्रहरी कार्यालयले जनाएको छ । दुर्घटना प्रभावित क्षेत्र र साना गाडी धेरै गुड्ने भएकाले क्षमता भन्दा बढी यात्रु बोक्ने यातायातको साधन चेकजाँच गरी सुरक्षा कडा गरिएको प्रहरी उपरीक्षक मुकेशकुमार सिँहले बताउनुभयो ।

यसैगरी थाहा नगरपालिका–४ स्थित ऋषेश्वर मन्दिरमा पूजा गर्न आउने तिर्थालु र मेला/जात्रा हेर्न आउने मानिसहरुको व्यवस्थापन र सुरक्षाका लागि इलाका प्रहरी कार्यालय पालुङबाट खटिएका प्रहरी तथा ऋषेश्वर सामुदायिक वन उपभोक्ता समिति परिचालनमा रहेको स्थानीय सञ्चारकर्मी सुरजकुमार भुजेलले जानकारी दिनुभयो ।

हरिशयनी एकादशीका दिन घर घरमा तुलसीको मठनजिकै विष्णुको प्रतीकका रूपमा निगालाको लिङ्गो गाडेर विधिपूर्वक पूजा गरिन्छ । कार्तिक महिनाभर सबै देवदेवी तुलसीमै निवास गर्छन् भन्ने धार्मिक विश्वास छ ।

प्रतिक्रिया दिनुहोस्
विशेष

काठमाडौं । फागुन १४ गते हुने भनिएको स्वतन्त्र विद्यार्थी युनियनको निर्वाचन स्थगित हुनुमा अखिल र नेविसंघले एकअर्कालाई आरोप लगाएका छन्…

फाइल तस्बिर काठमाडौं । नेपाल कम्युनिष्ट पार्टी (नेकपा) का उपाध्यक्ष वामदेव गौतमलाई राष्ट्रियसभा सदस्यमा मनोनितको लागि पार्टीले गरेको निर्णयपछि राजनीति…

काठमाडौं । ११ र १२ कक्षामा कानुन अध्ययनरत विद्यार्थीबीच हाजिर जवाफ प्रतियोगिता हुने भएको छ । कानुन पढाइ हुने विभिन्न…

काठमाडौं । प्रधानमन्त्रीका परराष्ट्र सल्लाहकार डा. राजन भट्टराईले नेकपाका उपाध्यक्ष वामदेव गौतमलाई राष्ट्रियसभा सदस्यको लागि पार्टीले निर्णय गर्न नमिल्ने बताउनुभएको…

काठमाडौं । प्राणघातक ‘कोरोना भाइरस’ संक्रमणको जोखिमबाट सुरक्षित रहन जापानमा एक महिनाका लागि विद्यालयहरु बन्द गरिएको छ । जापानका प्रधानमन्त्री…

काठमाडौं । अमेरिका पठाइदिने भन्दै विभिन्न व्यक्तिलाई ठग्ने पक्राउ परेका छन् । सिन्धुपाल्चोकको मेलम्ची नगरपालिका वडा नम्बर ९ घरभइ काठमाडौंको…