साग खेलकुदकाे चाैथाे दिन, नेपालले थप्याे ६ स्वर्ण

काठमाडाैं । १३ औँ दक्षिण एसियाली खेलकुद (साग) को चौंथो दिन नेपाललाई ६ वटा स्वर्ण पदक थप भएका छन् । बुधबार थपिएकासहित नेपालको स्वर्ण पदक संख्या २९ पुगेको छ ।

तेक्वान्दोमा नेपालकी संगीता बस्यालले स्वर्ण जितेकी छिन् । सातदोबाटोस्थित तेक्वान्दो हलमा गेरुगीको महिला ६२ केजी तौल समूहमुनि संगीताले स्वर्ण जितेकी हुन् ।

पुरुष ८७ केजीमाथिको गेरुगीमा सक्षम कार्कीले पाकिस्तानी खेलाडीलाई हराएर स्वर्ण जितेका छन् । सक्षमले वाकर अली खानलाई २७–९ ले पराजित गरे । सक्षमले स्वर्ण जितेसँगै जारी प्रतियोगितामा नेपालको स्वर्ण संख्या २९ पुगेको छ । यसअघि बिहान भएको उसुको थाउलो नानगुनमा नेपालका दीपक हमालले स्वर्ण जितेका थिए । लगनखेलस्थित आर्मी कभर्डहलमा दीपकले १९ दशमलव ३२ अंक ल्याएर स्वर्ण जितेका हुन् ।

त्यसैगरी करातेमा नेपालकी अनुपमा मगरले स्वर्ण जितेकी छिन् । महिला ६८ केजी माथिको कुमुतेमा अनुपमाले पाकिस्तानी खेलाडीलाई हराएर स्वर्ण जितेकी हुन् । करातेको पुरुष ५० केजीमा नेपालका सोनाम लामाले कास्य जिते । साइक्लिङको डाउनहिलमा नेपालले दुई स्वर्ण र दुई रजत जितेको छ । जसमा पुरुषमा दुई र महिलामा दुई पदक छन् । गोकर्णमा भएको प्रतिस्पर्धामा नेपालले पुरुषतर्फ शीर्ष तीन स्थान हात पार्यो । पुरुषमा राजेश मगरले स्वर्ण जिते । दोस्रो स्थानमा निरभ श्रेष्ठ रहे भने तेस्रो स्थान प्रचित थापामगरले हात पारे । महिलातर्फ निश्मा श्रेष्ठ पहिलो भइन । जमुना थापाले दोस्रो स्थान हासिल गरिन् । खो खोमा नेपालको महिला टिमले रजत पदक जितेको छ ।

कीर्तिपुरस्थित नयाँ बजारको कभर्डहलमा भएको फाइनलमा नेपाल भारतसँग १७– ५ ले पराजित भयो । तर, नेपालले पहिलो पटक खो खोमा रजत जितेको हो । पुरुषतर्फ श्रीलंकालाई हराउँदै नेपालले कास्य पदक जितेको छ ।

प्रतिक्रिया दिनुहोस्
विशेष

केन्द्रीय सदस्यहरुले सत्याग्रहमा पार्टीलाई एकीकरणको भावना र सहमति अनुसार एकतावद्ध लैजानु पर्ने माग गरेका छन् ।

कोरोना महामारीका कारण झरना अवलोकनमा आउने बाह्य पर्यटक घटे पनि आन्तरिक आगन्तुक बढिरहेका छन् ।

तामाङको घरमा खानतलासी गर्दा जानकारी अनुसार भरुवा बन्दु फेला परेको प्रहरीको भनाइ छ ।

दुई साताभित्र पनि सरकारले कोरिया पठाउने पहल नगरे ३ हजारबढीको रोजगारी गुम्ने खतरा रहेको उनीहरुले बताएका छन् ।

झापा । दमक नगरपालिकामा विद्युत् चुहिएर करेन्ट लाग्दा एक जनाको मृत्यु भएको छ । नगरपालिकाको वडा नम्बर २ मा निर्माणाधिन…

काठमाडौं । अमेरिका विश्व स्वास्थ्य संगठन (डब्लुएचओ)बाट बाहिरिने भएको छ । राष्ट्रपति डोनाल्ड ट्रम्पले अमेरिकालाई औपचारिक रुपमा डब्लुएचओबाट बाहिर निकाल्ने…