बागमती पीडितलाई मुआब्जा दिन निर्देशन

काठमाडौं । कृषि, सहकारी तथा प्राकृतिक स्रोत समितिलले बागमती पीडितलाई मुआब्जा दिन निर्देशन दिएकाे छ । समितिले बागमती कोरिडोर अन्तर्गत पर्ने जग्गा पीडितको छानविन गरी मुआब्जा वितरण गर्न सरकारलाई निर्देशन दिएको हाे ।

समितिको मंगलबारकाे बैठकपछि पत्रकारसँग समितिका सभापति पूर्णकुमारी सुवेदीले क्षतिपूर्ति तथा मुआब्जा दिन शहरी विकास मन्त्रालयलाई निर्देशन दिएको बताउनुभयो । ‘वास्तविक पीडित जसको हातमा लालपुर्जा छ, सरकारलाई तिरो तिर्दै आएको छ’ उहाँले भन्नुभयो, ‘त्यस्तालार्ई क्षतिपूर्ति तथा मुआब्जा दिन शहरी विकास मन्त्रालयलाई निर्देशन दिइएको छ । जो पीडित छ त्यसले न्याय पाउनुपर्यो, जो पीडित छैन जसले दाबी मात्रै गरेको छ भने पनि छानविन हुनु पर्यो र मन्त्रालयले एउटा प्रकृयाबाट छानविन गरेर पीडितलाई न्याय दिन पर्यो । पीडितलाई जुन वास्तविक पीडितको जग्गा बागमतीमा छ र उसको हातमा लालपुर्जा छ, उसले तिरो तिरेको छ भने उसलाई एउटा प्रकृयाबाट क्षतिपूर्ति मुआब्जा दिनुपर्छ ।’

समितिले बैठकमा शहरी विकास राज्यमन्त्री रामवीर मानन्धर र अधिकार सम्पन्न बागमती सभ्यता एकीकृत विकास समितिका अध्यक्ष नरेन्द्रराज बस्नेतलाई बोलाई जग्गा सम्बन्धी विवाद समाधान गर्न छलफल गरेको हो । बैठकमा शहरी विकास राज्यमन्त्री रामवीर मानन्धरले बागमती करिडोरमा १ सय ८८ रोपनी ५ आना ३ दामको जग्गामा विवाद रहेको जानकारी दिनुभयो ।

उहाँले २०५६ सालमा भएको त्यस क्षेत्रको नयाँ नापीपछि जग्गा खोलाको बाहिरि भागमा रहेको देखिने बताउँदै त्यही जग्गाको मुआब्जा आफूहरूले नपाएको भन्दै स्थानीयको गुनासो रहेको बताउनुभयो । उहाँले मुआब्जाको लागि कसरी वितरण गर्ने ? भन्ने निर्देशन दिएमा काम गर्न सजिलो हुने समेत बताउनुभयो । उहाँले समितिको प्रतिवेदन राम्रो आएको र त्यही अनुसार निर्देशन दिएमा समस्या समाधान हुने बताउनुभयो ।

बैठकमा अधिकार सम्पन्न बागमती सभ्यता एकीकृत विकास समितिका अध्यक्ष नरेन्द्रराज बस्नेतले जग्गा विवादमा देखिएका समस्याका विषयमा समितिलाई जानकारी गराउनुभएको छ ।

प्रतिक्रिया दिनुहोस्
विशेष

सुर्खेत । कर्णाली प्रदेशमा कोरोना संक्रमित संख्या बढिरहेको छ । दिनहुँ संक्रमित बढिरहेसँगै सोमबार कोरोना संक्रमितको सङ्ख्या १ हजार ५…

लकडाउनका कारण चैत ११ गतेबाट सार्वजनिक यातायातहरु बन्द रहेका छन् ।

केन्द्रीय सदस्यहरुले सत्याग्रहमा पार्टीलाई एकीकरणको भावना र सहमति अनुसार एकतावद्ध लैजानु पर्ने माग गरेका छन् ।

घाइते सबैको अवस्था गम्भीर भएकाले थप उपचारका लागि काठमाडौं लगिएको प्रहरीले जानकारी दिएको छ ।

प्रहरीले कुटपिट गरेका ६ मध्ये २ जनामा कोरोना संक्रमण पुष्टि भएपछि सप्तरी प्रहरीमा पनि कोरोना संक्रमणको त्रास बढेको छ ।

काठमाडौं । औषधि व्यवस्था विभागले दुई प्रकारका औषधि बिक्रीवितरणमा रोक लगाएको छ । विभागले न्यून गुणस्तरको रहेको जनाउँदै लोमस फर्मास्युटिकल्स…