रिसोर्ट जस्तै आश्रम

उमा अधिकारी
काठमाडौं । शंखरापुर नगरपालिकाको लप्सेफेदीमा विभिन्न सेवासुविधाका भौतिक पुर्वाधारसहित पुरातात्विक महत्व झल्कने गरी ‘मैंत्री सेवाश्रम’ सञ्चालन गरिएको छ ।

नेपालमा सरकारको सार्वजनिक निजी साझेदारी कोष र नेपाली सेना कल्याणकारी कोषको सहयोगमा काठमाडौंको शंखरापुर नगरपालिका –४ लप्सेफेदीमा रहेको मैंत्री सेवाश्रम ढुंगा र इँटा प्रयाेग गरी कलात्मक रुपमा निर्माण गरिएको छ ।

२०७३ फगुन ३ गते राष्ट्रपति विद्यादेवी भण्डारीले शिलान्यास गर्नुभएको आश्रम ५८ रोपनी जग्गामा अवस्थित छ ।  नेपाल सरकार महिला, बालबालिका तथा समाजकल्याण मन्त्रालयको सहयोगबाट साना ठूला गरी १० वटा भवन, नेपाली सेना कल्याणकारी कोषबाट १० वटा कुटी र जेपी प्रतिष्ठानबाट एउटा ठूलो भवनसहित ११ वटा गरी जम्मा ३० वटा भवन रहेका छन् ।

प्रदुषणमुक्त प्रकृतिमैंत्री हरित आवास, कुटी, प्राकृतिक आहारविहार तथा अर्गानिक शाकाहारी पोषण र बुढ्यौली चिकित्सा उपचारका लागि राम्रो व्यवस्था समेत मिलाइएको आश्रममा निशुल्क रुपमा हाल जम्मा २५ जना वृद्धवृद्धा बसोबास गरिरहेको आश्रमका प्रमुख मित्रसेन दाहालले जानकारी दिनुभयो । उँहाका अनुसार आश्रममा रामेछाप, सिन्धुली, काभ्रे, सिरहाका गरी आफ्नै छोराछोरी तथा परिवारबाट अपहेलित वृद्धवृद्धा तथा परिवार र आफन्तजन नभएका एक्ला व्यक्तिहरु रहेका छन् ।

फराकिलो ठाँउमा फैलिएको आश्रम, ठूला कलात्मक भवन, बगैंचा, प्रदुषणरहित शान्त वातावरणका कारण सबैको आकर्षण बनेको आश्रममा विभिन्न सम्मानित व्यक्तित्वहरूकाे सम्झनामा तस्बिर राखिएका छन् । समुदायका मानिसहरु अवलोकन गर्न जाने हुँदा आश्रम मात्र नभई घुम्ने स्थल तथा रिर्सोटको रुपमा समेत चिनिएको स्थानीयको भनाइ छ ।

बुढेसकाल लागेपछि हामीले कल्पना गरेजस्तै सुन्दर, मनोरम ठाँउको निर्माण गर्ने सोचका साथ सुविधायुक्त र सुन्दर आश्रमको निर्माण गरेको बताउने आश्रमका प्रमुख दाहालले सरकारद्वारा संचालित आश्रमहरुको चित्त नबुझ्दो अवस्थाले आफूलाई प्रेरणा मिलेको बताउनुभयो ।

प्रतिक्रिया दिनुहोस्
विशेष

केन्द्रीय सदस्यहरुले सत्याग्रहमा पार्टीलाई एकीकरणको भावना र सहमति अनुसार एकतावद्ध लैजानु पर्ने माग गरेका छन् ।

कोरोना महामारीका कारण झरना अवलोकनमा आउने बाह्य पर्यटक घटे पनि आन्तरिक आगन्तुक बढिरहेका छन् ।

तामाङको घरमा खानतलासी गर्दा जानकारी अनुसार भरुवा बन्दु फेला परेको प्रहरीको भनाइ छ ।

दुई साताभित्र पनि सरकारले कोरिया पठाउने पहल नगरे ३ हजारबढीको रोजगारी गुम्ने खतरा रहेको उनीहरुले बताएका छन् ।

झापा । दमक नगरपालिकामा विद्युत् चुहिएर करेन्ट लाग्दा एक जनाको मृत्यु भएको छ । नगरपालिकाको वडा नम्बर २ मा निर्माणाधिन…

काठमाडौं । अमेरिका विश्व स्वास्थ्य संगठन (डब्लुएचओ)बाट बाहिरिने भएको छ । राष्ट्रपति डोनाल्ड ट्रम्पले अमेरिकालाई औपचारिक रुपमा डब्लुएचओबाट बाहिर निकाल्ने…