कालापानीबारे चीनले भन्यो, ‘हामीले सीमा मिचेकै छैन’

काठमाडौं । राजधानीबाट शुक्रबार प्रकाशित पत्रपत्रिकाहरुमा विभिन्न फरक – फरक शीर्षकका समाचारले प्राथमिकता पाएका छन् ।

बिहीबार जनता समाचार डटकम मा लुम्बिनीमा दोस्रो अन्तर्राष्ट्रिय त्रिपिटक वाचन (फोटोफिचर), विदेशी पर्यटकको गतिविधिबारे सचेत रहन आग्रह, सातै प्रदेशमा हस्तकला हब स्थापना (भिडियोसहित), जीप दुर्घटना दुईको मृत्यु, आठजना घाइते, ‘उद्योगपति ज्योतिलाई हिरासतमा राखिनु गलत’, गौतमबुद्ध विमानस्थल निर्माणमा तीव्रता र ओम सुनारको ‘तिमीलाई माया गरुँ भन्छ यो मन’ बजारमा लगायतका समाचार प्रकाशन गरिए ।

अन्नपूर्ण पोष्ट् ले कालापानीबारे चीनले भन्यो, ‘हामीले सीमा मिचेकै छैन’ शीर्षकमा प्रमुख समाचार बनाएको छ । नेपाली भूभाग कालापानी क्षेत्र अतिक्रमणबारे भारतीय पक्षले नेपाली सीमा मिचेको खबर सार्वजनिक भएको १० दिनपछि चीनले मुख खोलेको छ । चिनियाँ विदेश मन्त्रालयका प्रवक्ता जेङ सुआङले नियमित पत्रकार भेटघाटमा कालापानि अतिक्रमणबारे सोधिएको प्रश्नको जवाफ दिँदै कालापानी सीमाबारे नेपाल र भारतले शान्तिपूर्ण वार्ता गरेर समाधान खोज्न आवश्यक रहेको बताएका छन् । चीनले कालापानीकाे भूभाग कत्तिपनि नमिचेकाे पनि सुआङले प्रष्ट पारे ।  पछिल्लोसमय भारतले जम्मु कश्मीर र लद्दाख छुट्याएर केन्द्र शासित प्रान्त बनाएपछि जारी गरेको नयाँ नक्सामा नेपालको कालापनी क्षेत्रलाई समेत पारेपछि नेपालमा व्यापक विरोध भइरहेको छ ।

कालापानी चीनले नमिचेको उल्लेख गर्दै काठमाडौंस्थित चिनियाँ दुतावासका प्रवक्ता सिवाङ -लङले भने, ‘कालापानी भन्ने बित्तिकै सबै क्षेत्र पर्ने र यसमा नेपाल र भारत दुवै पक्षले मित्रवत् वार्ताबाट शान्तिपूर्ण समाधान खोज्नुपर्ने चीनको आधिकारिक धारणा’ रहेको प्रष्ट पारेका छन् । अन्नपूर्णले कर्मचारीको उमेर हद ६० वर्ष बनाएको र धानमा व्यापारीको मनोमानी बढेको जस्ता समाचारलाई पनि प्रमुख समाचारकै रुपमा प्रकाशित गरेको छ ।

राजधानी दैनिकले संघीय निजामती सेवा ऐन लागू भएपछि नियुक्त हुने निजामती कर्मचारीको अनिवार्य अवकाशको उमेरहद ६० वर्ष हुने समाचारलाई शीर्ष समाचार बनाएको छ । समाचार अनुसार प्रतिनिधिसभाको राज्यव्यवस्था तथा सुशासन समितिले उपसमितिको प्रतिवेदनमा सहमति जनाउँदै अनिवार्य अवकाशको उमेरहद ५८ वर्ष बनाएको हो ।

समाचारमा हाल बहाल रहेका कर्मचारीहरुको हकमा जन्ममितिका आधारमा अवकाशको उमेरहद कायम रहने गरी सहमति भएको उल्लेख छ । राजधानीले तरकारीको मूल्य बढ्दा भान्सा धान्नै गाह्रो हुन थालेको समाचारलाई पनि प्राथमिकताका साथ प्रकाशित गरेको छ ।

प्रतिक्रिया दिनुहोस्
विशेष

काठमाडौं । भूकम्प पीडितसँग घुस लिने सव इन्जिनियर पक्राउ परेका छन् । भूकम्पपछिको पुनःनिर्माणका क्रममा सेवाग्राहीसँग ४० हजार ५ सय…

सदाचारले समाजलाई सभ्य बनाउँछ । भ्रष्टाचारले सभ्य र समृद्ध समाजलाई पनि अधो गतिमा लैजान्छ । स्थापित विधिविधान,समाजिक मूल्यमान्यता सांस्कृतिक मर्यादा…

काठमाडौं । बहिगर्मित सभामुख कृष्णबहादुर महराले सोमबार दाङ पुगेर आफूबारे घटनाको केही रहस्य उजागर गर्नुभएको छ । महराले आफ्नो जीत…

काठमाडौं । अनेरास्ववियुका संयोजक ऐन महरले भ्रष्टाचारको आरोप लागेर छानविनको प्रक्रियामा रहेका नेता, कार्यकर्तालाई कसैले बचाउ गर्न नमिल्ने बताउनुभएको छ…

एलबी विश्वकर्मा अछाम । ‘पैयाँधारा पानी जाल्ली गाँखेत लड्कल्ली, ज्वरो आया पणिरल्ली, ब लाग्या लड्कल्ली’ अछामको रामारोशन गाउँपालिका–५ मा खानेपानी…

काठमाडौं। पोखरामा दुई समूहबीचको विवादमा विद्यार्थी गिरफ्तार भएका छन् । पृथ्वीनारायण क्याम्पसमा अनेरास्ववियु र नेपाल विद्यार्थी संघबीच भएको विवादमा प्रहरीले…