अर्थतन्त्रका सूचक सकारात्मकः मुद्रा भण्डारण १० खर्ब ८७ अर्ब

काठमाडौं । चालु आर्थिक वर्षको तीन महिनामा मूल्य वृृद्धि र रेमिट्यान्सको आय ओरालो लाग्नु बाहेक अर्थतन्त्रका सूचकहरु सकारात्मक देखिएका छन् । निर्यात वृद्धि र आयात कटौतीले व्यापार घाटामा १२ प्रतिशतले संकुचन आएको छ ।

नेपाल राष्ट्र बैंकद्धारा बिहीबार जारी चालु आर्थिक वर्षको पहिलो त्रैमासिक विवरण अनुसार असोजसम्ममा औसतमा ६ दशमलव दुई एक प्रतिशतको मूल्यवृद्धि रहेको छ । चालु वर्षको शुरूदेखि नै मूल्य वृद्धि दर निरन्तर बढ्दो क्रममा छ ।

गतवर्ष असोजमा मूल्य वृद्धि दर ४ दशमलव छ आठ प्रतिशत मात्र थियो । मूल्य वृद्धिमा चाप परिरहँदा बाह्य व्यापारमा भने सुधार देखिएको छ । राष्ट्र बैंकले तीन महिनामा निर्यात १४ दशमलव चार प्रतिशतले बढेको जनाएको छ । तीन महिनामा २७ अर्ब १७ करोडको निर्यात भएको छ । पाम तेल, पोलिस्टर तथा अन्य धागो, अलैंची, जुटका सामान लगायतको निर्यात बढेको छ । जस्तापाता, जुस, तयारी पोशाक, उनी गलैंचा, तार लगायतको निर्यात घटेको छ ।

आयात व्यापारमा पनि सुधार देखिएको छ । कुल बस्तु आयात १० दशमलव ३ प्रतिशतले घटेर ३ खर्ब ३४ अर्ब ९५ करोडमा सिमित भएको छ । अघिल्लो वर्ष वृद्धिदर ४३ दशमलव ६ प्रतिशत थियो । निर्यात वृद्धि र आयात कटौतीले व्यापार घाटा १२ प्रतिशतले संकुचन आएर ३ खर्ब ७ अर्ब ७८ करोडमा खुम्चिएको छ । गतवर्ष यतिबेला ८१ अर्ब ७४ करोडले घाटामा रहेको चालु खाता यसवर्ष २७ अर्ब १८ करोड घाटामा छ । शोधनान्तर बचत १४ अर्ब ४३ करोडमा पुगेको छ । अघिल्लो वर्ष ३५ अर्ब ४२ करोड घाटा थियो ।

रेमिटेन्स ४ दशमलव ९ प्रतिशतले घटेको छ । कुल २ खर्ब ३० अर्ब २४ करोड रेमिट्यान्स नेपाल भित्रिएको छ । गतवर्षको यही अवधिमा रेमिटेन्स ३७ दशमलव ३ प्रतिशतले बढेको थियो । समीक्षा अवधिमा विदेशी मुद्राको भण्डार पनि बढ्दै गएको छ । गत असार मसान्तमा १० खर्ब ३८ अर्ब ९२ करोडमा रहेको मुद्राको भण्डार अहिले १० खर्ब ८७ अर्ब ७३ करोड पुगेको छ । समग्रमा अर्थतन्त्रका सूचक सुधारको दिशामा छ ।

बैंकिङ क्षेत्रको कर्जा प्रवाहमा भने सुस्तता देखिएको छ । गतवर्ष यतिबेला ७ दशमलव २ प्रतिशतले बढेको कर्जा यसपाली ४ दशमलव ३ प्रतिशतले मात्र बढेको छ । निक्षेप संकलनमा भने केही सुधार देखिएको छ ।

प्रतिक्रिया दिनुहोस्
विशेष

काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोल, डिजेल र मट्टितेलकामे भाउ  प्रतिलिटर एक रुपैयाँले…

काठमाडौं । व्यवसायीले बन्दाबन्दी (लकडाउन) अवधिको बैंकको ब्याज शतप्रतिशत छुट दिन माग गरेका छन् । नेपाल राष्ट्रिय व्यवसायी महासंघले (लकडाउन)…

चितवन । बाढीले डाइभर्सन बगाउँदा पूर्वपश्चिम राजमार्गको नारायणगढ–बुटवल सडक अवरुद्ध भएको छ । गैँडाकोट नगरपालिका वडा ९ थुम्सीस्थित खहरे खोलामा…

मेष – सरसामान हराउन सक्नेछ । अनावश्यक आर्थिक चिन्ता बढ्नेछ । घरायसी खर्चमा वृद्धि हुनेछ । यात्रामा झमेला पर्नेछ ।…

काठमाडौं । टेकुस्थित शुक्रराज ट्रपिकल तथा सरुवा रोग अस्पतालमा दैनिक ६० देखि ७० जना एचआइभी संक्रमित नियमित औषधि लिन आउने…

मेष– अनावश्यक भ्रमण हुनेछ । व्यापारमा सन्तोष मिल्नेछ । साथीसंगतमा खर्च हुनेछ । वृष– क्षमताको कदर हुनेछ । राजनीतिमा अवसर…