धनुषा बम विष्फोटमा बाबुछोराको मृत्यु (अपडेट)

जनकपुरधाम । धनुषाको छिरेश्वरनाथ नगरपालिका -५ महेन्द्रनगरमा बम विष्फोटमा परी २ जनाको मृत्यु भएको छ । प्रहरी निरीक्षकसहित ४ जना घाइते भएको घटनामा मुत्यु हुनेमा अन्दाजी ४५ वर्षीय राजेश साह र उनका २५ वर्षीय छोरा आनन्द साहको मृत्यु भएको प्रमुख जिल्ला अधिकारी प्रदीपराज कँडेलले जानकारी दिनुभएको छ ।

महेन्द्रनगर बजारको उत्तरपूर्वतर्फ पर्ने कुचाइ टोलमा गएराति १२ बजेपछि बम बिस्फोट भएको बताइएको छ । मृतक राजेश साहको घर बाहिरको पोलमा राखिएको बम बिस्फोट भएको प्रहरीले जनाएको छ ।

बम बिस्फोटमा परी साहकी अन्दाजी १९ वर्षीया छोरी अञ्जली, १५ वर्षीय छोरा प्रकाश, प्रहरी निरीक्षक अमिर कुमार दाहाल र प्रहरी जवान रिजनाथ कुमार महतो घाइते भएका छन् । घाइतेहरुलाई शुरूमा जनकपुर प्रादेशिक अस्पतालमा प्रारम्भिक उपचारका लागिस लगिएपनि थप उपचारका लागि बीपी कोइराला स्वास्थ्य विज्ञान प्रतिष्ठान धरानमा पठाइएको र चारै जनाको अवस्था गम्भीर रहेको बताइएको छ ।

साहको घर बाहिरको पोलमा शंकास्पद वस्तु रहेको जानकारी पाएपछि महेन्द्रनगरबाट गएकाे प्रहरी निरीक्षक अमिर कुमार दाहाल नेतृत्वको टोलीले  त्यहाँ रातीकाे समयमा जम्मा भएको भिड हटाउन नपाउँदै बम विष्फोट भएको थियो ।

बम विष्फोटपछि घटनाको कसैले जिम्मा लिएको छैन । यद्यपि प्रहरीले भने बम विष्फोटमा विप्लव समूहको संलग्नता रहेको अनुमान गरेको छ ।

प्रतिक्रिया दिनुहोस्
विशेष

काठमाडौं । मुलुकको २८ औं प्रहरी महानिरीक्षक (आईजीपी) मा शैलेश थापा क्षेत्री नियुक्ति हुनुभएको छ । सरकारले प्रहरी अतिरिक्त महानिरीक्षक(एआइजी) …

काठमाडौं ।  काठमाडौं उपत्यकाको विभिन्न २३ स्थानमा कोरोना संक्रमित फेला परेका छन् । पछिल्लो २४ घण्टामा काठमाडौं, ललितपुर र भक्तपुरमा…

तनहुँ । व्यास नगरपालिकाले आफ्ना सटरमा राखिएका पसललाई २ महिनाको छुट गर्ने भएको छ । नगरपालिकाले व्यवसायीहरु कोरोना भाइरस संक्रमणको…

मेष– काममा प्रशंसा मिल्नेछ । राजनीतिक मोह जाग्नेछ , मानसिक तनाव आउनेछ । वृष– सामाजिक काममा व्यस्तता बढ्नेछ । धर्ममा…

कैलाली । सत्तारुढ दल नेपाल कम्युनिष्ट पाटी (नेकपा)मा शीर्ष नेताहरुबीच विवादको असर कैलालीमा परेको छ । शीर्ष नेताहरुकै सवाललाई लिएर…

काठमाडौं । प्रमुख प्रतिपक्ष दल नेपाली कांग्रेसको १४ औं महाधिवेशन काठमाडौंमा हुने भएको छ । कांग्रेसले १४ औं महाधिवेशन फागुन…