बन्द हुँदै नाडेप, ८० हजार महिलाको ४ अर्ब जोखिममा (भिडियाेसहित)

जुन देशमा गरिब धेरै हुन्छन्, त्यही देशमा बैंक धेरै खुल्छन् । कम्युनिष्ट नेताहरुले भनेको विषय हो ।

आम उपभोक्ता पनि गाउँका सहकारी भन्दा बैंकमै पैसा जम्मा गर्न तयार हुन्छन् । अझ समुदायमा गएर बचत गर्न सिकाउने संस्थाहरुले ठूला बैंकका भन्दा पनि ठूला गफ दिन्छन्, स्किम सुनाउँछन् । मीठा गफमा मन्त्रमुग्ध पारेर क्षणभरमै सर्वसाधारणलाई धनी बनाउँछन् । त्यसपछि सर्वसाधारण पनि बचत गर्न हौसिन्छन् । धनी बन्ने सपना देख्छन् । गाईभैँसी, बाख्राकुखुरामा ऋण दिएर पैसा जम्मा पार्नेहरुले पनि हौस्याउँछन् ।

यहाँसम्म त ठीकै हो, तर जब बैंक बन्छ, जनताको अर्बौँ रकम बचत हुन्छ, कर्मचारीहरु पनि सयौँ भर्ती हुन्छन्, त्यसपछि प्रजातन्त्रको दुरुपयोग भनौँ या सदुपयोग, अनेक माग, चाहना, बदमासी ढाकछोप र ढाकछोपपछि पनि फेरि भागवण्डाको खेल हुन्छ । जब यस्तै खेल हुन्छ, त्यसपछि कयौँ वित्तीय संस्था डुबेका छन् । जनताको अर्बाैँ रकम डुब्छ । कहिले सुरुङ मार्ग बनाउने भनेर जनताको पैसा डुबाइन्छ । कहिले राम्रो घर दिने भनेर सर्वसाधारणको रकम हाउजिङहरुले ठग्छन् । यतिखेर चैँ, ‘घ’ वर्गको इजाजत प्राप्त वित्तीय संस्था नाडेप लघुवित्त वित्तीय संस्था लिमिटेड, धादिङ, गजुरीको कारोबार बन्द हुँदा ५३ जिल्लाको ७८ शाखा कार्यालय एवम् ८ वटा इकाइमार्फत संकलन भएको महिलाको चार अर्ब रुपैयाँ जोपखममा छ ।

‘घ’ वर्गको इजाजत प्राप्त वित्तीय संस्था नाडेप लघुवित्त वित्तीय संस्था लिमिटेड, धादिङ, गजुरीको कारोबार बन्द हुँदा करिब ४ अर्ब ५० करोड रुपैयाँ लगानी र विपन्न वर्गका करिब असी हजार महिलाको निक्षेप जोखिममा परेको छ । २० वटा भन्दा बढी वाणिज्य बैंकबाट साढे चार अर्ब रुपैयाँभन्दा बढी ऋण सापटी लिएको संस्थाले अरु संस्थालाई समेत जोखिममा पारेको छ ।

यसै विषयमा केन्द्रित रहेर जनता टेलिभिजनकाे चर्चित कार्यक्रम बाइलाइनले तयार पारेकाे भिडियाेः-

 

प्रतिक्रिया दिनुहोस्
विशेष

काठमाडौं । मुलुकमा फेरि अर्को व्यक्तिमा कोराेना संक्रमण देखिएको छ । पोखरामा फेरि अर्को व्यक्तिमा कोरोना भेटिएको हो । पोखरा…

आपतकालीन व्यवस्था अन्तर्गत सेनालाई औषधि-उपकरण खरिदमा लगाउन खोजिएको हो र तत्कालका लागि अरु विकल्प नभएकै हो भने यो प्रक्रिया अन्तिम…

काठमाडौं । प्रदेश १ को लकडाउनको बेला पनि पेट्रोल पम्प सातामा २ दिन खोलिने भएको छ । नेपाल आयल निगमले…

मेष– विद्यामा उन्नती हुनेछ । सन्तानबाट भरपुर सहयोग पाइनेछ । बुद्धिले सहि निर्णय लिनेछ । स्वास्थ्यमा सुधार हुनेछ । प्रतिस्पर्धामा…

अहिले मानवीय जीवनमाथि नै महामारीको आगो लागेको छ भनेर सम्बन्धित सबैले बुझ्नु जरुरी छ ।

कविता खड्का भोजपुर । कोरोना भाइरस (कोभिड–१९) संक्रमणप्रति सतर्कता अपनाउन भइरहेको लकडाउको कारण जिल्लाका विभिन्न आयोजनामा अलपत्र परेका मजदुरको उद्धार…