वडातहसम्मै टुंगियो नेकपा अछामको एकता

अछाम । नेपाल कम्युनिष्ट पार्टी (नेकपा) अछामले पार्टी एकिकरणको कामलाई टुंगोमा पुर्याएको छ । बुधबार बसेको सचिवालय बैठकले पार्टीको प्रदेशसभा निर्वाचन क्षेत्रिय कमिटीदेखि टोल कमिटीसम्म नेता कार्यकर्तालाई जिम्मेवारी दिँदै एकताको सबै काम टुंग्याएको हो ।

एकतापछि बसेको जिल्ला सचिवालयको पहिलो तथा जिल्ला कमिटीको तेश्रो बैठकले गत २०७५ साल जेष्ठ ३ गते तत्कालिन नेकपा (एमाले) र नेकपा माओवादी (केन्द्र) को एकिकरणपछि बनेको एकिकृत पार्टीको नयाँ संरचनालाई पुर्णता दिएको छ ।

पार्टी अध्यक्ष शेरबहादुर कुँवरको अध्यक्षतामा गत २३ र २४ गते बसेको जिल्ला कमिटी सचिवालय बैठकले कार्यविभाजनसहित वडातहसम्म पार्टी कमिटी गठन गर्ने सर्वसम्मत निर्णयलाई २५ गते बसेको जिल्ला कमिटीको बैठकले अनुमोदन गरेको नवगठित प्रचार विभाग प्रमुख तथा जिल्ला सचिवालय सदस्य हिरण्ड भट्टराइले बताउनुभयो ।

जति छिटो केन्द्रले एकिकरणका अधुरा कार्यको टुंगो लगाउँछ त्यहि गति र भावनामा जिल्ला कमिटीले कार्यहरु सम्पादन गर्ने पार्टीद्वारा जारी विज्ञप्तीमा उल्लेख छ । नेकपा अछामले यस अघि मेल्लेख गाउँपालिका वडा नम्बर. ६ र ७ मा गठन गरिएका टोल कमिटीसंगै अब जिल्लाका ९१ वडाहरुका टोल तहसम्म पौष मशान्तसम्म नयाँ कमिटी निर्माण गर्ने निर्णयले कार्यकर्तामा उत्साह पैदा गर्ने जनाएको छ । जिल्लामा क्रियाशील जनसंगठनको एकता प्रकृया भने राष्ट्रिय युवा संघ नेपाल बाहेक अन्यको केन्द्रमा नै अड्किएको छ ।

नेकपा अछामले ७ सदस्यीय जिल्ला कार्यालयको गठन, सह–ईञ्चार्ज/विभाग/फाँट प्रमुखको जिम्मेवारी वाँडफाँड, २० जना जिल्ला कमिटी सदस्यको मनोनयन, सल्लाहकार कमिटीको गठनसंगै सचिवालय सदस्यहरुलाई जिम्मेवारीसमेत तोकेको प्रचार एवं प्रकाशन विभाग प्रमुख हिरण्ड भट्टराईले जानकारी दिनु भयो ।

बैठकले सामाजिक कुरीति र कुसंंस्कारका रुपमा रहेका जातीय विभेद, छाउपडी कुप्रथा, लैंगिक विभेदलाई न्युनिकरण गर्न पार्टी सदस्यले महत्वपुर्ण भुमिका निर्वाह गर्न निर्देशसमेत गरेको छ । यसैगरी बैठकले पार्टी जिल्ला कमिटीको कुनै पनि सदस्यले कुनै पनि योजनामा उपभोक्ता समितिको सदस्य बन्न नपाउने निर्णयसमेत गरेको भट्टराईले जानकारी दिनुभएको छ ।

३ दिनसम्म चलेको बैठकको प्रमुख आतिथ्यता नेकपाका केन्द्रिय सदस्य तथा अछाम ईञ्चार्ज तारामान स्वारले गर्नुभएको थियो भने सञ्चालन जिल्ला कमिटी सचिव झपट साउँदले गर्नुभएको थियो ।

प्रतिक्रिया दिनुहोस्
विशेष

बुक बिल्डिङ्ग विधि लागू भएसँगै नेपालमा तीनवटा विधिमार्फत सार्वजनिक निष्काशन हुने भएको छ ।

अहिले बैंकिङ प्रणालीमा यसै पनि निक्षेप बढी र कर्जाको माग कम हुँदा अधिक तरलता देखिएको छ ।

काठमाडौं । नेपाल प्रेस यूनियनले पत्रकार बलराम बानियाँको मृत्युबारे गहिरो अनुसन्धान गर्न माग गरेको छ । यूनियनले बुधबार शोक विज्ञप्ति…

तनहुँ ।  समुदायकामा कोरोना पुष्टि भएपछि देवघाट गाउँपालिका एक साताका लागि सिल गरिएको छ । कोरोनाको जोखिम न्यूनीकरणका लागि गाउँपालिकाले…

फाइल तस्बिर मुगु । छायाँनाथ रारा नगरपालिकामा जिप खस्दा १ जनाको मृत्यु भएको छ । दुर्घटनामा १० जना घाइते भएका…

काठमाडौं ।  लकडाउनसँगै जिल्ला प्रशासनले उपलब्ध गराउँदै आएको सवारी पास आज (बिहीबार)देखि बन्द भएको छ । मुलुकमा पछिल्लो समय कोरोना…