राजवंशी समुदायकाे ‘हुदुरधुरा’ जात्रा

मोरङ । कटहरीका राजवंशी समुदायले हुदुरधुरा जात्रा निकालेका छन ।

राजवंशी संस्कृति संरक्षण विकास केन्द्र र राजवंशी समाज विकास समितिको अगुवाइमा मोरङ, सुनसरी र झापाका राजवंशी समुदायका मानिसहरुकाे सहभागितामा हुदुरधुरा जात्रा निकालिएको हो ।

जात्राको प्रदेश १ का प्रदेश सभा सदस्य विद्यानन्द चौधरीले उद्घाटन गर्नुभयो । राजवंशी समुदायमा पितृहरुको आत्माको चिरशान्तिको कामना गर्दै यो जात्रा निकाल्ने परम्परा छ ।

सांस्कृतिक मान्यता र परम्परासँग जोडिएको जात्रालाई पछिल्लो समय सामाजिक सद्भाव अभिवृद्धि गर्ने तथा झापा, मोरङ, सुनसरीलाई पर्यटकीय क्षेत्रको रुपमा विकास गर्ने लक्ष्य र मागसहित विगत ११ वर्षदेखि जात्रा निकाल्ने गरिएको राजवंशी समाज विकास समितिका अध्यक्ष भिमराज राजवंशीले जानकारी दिनुभयो ।

कटहरी-३ बाट निकालिएको जात्राका सहभागी आदिवासी राजवंशी समुदायले आफ्नो मौलिक पहिरनका साथै वाद्यवादन, नृत्य र गीतसमेत प्रस्तुत गरेका थिए । जात्राले कटहरीका विभिन्न चोकहरुको परिक्रमा गरेको थियो । मूल रुपमा तिहारको समयमा राजवंशी समुदायले घरघरमा हुदुरधुरा पर्व मनाउने प्रचलन रहे पनि पछिल्लो समय अन्य समुदाय र भाषाका व्यक्तिहरुलाई समेत सहभागी गराउने उद्देश्यले यो पर्वलाई जात्राको रुप दिइएको आयोजकको भनाइ छ ।

हुदुरधुरा पर्वको अवसरमा गलत प्रवृति भएका व्यक्तिहरुको भण्डाफोर र त्यस्ता व्यक्तिलाई विभिन्न प्रकारको मुकुण्डो लगाइ सामाजिक रुपमा दण्डित गर्ने प्रचलनसमेत रहेकाे छ ।

प्रतिक्रिया दिनुहोस्
विशेष

पूर्व राजा चुनाव लड्नु भयो भने नेपालको गणतन्त्र सदाकालका लागि संस्थागत हुनेछ ।

काठमाडौं । काठमाडौंको उत्तरस्थित टोखा नगरपालिका सिल भएको छ । कोरोना भाइरस संक्रमण फैलिन थालेपछि नगरपालिकाले मातहतका क्षेत्र सिल गरेको…

पर्वत । फलेवास नगरपालिकाले लामो समयदेखि बाँझो रहेको जमिन उपयोग गरेर खेती गर्ने कृषकलाई अनुदान दिने घोषणा गरेको छ ।…

जाजरकोट। तीन वर्षदेखिको प्रेमलाई विवाहमा परिणत गर्ने लक्ष्यका साथ जाजरकोटको भेरी नगरपालिका–४ रानागाउँका २१ वर्षीय नवराज विक र पश्चिमरुकुमको चौरजहारी…

मेष– पारिवारिक खर्च बढ्नेछ, अलमलमा दिन बित्नेछ वृष– सम्पत्तिको सदुपयोग हुनेछ, आर्थिक काम हुनेछ । मिथुन– पैसाको सहयोग मिल्नेछ, रोजगारीमा साथ…

काठमाडौं । प्रधानमन्त्री केपी ओलीले राष्ट्रको नाममा सम्बोधान गर्नुभएको छ । प्रधानमन्त्रीको सम्बोधन नेपाल टेलिभिजनबाट प्रत्यक्ष प्रसारण भइरहेको छ ।…