प्रधानमन्त्रीको स्वास्थ्यमा उल्लेख्य सुधार, मृगौला प्रत्यारोपणको तयारी

आनन्द गुरुङ 

काठमाडाैं ।  प्रधानमन्त्री केपी शर्मा ओलीको स्वास्थ्यमा उल्लेख्य सुधार भइरहेको त्रिवि शिक्षण अस्पताल मनमोहन कार्डियो भास्कुलर केन्द्रले जनाएको छ ।

‘एपेन्डिसाइटिस’ भएपछि गत मंगलबार बिहान अस्पताल भर्ना हुनुभएका प्रधानमन्त्री केपी शर्मा ओलीको सोही दिन अपरान्ह एपेन्डिसाइटिसको शल्यक्रिया गरिएको थियो । शल्यक्रियापछि प्रधानमन्त्री ओलीको स्वास्थ्यमा उल्लेख्य सुधार भइरहेको उपचारमा संलग्न चिकित्सकहरुले जनाएका छन् । प्रधानमन्त्री ओलीको स्वास्थ्य अवस्थाबारे चिन्ता व्यक्त गर्दै भारतीय प्रधानमन्त्री नरेन्द्र मोदी र भूटानी प्रधानमन्त्री डाक्टर लोटे छिरिङले पनि स्वास्थ्यलाभको कामना गर्नु भएको छ ।

शनिबार भारतीय दूतावासमार्फत प्राप्त भएको पत्रमा प्रधानमन्त्री मोदीले ओलीको शीघ्र स्वास्थ्यलाभको कामना गरेको प्रधानमन्त्रीको सचिवालयले जनाएको छ । त्यस्तै भुटानका प्रधानमन्त्री डाक्टर लोटे छिरिङले पनि प्रधानमन्त्रीको स्वास्थ्य लाभको कामना गरेको परराष्ट्र मन्त्रालयले जनाएको छ ।

त्यसैगरी, नेकपाका अध्यक्ष पुष्पकमल दाहाल ‘प्रचण्ड’ र भरतपुर उपमहानगरपालिकाकी मेयर रेणु दाहालले आइतबार मनमोहन कार्डियो भास्कुलर केन्द्र त्रिवि शिक्षण अस्पताल पुगेर प्रधानमन्त्री ओलीसँग भेट गरी स्वास्थ्य अवस्थाबारे जानकारी लिनु भएको थियो ।

यता, प्रधानमन्त्री ओलीको स्वास्थ्यमा सुधार आएस‘गै मृगौला प्रत्यारोपणको तयारी समेत भइरहेको प्रधानमन्त्रीको सचिवालयले जनाएको छ । धेरैपटक डायलसिस भइसकेकाले जतिसक्दो चॉडो मृगौला प्रत्यारोपण गर्नुपर्ने चिकित्सकको सल्लाह अनुसार सचिवालयले प्रत्यारोणको तयारी गरेको हो । यस अघि सिंगापुरमा नियमित परिक्षण र उपचार गर्दै आउनुभएका ओलीको मृगौला प्रत्यारोपण अमेरिका वा रुस कुन देश र कुन अस्पतालमा गर्ने ? भन्ने निक्र्यौल भइनसकेको सचिवालयले जनाएको छ ।

त्यसैगरी, मृगौलादाताको पनि निधो नभएको सचिवालयले जानकारी दिएको छ । तर, चिकित्सकको सल्लाह र सहयोगमा जतिसक्दो छिट्टै मृगौला प्रत्यारोपण गर्ने तयारीमा चिकित्सक सहित सचिवालय लागि परेको छ । सचिवालयका अनुसार आगामी हप्ता मिर्गौला प्रत्यारोपणका लागि प्रधानमन्त्री देशबाहिर जाने तयारी भइरहेको छ ।

प्रतिक्रिया दिनुहोस्
विशेष

काठमाडौं । प्रमुख प्रतिपक्षी दल नेपाली कांग्रेसले पश्चिम रुकुममा दलित युवाले ज्यान गुमाएको घटनाको भर्सना गर्दै दाेषाीमाथि कारबाही प्रक्रियाबारे गृहमन्त्रीसँग…

पूर्व राजा चुनाव लड्नु भयो भने नेपालको गणतन्त्र सदाकालका लागि संस्थागत हुनेछ ।

काठमाडौं । काठमाडौंको उत्तरस्थित टोखा नगरपालिका सिल भएको छ । कोरोना भाइरस संक्रमण फैलिन थालेपछि नगरपालिकाले मातहतका क्षेत्र सिल गरेको…

पर्वत । फलेवास नगरपालिकाले लामो समयदेखि बाँझो रहेको जमिन उपयोग गरेर खेती गर्ने कृषकलाई अनुदान दिने घोषणा गरेको छ ।…

जाजरकोट। तीन वर्षदेखिको प्रेमलाई विवाहमा परिणत गर्ने लक्ष्यका साथ जाजरकोटको भेरी नगरपालिका–४ रानागाउँका २१ वर्षीय नवराज विक र पश्चिमरुकुमको चौरजहारी…

मेष– पारिवारिक खर्च बढ्नेछ, अलमलमा दिन बित्नेछ वृष– सम्पत्तिको सदुपयोग हुनेछ, आर्थिक काम हुनेछ । मिथुन– पैसाको सहयोग मिल्नेछ, रोजगारीमा साथ…