Logo आश्विन ५, २०७७ सोमबार


बिहीबारका सय समाचार

गोपाल पाठक / विनोद लामिछाने/अनिश्मा बस्नेत
काठमाडौं । जनता टेलिभिजनमा आज (बिहीबार) प्रसारण गरिएका एक सय समाचारको संगालो नै शत् प्रतिशत समाचार हो । शत् प्रतिशत समाचार जनता टेलिभिजनमा हरेक दिन राति १० बजे र पुनः प्रसारण राति १ बजे र बिहान ३ बजे हेर्न सकिन्छ । जनता समाचार डट्कममा पनि आज घटेका विश्वभरका एक सय समाचार पढ्न सकिन्छ ।

शिक्षा, स्वास्थ्य, सामाजिक, आर्थिक, राजनीति, अपराध, प्रदेश, मनोरञ्जन, अन्तर्राष्ट्रिय, खेलकुद, लगायतका सम्पूर्ण समाचारको एकमुष्ट समाचार संगालो शत ५ समाचार।

१. राष्ट्रियसभाकाे १८ सदस्यकै निर्वाचनकाे परिणाम सार्वजनिक ।

२. प्रदेश–१ मा दलित समूहबाट १, महिला समूहबाट १ र अन्य समूहबाट १ गरी ३ सदस्यका लागि निर्वाचन भएको निर्वाचनमा नेकपाका गोपीबहादुर सार्की अछामी, इन्दिरादेवी गौतम देवेन्द्र दाहाल विजयी भएका छन् ।

३.प्रदेश–२ मा महिला समूहबाट १, अल्पसंख्यक समूहबाट १, दलित १ र अल्पसंख्यक १ गरी ४ सदस्यका लागि निर्वाचन भएको छ । महिला समूहतर्फ नेकपाका तुलसाकुमारी दाहाल र अन्य समूहतर्फ राजपाका मृगेन्द्रकुमार सिंह यादव विजयी हुनु भएको छ ।

४.गण्डकी प्रदेशमा नेकपाका हेभिवेट नेता नारायणकाजी श्रेष्ठ र भगवती न्यौपाने विजयी हुनु भएको छ । यहाँ महिला समूह १ र अन्य समूहबाट १ सहित २ सदस्यका लागि निर्वाचन भएको हो ।

५.राष्ट्रिय सभाबाट ७ सदस्य बिदा भएको नेपाली कांग्रेसले कुनै प्रदेशमा पनि खाता खोल्न सकेन ।

६.नेपाल भ्रष्टाचारसम्बन्धी विश्वव्यापी सूचकांकमा ११ स्थान माथि उक्लियो ।

७.केही सुधार देखिएपनि नेपाल भ्रष्टाचार व्याप्त रहेका मुलुकहरुको श्रेणीबाट माथि उक्लिन सकेन ।

८.ट्रान्सपरेन्सी इन्टरनेशनल नेपालले सार्वजनिक गरेको सीपीआई–२०१९ को सर्वेक्षण रिपोर्टमा नेपाल भ्रष्टाचार सम्बन्धी विश्वव्यापी सूचांकको १ सय १३ औँ स्थानमा ।

९.नेपाल सबैभन्दा बढी भ्रष्टाचार हुने २० मुलकभित्र परेको रिपोर्टमा उल्लेख ।

१०. १ सय ८० देश मध्ये ९ अंक प्राप्त गरि सोमालिया सबै भन्दा बढी भ्रष्टाचार हुने मुलुकमा अंकित ।

११. ८९ अंक प्राप्त गरि डेनमार्क सबै भन्दा कम भ्रष्टाचार हुने मुलुकमा कायम रहन सफल ।

१२.नेपाली सेनामा आएको सदाचारले भ्रष्टाचार न्यून रुपमा भएपनि सुधार आएको रिपोर्टमा उल्लखे ।

१३.स्थानीय तहमा हुने खर्चमा पारदर्शीता नदेखिएपनि सेवाग्राहीले पाएको सेवालाई आधार बनाउँदा तत्काल त्यसको प्रभाव नदेखिएको ट्रान्सपरेन्सीको भनाइ ।

१४.निर्वाचनमा देखिने विकृति नियन्त्रण तथा राजनीतिप्रति विश्वास जगाउन सरकारलाई ट्रान्सपरेन्सीको सुझाव ।

१५.साझा यातायातलाई उपलब्ध गराएको ३ अर्ब रुपैयाँ ब्याजसहित फिर्ता लिने सरकारको निर्णय ।

१६.निर्धारित समयमा बस किनेर चलाउन नसकेको भन्दै साझालाई दिइएको रकम उपलब्ध गराइएको समयदेखिको ब्याज सहित फिर्ता लिने निर्णय ।

१७.मन्त्रिपरिषद बैठकले नेपाल वायुसेवा निगमका अध्यक्ष मदन खरेलले दिनुभएको राजीनामा गर्यो स्विकृत ।

१८.जर्मनीको बोन शहरमा रहेको नेपाली दुतावासको पुरानो भवन बेच्न स्वीकृति मन्त्रिपरिषदले
दिएको सञ्चार मन्त्री एबं सरकारका प्रबक्ता गोकुलप्रसाद बाँस्कोटाद्धारा जानकारी ।

१९.तिब्बतमा बर्षाैदेखि बस्दै आएका नेपालीका लागि हस्तलिखित राहदानी परिवर्तन गर्न दिने सरकारको निर्णय ।

२०.सशस्त्र प्रहरी बलले छोटो अवधिमा राज्यलाई सुरक्षा प्रदान गर्ने मामलामा महत्वपूर्ण योगदान गरेको प्रधानमन्त्री केपी शर्मा ओलीको भनाइ ।

२१. मुलुकमा अमनचयन कायम, आतंकवाद नियन्त्रण, शान्तिसुरक्षा कायम र विपत्का घडीमा सशस्त्र प्रहरीले प्रशंसनीय काम गरेको प्रधानमन्त्री ओलीको भनाइ ।

२२. १९ औँ सशस्त्र प्रहरी बल स्थापना दिवसका अवसरमा प्रधान कार्यालय हलचोकमा गरिएको हो विशेष कार्यक्रमको आयोजना ।

२३.गण्डकीका प्रदेश सभा सदस्य राजीव गुरुङ उर्फ दीपक मनाङ्गे जिल्ला प्रहरी कार्यालय कास्कीद्धारा पक्राउ ।

२४.बिहिबार दिउँसो पोखराको लेकसाइडमा रहेको होटेल प्याराडाइजबाट मनाङ्गे पक्राउ परेका हुन ।

२५.मनाङ्गेले मंगलबार अखिल नेपाल फुटबल संघ (एन्फा) कास्कीका अध्यक्ष मिलन गुरुङमाथि गरेका थिए हातपात ।

२६.एन्फा अध्यक्ष गुरुङले बुधबार उनीविरुद्ध दिएका थिए किटानी जाहेरी,

२७.जिल्ला प्रशासन कार्यालय कास्कीले मनाङ्गेलाई पक्राउ गर्न प्रहरीलाई दिएको थियो अनुमति ।

२८. ६८ औं भन्सार दिवसको अवसरमा नाडा अटोमोबाइल्स एसोसिएसन अफ नेपालद्वारा व्यवसायीलाई भन्सार कर तथा भिसिटिएस सम्बन्धि प्रशिक्षण ।
२९.सातै प्रदेशका व्यवसायीहरुको सहभागिता रहेको प्रशिक्षणमा संस्थागत सदस्यमार्फत प्रशिक्षण कार्यक्रम अगाडी बढाइएको नाडाद्वारा जानकारी ।

३०.सन्दर्भ मूल्य हटाएर व्यवसायीले स्वघोषणा गरिएको मूल्य कायम हुनुपर्ने प्रशिक्षण कार्यक्रममा नाडाका अध्यक्ष कृष्ण दुलालको माग ।

३१.भन्सारसँग आमनागरिकको साक्षात्कार हुन नसकेको भन्सार विभागका महानिर्देशक सुमन दाहालको गुनासो ।

३२.काठमाडौंमा १३ वटा कर कार्यालय भएपनि एउटा मात्रै भन्सार कार्यालय रहेको र त्यसैले मात्रै भन्सारसँग साक्षात्कार हुने अवस्था नरहने दाहालको भनाइ ।

३३.काठमाडौं विश्वविद्यालय केयूमा आन्दोलन चर्कँदै ।

३४.पुस ७ र १५ गते विश्वविद्यालयका सबै कार्यालयहरुमा काठमाडौं विश्वविद्यालय प्राध्यापक संघ र कर्मचारी संघले संयुक्तरुपमा ताला लगाएपछि पठनपाठन प्रभावित ।

३५.काठमाडौं विश्वविद्यालय केयूमा आन्दोलन चर्किँदै गएपछि विश्वविद्यालय नै सुनसान ।

३६.आन्दोलनका कारण इन्जिनियरिङ र साइन्सको परीक्षा समेत समय समयमा रद्द हुँदै ।

३७.विगतको सम्झौता अनुसार कर्मचारीहरुलाई उचित व्यवहार गर्नुपर्ने र सिन्डिकेट लाद्न नहुने आन्दोलनकारीको माग ।

३८.सीप, संस्कार र प्रविधि सहितको शिक्षाका लागि विद्यालय शिक्षामा रुपान्तरण विषयक दुई दिने कार्यक्रम सुरु ।

३९.भर्खरै ल्याइएको राष्ट्रिय शिक्षा नीतिमा नीजी विद्यालयको योगदान र सरोकारवालाहरुको सुझावलाई समावेश गरिने ।

४०.केही नीजी विद्यालयले देशलाई भाषिक उपनिवेश तर्फ लैजान प्रोत्साहन गरिरहेको भन्दै यसलाई रोक्न आग्रह ।

४१.युरोप र अमेरिकाको सपना बाढ्ने शिक्षाभन्दा देश भित्र अवसर मिल्ने शिक्षा र जनशक्ति तयार गर्नुपर्नेमा सरकारको जोड ।

४२.मातृभाषा प्रति शिक्षक आफैले पनि गर्व गर्न र नेपाली भाषामै पढाउँदा पनि फरक नपर्ने विषयलाई नेपालीमा नै पढाउन शिक्षा मन्त्रीको आग्रह ।

४३.सुशासनको पाठ विद्यालयबाटै सुरु हुने हुँदा सिपसँगै बालबालिकालाई संस्कार प्रदान गर्न उपप्रधानमन्त्री इश्वर पोखरेलको आग्रह ।

४४.संस्कार र नैतिकताको पाठ विद्यालयबाटै सिक्ने हुँदा बालबालिकालाई प्रविधिमैत्री सिकाई सँगै मातृभाषा प्रति गर्व गर्न सिकाइनुपर्छ भन्ने सरकारको मान्यता ।

४५.उदयपुरको त्रियुगा नगरपालिका चौकीबारीका आमाछोरी हत्या प्रकरण आरोपमा पुर्पक्षका लागि थुनामा रहेका आरोपितलाई आजीवन काराबासको फैसला ।

४६.सजाय पाउनेमा सिरहाको लहान ८ का ४० वर्षीय रामहरी साह ।

४७.आजीवन कारबाससँगै पीडितलाई एक लाख क्षतिपुर्ति उपलब्ध गराउन अदालतको आदेश ।

४८.साहसँग फेला परेको सुनका गहना पीडितको भएको आरोपितले स्वीकार गरेकाले पीडित परिवारलाई नै फिर्ता दिन पनि आदेश ।

४९.निजी वायुसेवा कम्पनी हिमालय एयरलाइन्सले काठमाडौं–चोेंगकिङ उडान सुरु ।

५०.कम्पनीले चिनियाँ नयाँ वर्षको अवसरमा बिहीबारदेखि काठमाडौंबाट चीनको चोेंगकिङ थालेको हो उडान ।

५१.भ्रमण वर्षको अवसरमा चीनको नयाँ गन्तव्यमा उडान सुरु गर्दा नेपालको पर्यटन क्षेत्रमा सहयोग पुग्ने सरकारी दाबी ।

५२.सताको अन्तिम कारोबार दिन बिहीबार शेयर बजार परिसूचकमा १६ अंकको गिरावट ।

५३.बिहीबार नेप्से १५ दशमलव नौ पाँच अंकले घटेर १२ सय ९५ दशमलव चार सात अंकमा झ¥यो ।

५४.बजारमा क वर्गका परिसूचकहरुको मापन गर्ने सेन्सेटिभ इन्डेक्स ३ दशमलव पाँच नौ अंकले घट्यो ।

५५.बजारमा जीवन बीमा र अन्य समूहको परिसूचकमा भने सुधार ।

५६.बिहीबार सुनको मूल्य तोलामा २ सय रुपैयाँले बृद्धि ।

५७.छापावाला सुन प्रतितोला ७५ हजार रुपैयाँमा कारोबार भएको नेपाल सुनचाँदी व्यवसायी महासंघद्वारा जानकारी ।

५८.विगत एक हप्तादेखि खानेपानी संस्थानमा धर्ना दिँदै आएका धरान उपमहानगरपालिका वडा नम्बर ९ का जनप्रतिनिधिहरुद्वारा आन्दोलन स्थगित ।

५९.समस्या समाधान गर्दै खानेपानी वितरण गरिने धरान उपमहानगरपालिकाले प्रतिबद्धता जनाएपछि आन्दोलन स्थगित गरिएको जानकारी ।

६०.प्रदेश सरकारले खानेपानी तथा ढल व्यवस्थापन आयोजनाका प्रमुख चक्रपाणी आचार्य शर्माको संयोजकत्वमा अध्ययन समिति पनि गठन ।

६१.स्वदेशी उत्पादनको प्रवद्र्धन गर्ने उदेश्यका साथ काठमाडौंको भृकुटीमण्डपमा मेगा वीन्टर सुज मेला जारी ।

६२.मेलामा प्रतिष्ठित ब्राण्डका जुत्ता, चप्पलसहित ज्याकेट लगायतका सामग्री विशेष छुटमा साथ उपलब्ध भइरहेको आयोजकद्वारा जानकारी ।

६३.एउटै छानामुनी स्वदेशी उत्पादनका २० भन्दा बढी कम्पनीका जुत्ताचप्पल २५ देखि ७५ प्रतिशतसम्म छुटमा उपलब्ध ।

६४.विवाह, पार्टी, स्पोर्टस, क्याजुअल, स्कुल, कार्यालयका युनिफर्म जुत्ता लगायतका जुत्ताचप्पल मेलामा राखिएको व्यापारीहरुद्वारा जानकारी ।

६५.परम्परागत खाद्यान्न बालीको उत्पादन राम्रो हुन नसक्दा म्याग्दीका कृषकहरु व्यवसायिक खेतीतर्फ आकर्षित ।

६६.म्याग्दीको बेनी नगरपालिका वडा नम्बर ३, भकिम्लीस्थित राखु क्षेत्रका कृषकहरुले परम्परागत खेतीबाली लगाउन छाडे ।

६७.१० वर्षदेखि पुरानो खाद्यबाली नलगाई व्यवसायिक रुपमा सुन्तला खेती गरेर मनग्य आम्दानी गर्न सफल ।

६८.राखु क्षेत्रका एकजना कृषकले वर्षमा सुन्तला बिक्री गरेर झण्डै पाँचलाख रुपैयाँ आम्दानी गर्दै ।

६९.समाज कल्याण परिषद् स्वामित्वको जग्गामा तरकारी व्यवसाय गरिरहेका किसानले एक वर्षअघि बुझाएको भाडा पाएनन फिर्ता ।

७०.परिषद्सँग सम्झौता गरेर व्यवसायीसँग पैसा लिइए पनि पैसा उठाउने सहकारीको बदमासी ा कारण किसानहरुको करोडौँ रकम डुब्यो ।

७१.हरित कृषि सहकारीले समाज कल्याण परिषद्को स्वामित्वको इच्छुमति तरकारी बजारका २ सय ६ किसानसँग उठायको हो , १६ महिनाको भाडा वापत २ करोड ३७ लाख ६० हजार रुपैयाँ ।

७२.सहकारी र परिषद्को सम्झौता नभएको खुलेपछि किसानले २०७५ कात्तिक १० गतेदेखि पैसा फिर्ता माग्दा सहकारीले दिन आनकानी गरेको किसानहरुको दुखेसो ।

७३.करोडौँ रकम डुबेकाले सहकारीलाई कारबाही गर्न किसानहरुको माग ।

७४.राजनीतिका कारण मानिसहरु विभाजित भएपनि संगीतले मान्छेहरुलाई एक ठाउँमा ल्याउने उपप्रधानमन्त्री तथा रक्षामन्त्री ईश्वर पोखरेलको भनाइ ।

७५.तारदेवीको चौधौं पुण्यस्मृतिका अवशरमा आयोजित कार्यक्रममा कला र संगीतको क्षेत्रमा लागेका व्यक्तिहरुमा राजनीतिक रोग सर्न नहुने उपप्रधानमन्त्री पोखरेलको सुझाव ।

७६.उपप्रानमन्त्री पोखरेलद्धारा तारादेवी फाउण्डेशनका लागि सहयोग गर्ने प्रतिवद्धता।

७७.अपहरण, शरीर बन्धक तथा कर्तव्य ज्यान मुद्दाका फरार अभियुक्त वीरगंज महानगरपालिका २७ का विक्रम यादव पक्राउ ।

७८.आफ्नै बुहारी २७ वर्षीय बसन्ता कुवरलाई धारिलो हतियार प्रहार गरी हत्या गरेको अभियोगमा दाङ, गढवा गाउँपालिका ४ का कुलमान कुवर पक्राउ ।

७९.वीरगंज महानगरपालिका १६ ईनर्वा चौकबाट स्रोत खुलाउन नसकेको नगद २ लाख रुपैयाँ सहित वीरगंजका रामबाबु साह कलवार पक्राउ ।

८०.मोरङको रंगेलीबाट विद्यार्थी बोकेर विराटनगरतर्फ आउँदै गरेको स्कुलको मे १ ख १४९० नम्बरको बस दुर्घटना, सहचालक सानुकुमार साहको मृत्यु ।

८१.लर्डबुद्ध हाइयर सेकेण्डरी स्कुलको बसमा थिए १२ जना विद्यार्थी सवार, ११ जना घाइते ।

८२.सिरहा, भक्तपुर, सुर्खेत, मकवानपुर र मोरङका छुट्टाछुट्टै स्थान भएका दुर्घटनामा पाँच जनाको मृत्यु ।

८३.सिरहामा ना १ ज ८०८८ नम्बरको म्याजिक गाडीको ठक्करबाट नाम, थर नखुलेका करिब ५० वर्षीय पुरुषको मृत्यु ।

८४.भक्तपुरमा बा ६७ प ४८७१ नम्बरको मोटरसाइकल दुर्घटना हुँदा मोटरसाइकल चालक सिन्धुलीका गणेश वयलकोटीको मृत्यु ।

८५.सुर्खेतमा भे ४३ प ८४४६ नम्बरको मोटरसाइकल दुर्घटना हुँदा मोटरसाइकलमा सवार उदय परियारको मृत्यु ।

८६.मकवानपुरमा नम्बर नखुलेको ट्रयाक्टर दुर्घटना हुँदा ट्रयाक्टर चालक बाराका पर्शुराम सिटौलाको मृत्यु ।

८७.अन्तर्राष्ट्रिय न्यायालय, आइसीजेद्वारा म्यानमारका मुस्लिम समुदाय रोहिंग्यामाथिको नरसंहार रोक्ने उपाय गर्न आदेश ।

८८.राष्ट्र संघीय अनुसन्धानले नरसंहार नै भएको प्रतिवेदन बुझाएपछि न्यायालयले ग¥यो सरकारका नाममा आदेश ।

८९.सन् २०१७ मा म्यानमारको सेनाले गरेको कारबाहीमा हजारौं रोहिंग्या मारिएको र ७० हजारभन्दा बढी बंगलादेश पलायन भएको प्रतिवेदनमा उल्लेख ।

९०.मुस्लिम बाहुल्य अफ्रिकी राष्ट्र गाम्बियाले म्यानमारका रोहिंग्यामाथि सेनाले गरेको नरसंहार रोक्न माग गर्दै न्यायालयमा गरेको थियो मुद्दा दायर ।

९१.अष्ट्रेलियामा अग्नि नियन्त्रक चढेको विमान दुर्घटना हुँदा अमेरिकी मुलका चालक दलका तीन सदस्यको मृत्यु ।

९२.विमान दुर्घटनाको कारणबारे थाहा हुन नसकेको सरकारी अधिकारीहरुद्वारा जानकारी ।

९३.अग्नि नियन्त्रक बोकेको विमान अस्ट्रेलियाको राजधानी क्यानबेराबाट दुई घण्टा टाढाको दक्षिणमा रहेको पहाडमा दुर्घटना भएको न्यू साउथ वेल्सकी प्रमुखको भनाइ ।

९४.नेपाल पुलिसलाई हराउँदै सशस्त्र प्रहरीको एपीएफ क्लब आरबिबि एनभिए महिला तथा पुरुष क्लब च्याम्पियनसिप भलिबलको फाईनलमा प्रवेश ।

९५.त्रिपुरेश्वरस्थित राखेपको कभर्डहलमा भएको महिलातर्फको पहिलो सेमिफाईनलमा एपीएफद्वारा पुलिस ३–० को सोझो सेटमा पराजित ।

९६.नेपालले सन् २०२१ मा भारतमा हुने टी २० बिश्वकपको सोझै ग्लोबल छनोट खेल्न पाउने ।

९७.अन्तराष्ट्रिय क्रिकेट काउन्सिल आइसीसीको टी २० बरियतामा १२ औ स्थानमा रहेको हुँदा नेपालले सोझै ग्लोबल छनोट खेल्ने ।

९८.हिमालयन शेर्पालाई हराउँदै थ्री स्टार कलब जारी शहिद स्मारक ए डिभिजन लिगको तेश्रो स्थानमा उक्लियो ।

९९.थ्री स्टारको जीतमा सुशील राई, संजोग राई र वासिउ ओलान्दि«यन हज्मातको एक एक गोलको योगदान ।

१००.जितसँगै तिन अंक जोडेको थ्री स्टार कुल १४ अंक सहित तालिकाको तेश्रो स्थानमा, ७ अंकसहित हिमालयन प्रतियोगिताको दशौ स्थानमा यथावत ।

प्रतिक्रिया दिनुहोस्
विशेष

प्रदेश नं १, प्रदेश २, बागमती प्रदेश, गण्डकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ ।

दाजुभाइमा प्रेम बढ्नेछ । नयाँ ठाउमा भ्रमण हुनेछ । उत्साहले काम छिटो बन्नेछ ।

बालुवाका तस्करहरुले खोलाबाट बालुवा निकाल्नका लागि यी मजदुरहरुलाई प्रयोग गर्ने गर्छन् ।

पानी भर्नका लागि खानेपानी मन्त्रालयले सहयोग पुर्याएको निर्देशनालयको भनाइ छ ।

अस्पतालमा जोखिम भत्ताका लागि पठाएको रकम व्यवस्थापनमा, स्वास्थ्य सामग्री खरिदमा प्रयोग गरेको पाइएको बताउनुभयो ।

खेलाडीले दिलाएको सोही सफलताका आधारमा राखेप सदस्यसचिव रमेशकुमार सिलवाल भने सुप्रबल जनसेवा श्री तृतीयका लागि योग्य हुनुभयो ।