‘र्‍याफ्टिङ’ काे गन्तव्यः तमाेर नदीकाे दाेभान

बसन्त लिम्बू
ताप्लेजुङ । हावा भरेर चलाउन मिल्ने डुङ्गा (राफ्ट) प्रयोग गरेर नदी वा खोलामा पानीको बहावसँगै बग्दै जलयात्रा गरिने मनोरञ्जनात्मक साहसिक खेल हो र्‍याफ्टिङ । यही साहसिक खेलका लागि ताप्लेजुङको आठराई त्रिवेणी गाउँपालिका र मेरिङदेन गाउँपालिकाको सिमाना रहेको तमोर दोभान राम्रो गन्तव्य बन्दै गएको छ ।

पछिल्लो समय जापान, स्पेन, फ्रान्स, ईटालीका नागरिकले तमोर दोभानबाट र्‍याफ्टिङ शुरु गरेका छन् । र्‍याफ्टिङको सिजन शुरु भएसँगै यस नदीमा विभिन्न कम्पनीले करिव ५० जना विदेशीलाई र्‍याफ्टिङ गराएका छन् । दोभानबाट शुरु भएको जलयात्रा कावेली दोभान, माझीटार, मूलघाट हुँदै ५ दिनमा चतारा पुगेर सकिन्छ । यस जलयात्रा रुटलाई निकै साहसिक रुट मानिन्छ ।

नेपालका र्‍याफ्टिङ गर्न मिल्ने १६ नदीमध्ये यो नदी निकै अप्ठ्यारो छ । नेपालमा रहेका करिब छ हजार नदी नालामध्ये तमोर, कर्णाली, कालीगण्डकी, त्रिशूली, भोटेकोशी, सुनकोशी, अरुणलगायतका १६ नदीमा साहसिक जलयात्राका लागि खुल्ला गरिएको छ ।

विदेशीहरू जोखिमपूर्ण क्षेत्रमा र्‍याफ्टिङ गर्न रुचाउने र्‍याफ्टिङ स्टार कम्पनीका र्‍याफ्टिङ गाईड सुरेश कुमार चौधरी बताउँछन् ।

र्‍याफ्टिङ कम्पनीहरुले प्रतिव्यक्ति १२ सय डलर (करिव १ लाख ३८ हजार रुपैयाँ) मा यस नदीमा र्‍याफ्टिङ गराउँछन् । र्‍याफ्टिङका लागि उत्कृष्ठ गन्तव्य बन्न सक्ने सम्भावना भएको यहाँ प्रचारको नै अभाव भएको उनको बुझाई छ ।

विदेशी पर्यटकहरु जलयात्राका लागि ताप्लेजुङ, तेह्रथुम र संखुवासभाको संगमस्थल तथा गुराँसको राजधानी तिनजुरे, मिल्के, जलजले हुँदै पदयात्रा मार्फत तमोर दोभान आउने गरेका छन् । पदयात्राका क्रममा विभिन्न हिमश्रृङ्खला, हिमाली घाँसे मैदान लगायतको समेत
दृश्यावलोकन गर्न सकिने भएकाले तमोरमा र्‍याफ्टिङका लागि विदेशी आउने गरेको पर्यटन व्यावसायी बताउँछन् ।

Janata Tv

प्रतिक्रिया दिनुहोस्
विशेष

गोपाल पाठक/विनोद लामिछाने/अनिश्मा बस्नेत काठमाडौं । जनता टेलिभिजनमा आज (साेमबार) प्रसारण गरिएका एक सय समाचारको संगालो नै शत् प्रतिशत समाचार…

काठमाडौं । सत्तरुढ दल नेपाल कम्युनिष्ट पार्टी नेकपाले मंसिर २९ गते स्थायी कमिटी बैठक बोलाएको छ । सोमबार बसेको सचिवालय…

न्यूजिल्यान्ड । उत्तरपूर्वी भेगको ह्वकारी भनिने ह्वाईट आईल्यान्ड नामक टापुमा ज्वालामुखी विस्फोट हुँदा कम्तीमा पाँचको मृत्यु भएको छ । विस्फोटमा…

हामीले हाम्रा केटाकेटीलाई हिन्दीमै बानी पारिसेका छौं । सानो बच्चाले घरमा कार्टुन हेर्दै हिन्दी सिक्छ भने उता विद्यालयमा अंग्रजी ।

बिहान १० बजे शुरु भएको विद्यार्थी आन्दोलन नियन्त्रणमा नआएपछि अपरान्ह ३ बजेदेखि कोहलपुर क्षेत्रमा अनिश्चितकालीन कर्फ्यू आदेश जारी गरिएको जिल्ला…

मीन- आफन्त भेटघाट हुनेछ । धनको कारोबार बढ्नेछ ।