पहिला डाक्टर, अहिले एक्टर

काठमाडौं । वरिष्ठ हाँस्य कलाकार हरिवंश आचार्यले कलाकारिता क्षेत्रमा मानिसको रुचि बढेको बताउनुभएको छ । बृहस्पति विद्यासदनको वार्षिक नाटक मञ्चन कार्यक्रममा बोल्दै आचार्यले पहिले सन्तानलाई डाक्टर बनाउछु भन्थे भने अहिले कलाकार, डाइरेक्टर पनि भन्न थालेको बताउनुभएको हो ।

उहाँले भन्नुभयो, ‘पहिले पहिले अभिभावकले तपाईको छोराछोरीलाई के बनाउने भन्दा डाक्टर बनाउने भन्नुहुन्थ्यो, इञ्जिनियर बनाउने भन्नुहुन्थ्यो तर आजभोलि एक्टर बनाउने, डाइरेक्टर बनाउने पनि भन्न थाल्नुभएको छ’ ।

आचार्यले नेपालमा कलाकारिताबाट नाम र दाम कमाउन सकिने वातावरण बनिसकेको उल्लेख गर्नुभएको छ । नाटकबाट कला, संस्कृतिका बारेमा सिक्न सकिने भन्दै उहाँले नेपालमा कलाकारिता गरेर पनि बाँच्ने आधार तय भइसकेको धारणा राख्नुभयो ।

विद्यालयका प्रधानाध्यापक कुमार थापाले प्रस्तुत नाटकले सबैसँग मिलेर बस्न, प्रकृतिमा भएका सबैलाई माया गर्न सन्देश प्रदान गर्ने जनाउनुभयो । उहाँले नाटकबाट विद्यार्थीमा मिलेर काम गरे जे पनि गर्न सकिने रहेछ भन्ने भावनाको विकास हुने धारणा राख्नुभयो ।

विद्यासदनको वार्षिक कार्यक्रम नाट्यमणि अन्तरगत ‘द ह्याप्पी प्रिन्स’ लगायत तीन वटा नाटक प्रस्तुत गरिएको छ । ‘द ह्याप्पी प्रिन्स’ जेन्नी सुनुवारले निर्देशन गर्नुभएको नाटक हो ।

प्रतिक्रिया दिनुहोस्
विशेष

दिल्ली शहर सुन्दर बनाउन रगत पसिना बगाएका मजदुर अहिले शिर निहुराएर गाउँ फर्किन व्यग्र देखिन्छन् ।

नागरिक स्वास्थ्य र सुरक्षालाई ध्यान दिएर क्वारेन्टाइन कक्षमा ल्याएर राखिएको पालिका प्रमुख थापाले बताउनुभएको छ ।

काठमाडौं । मुलुकमा फेरि अर्को व्यक्तिमा पनि कोरोना भाइरस (कोभिड–१९) संक्रमण देखिएको छ । बेल्जिमबाट आएकी युवतीमा कोरोना भेटिएको हो…

नयाँ वेब पोर्टल एप्लिकेशन सञ्चालनमा ल्याउन लागिएको स्वास्थ्यमन्त्रालयद्वारा आयोजित पत्रकार सम्मेलनमा जानकारी दिइएको हो ।

कोरोना भाइरसको मुख्य लक्षणमा ज्वरो, अत्यधिक थकान, सुख्खा खोकी र श्वासप्रश्वास तीव्र हुने पर्दछन्

पहिला बाँच्ने अधिकार सुरक्षित भएमात्रै अरु अधिकार उपभोग गर्न पाइन्छ