ग्यारेजमा एम्बुलेन्स, बिरामी बोक्न स्टेचर

एलबी विश्वकर्मा
अछाम । पञ्चदेवल विनायक नगरपालिकामा तत्कालिन संविधानसभा सदस्य जानकी साउद सांसद विकास कोषकाे बजेटबाट किनिएको  एम्बुलेन्स हस्तातरण गर्नुभएको थियाे । आफ्नो क्षेत्रका बासिन्दाले स्टेचरमा बिरामी बोक्नुपर्ने बाध्यताको अन्त्य गर्न एम्बुलेन्स हस्तातरण गर्नुभएको थियाे । तर अहिले एम्बुलेन्स शहरमा छ, बिरामीलाई सर्वसाधारणले स्टेचरमै बोकिरहेका छन् ।

नगरपालिकाको वडा नम्बर २ मा राख्नेगरी हस्तातरण गरिएको एम्बुलेन्स करिब ९ महिना पहिले बिग्रिएको थियो । एम्बुलेन्स मर्मतका लागि जनप्रतिनिधिले ध्यान नदिँदा एम्बुलेन्स बिग्रिएको हो । ३ वर्षसम्म एम्बुलेन्स चलिरहेको थियो । बिरामी बोक्नलाई सहज भएको थियो । एम्बुलेन्स बिग्रिएपछि बिरामीलाई फेरी काँधमा बोकेर लानुपर्ने बाध्यता भएको स्थानीय करण विकको भनाइ छ ।

एम्बुलेन्स सञ्चालक समितिमार्फत सञ्चालनमा रहेको एम्बुलेन्सलाई नगर सरकारले आफ्नो मातहतमा लिएको करिब एक वर्ष भएको छ । नगरले आफ्नो मातहतमा लिएदेखि नै एम्बुलेन्स चल्न छोडेको स्थानीय बताउँछन् । नगर सरकारले सञ्चालक समितिसँग हरहिसाब मागेर वडा नम्बर २ का अध्यक्ष पदमबहादुर धामीको जिम्मामा एम्बुलेन्स रहेको थियो । वडाध्यक्ष धामीको लापरवाहीका कारण एम्बुलेन्स मर्मत हुन नसकेको स्थानीयको आरोप रहेको छ ।

एम्बुलेन्स मर्मत हुन नसक्दा बिरामीलाई समयमा अस्पतला लैजान नसक्दा कति बिरामीको मृत्यु हुने गरेको छ । करिब सात महिना अघि प्रसुती हुन नसकी अकालमा ज्यान गुमाउन बाध्य भएकी पञ्चदेवल विनायक नागरपालिका–२ की चन्द्रा धामीको समयमै अस्पताल पुर्याउन सकिएको भए ज्यान बच्ने स्वास्थ्यकर्मीको भनाइ थियो । उनलाई अस्पताल लैजानका लागि जिप रिजर्भ गरिएको थियो तर जिप आउन समय लागेकाले उनको अवस्था थप खतरातर्फ धकेलिएको थियो । यस्तै सात नम्बर वडाकी धनादेवी रावललाई चट्याङ् लागेर मृत्यु भएको थियो, स्वस्थ्यकर्मीका अनुसार उनको पनि समयमै उपचार हुन सकेको भए ज्यान जाने थिएन ।

‘एम्बुलेन्स मर्मत गर्न पैसाको अभाव देखिएको छ’ वडाध्यक्ष धामीले भन्नुभयो, ‘पहिले सामान्य मर्मत हो भनेर केही रकम पठाईयो तर नेपालगञ्ज पुर्याउँदा १ लाख ५० हजार भन्दा बढी लाग्गने देखिएकाले पैसा मिलाएर पठाउने पहल भइरहेको छ ।’

तात्कालिन सञ्चालक समिति अध्यक्ष शेरबहादुर बुढाले एम्बुलेन्स नगरले मर्मत गर्न नसक्ने भए आफै बनाउने र पुनः आफ्नो मातहतमा रहने गरी जिम्मा दिनुपर्ने बताउनुभएको छ । हामी बनाएर चलाउँछौ, हामीलाई जिम्मा दिनुपर्यो उहाँले भन्नुभयो ।

स्थानीय सरकारको लापरवाहीका कारण एम्बुलेन्स मर्मत हुन नसकेको हो । नगरपालिकाको मातहतमा भएका अधिकांश सवारी साधनमा लापरवाही भएको देखिएको छ ।

Janata Tv

प्रतिक्रिया दिनुहोस्
विशेष

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (साेमबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडौं । सत्तरुढ दल नेपाल कम्युनिष्ट पार्टी नेकपाले मंसिर २९ गते स्थायी कमिटी बैठक बोलाएको छ । सोमबार बसेको सचिवालय…

न्यूजिल्यान्ड । उत्तरपूर्वी भेगको ह्वकारी भनिने ह्वाईट आईल्यान्ड नामक टापुमा ज्वालामुखी विस्फोट हुँदा कम्तीमा पाँचको मृत्यु भएको छ । विस्फोटमा…

हामीले हाम्रा केटाकेटीलाई हिन्दीमै बानी पारिसेका छौं । सानो बच्चाले घरमा कार्टुन हेर्दै हिन्दी सिक्छ भने उता विद्यालयमा अंग्रजी ।

बिहान १० बजे शुरु भएको विद्यार्थी आन्दोलन नियन्त्रणमा नआएपछि अपरान्ह ३ बजेदेखि कोहलपुर क्षेत्रमा अनिश्चितकालीन कर्फ्यू आदेश जारी गरिएको जिल्ला…

मीन- आफन्त भेटघाट हुनेछ । धनको कारोबार बढ्नेछ ।