बरगाछीमा दुग्ध चिस्यान केन्द्र स्थापना

सुखिलाल चौधरी
उदयपुर ।  उदयपुरमा एक सामुदायिक वन उपभोक्ता समूहले दुग्ध चिस्यान केन्द्र सञ्चालनमा ल्याएको छ । त्रियुगा नगरपालिका–१ स्थित रामजानकी सामुदायिक वन उपभोक्ता समूहले आफ्ना उपभोक्ता किसानहरुलाई लक्षित गरी बरगाछीमा दुग्ध चिस्यान केन्द्र स्थापना गरेको हो ।

गत कात्तिक २५ गतेबाट ६ लाख ५० हजारको लागतमा वनको आन्तरिक आम्दानीबाट निर्मित चिस्यान केन्द्र सञ्चालनमा ल्याएको रामजानकी सामुदायिक वन उपभोक्ता समूहका अध्यक्ष युवराज खनालले जानकारी दिए । उनका अनुसार सामुदायिक वनको आन्तरिक स्रोतबाट दुग्ध चिस्यान केन्द्र स्थापना भएपछि ६० घरधुरी जंगलमा आश्रित परिवार लाभान्वित भएको बताए । चिस्यान केन्द्रमा दैनिक २ सय ५० लिटर दुध संकलन भएर गाईघाट पठाउने गरिएको अध्यक्ष खनालले जानकारी दिए ।

अध्यक्ष खनालका अनुसार वनमा आश्रित २५ घरधुरीले जीविकोपार्जन पद्धति परिवर्तन गरी दुग्ध व्यवसाय अपनाएको र जीवनस्तर सुधार हुने अपेक्षा गरिएको छ । हरित रोजगारी सिर्जना भई पशुपालक किसानहरु उत्साहित भएको अध्यक्ष खनालले बताए । उनले भने, ‘यसरी वैकल्पिक पेशाको अनुसरणले वन संरक्षणमा पनि सकारात्मक प्रभाव परेको छ ।’ चिस्यान केन्द्र भएपछि दिनरात वन मासेर दाउरा बेचेर गुजारा गर्नु पर्ने बाध्यता हटेको स्थानीय हरेराम चौधरीले जानकारी दिए ।

वनमा दाउरा लिन जाँदा कति खेर वन गस्तीले समाउने डर मात्रै होइन कहिले कहीँ दाउरा बेच्न जाँदा दाउरा बिक्री नहुँदा ज्याला भन्दा कममा बेच्नु पर्ने बाध्यता रहेको थियो ।

प्रतिक्रिया दिनुहोस्
विशेष

गोरखा । पालुङटार नगरपालिकाको वडाध्यक्ष बालिका बलात्कार आरोपमा पक्राउ परेका छन् । नगरपालिकाको वडा नम्बर ४ का अध्यक्ष ठाकुरकान्त रानाभाट…

मेष– राजनीतिक लाभ मिल्नेछ, उच्चव्यक्तिको साथ पाइनेछ  ।रोजगारीमा लाभ हुनेछ । वृष– सामान्य आम्दामी हुनेछ , इच्छाएको काम पुरा हुने्छ…

नेपाल, भारत, अमेरिका तथा खाडीका केही देशमा संस्कृत दिवस मनाइएको आयोजकले बताएका छन् ।

डोटी । नदीमा नुहाउन गएका बेला बेपत्ता भएका डडेल्धुरा उपक्षेत्रीय अस्पतालमा कार्यरत दुईजना स्वास्थ्यकर्मीको शव भेटिएको छ । अस्पतालमा कार्यरत …

काठमाडौं । काठमाडौं महानगरपालिका क्षेत्र भित्र सञ्चालनमा रहेका स्वास्थ्य संस्थाहरुले अबदेखि दर्ता, नवीकरण, स्तरोन्नति र स्वास्थ्य संस्था सञ्चालनका लागि महानगरपालिकाबाट…

कैलाली । बाढीले विस्थापित भएका भजनीका पीडितले भाेक लागेकाे पाँच दिनपछि बल्ल पेटभरि खान पाएको बताएका छन् ।  भजनीको वडानम्बर…