गिठ्ठाको भरमा चेपाङ समुदाय

पुष्पराज अधिकारी
मकवानपुर । जङ्गल तथा खोरिया क्षेत्रमा पाइने गिठ्ठा अर्थात् लाक मकवानपुरको पश्चिमी विकट क्षेत्र राक्सिराङका चेपाङहरुको अन्नको विकल्प बन्दै गएको छ । बारीमा कोदो पाक्न अझै एक महिना लाग्ने र तत्कालका लागि खानेकुराको अभाव भएपछि चेपाङ समुदाय गिठ्ठाको भर पर्नुपरेको हो ।

राक्सिराङ–७ दामराङका रामबहादुर चेपाङले बारीमा कोदो पाक्न अझै एक महिना बाँकी रहेकाले आफूहरुले खानाको विकल्पको रुपमा गिठ्ठा रोज्नुपरेको बताएका छन् । घरमा खानेकुरा सकिँदै गएपछि रामबहादुर खानेकुराको जोहो गर्न गिठ्ठाको संकलनमा जुटिरहेका छन् । आजभोलि साँझपख मात्र खाना पकाउन रामबहादुरको घरमा चुलो बल्ने गरेको छ । रामबहादुर ‘परिवारले गिठ्ठा खाएर बिहानको छाक टार्न थालेको दुई साता बित्न लागिसकेको’ बताउनुहुन्छ ।

पुख्र्यौली मौलिकता तथा परम्परा अनुसारसमेत वर्षभरि खान पुग्ने चेपाङहरूले गिठ्ठा खान छाडेका छैनन् । प्रायः चेपाङको घरमा खाजाको रूपमा गिठ्ठा खाने गरिन्छ । गिठ्ठा स्वास्थ्यको हिसाबले पनि पौष्टिक खानेकुरामा पर्ने चेपाङ अगुवा तथा तत्कालीन संविधानसभा सदस्य गोविन्दराम चेपाङको भनाई छ ।

गाउँपालिकाको अगुवाइमा सामुदायिक वनभित्र गिठ्ठा, कोइरालोलगायत कन्दमुल संरक्षण भइरहेको छ । राक्सिराङ गाउँपालिकामा जनसंख्याको ७० प्रतिशतभन्दा बढी चेपाङ छन् । गाउँपालिकालाई सरकारले संरक्षित क्षेत्र घोषणा गरिदिए चेपाङ गाउँको विकास र आर्थिक अवस्थामा सुधार ल्याउने कार्यक्रम सञ्चालन गर्न सजिलो हुने राक्सिराङ गाउँपालिका अध्यक्ष राजकुमार मल्लले बताउनुभयो ।

चेपाङ बाहुल्य राक्सिराङ गाउँपालिकाले चेपाङ समुदायको मौलिक खानेकुरा संरक्षणका लागि अभियान सञ्चालन गरिरहेको छ ।

Janata Tv

प्रतिक्रिया दिनुहोस्
विशेष

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (साेमबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडौं । सत्तरुढ दल नेपाल कम्युनिष्ट पार्टी नेकपाले मंसिर २९ गते स्थायी कमिटी बैठक बोलाएको छ । सोमबार बसेको सचिवालय…

न्यूजिल्यान्ड । उत्तरपूर्वी भेगको ह्वकारी भनिने ह्वाईट आईल्यान्ड नामक टापुमा ज्वालामुखी विस्फोट हुँदा कम्तीमा पाँचको मृत्यु भएको छ । विस्फोटमा…

हामीले हाम्रा केटाकेटीलाई हिन्दीमै बानी पारिसेका छौं । सानो बच्चाले घरमा कार्टुन हेर्दै हिन्दी सिक्छ भने उता विद्यालयमा अंग्रजी ।

बिहान १० बजे शुरु भएको विद्यार्थी आन्दोलन नियन्त्रणमा नआएपछि अपरान्ह ३ बजेदेखि कोहलपुर क्षेत्रमा अनिश्चितकालीन कर्फ्यू आदेश जारी गरिएको जिल्ला…

मीन- आफन्त भेटघाट हुनेछ । धनको कारोबार बढ्नेछ ।