Logo आश्विन ५, २०७७ सोमबार


शनिबारका सय समाचार

गोपाल पाठक / विनोद लामिछाने/अनिश्मा बस्नेत
काठमाडौं । जनता टेलिभिजनमा आज (शनिबार) प्रसारण गरिएका एक सय समाचारको संगालो नै शत् प्रतिशत समाचार हो । शत् प्रतिशत समाचार जनता टेलिभिजनमा हरेक दिन राति १० बजे र पुनः प्रसारण राति १ बजे र बिहान ३ बजे हेर्न सकिन्छ । जनता समाचार डट्कममा पनि आज घटेका विश्वभरका एक सय समाचार पढ्न सकिन्छ ।

१.प्रधानमन्त्री केपी शर्मा ओली, नेकपा अध्यक्ष पुष्पकमल दाहाल र नेपाली कांग्रेसका सभापति शेरबहादुर देउवाबीच ।

२.प्रधानमन्त्री निवास बालुवाटारमा भएको छलफलमा नेताहरुबीच मुलुक सञ्चालन गर्दा साझा सहमति र सहकार्यका आधारमा अगाडि बढ्ने सहमति ।

३.मुलुक सञ्चालन गर्दा कतिपय कुरा प्रतिपक्षसँग पनि मिलेर गर्नुपर्ने भएकाले प्रधानमन्त्रीले प्रतिपक्ष दलका नेतासँग छलफल गर्नुभएको नेकपा संसदीय दलका उपनेता सुवास नेम्वाङद्वारा जानकारी ।

४.नेकपा अध्यक्ष पुष्पकमल दाहालद्वारा बामपन्थी विचारक गोपीरमण उपाध्याय र मनहरि तिमिल्सिनाद्वारा सम्पादित जनताको जनवादको आधारहरु नामक पुस्तकको विमोचन ।

५.जनताको जनवाद समाजवादी क्रान्तिको शुरुवाती विन्दु भएको अध्यक्ष दाहालको भनाइ ।

६.क्रान्ति सम्पन्न भएपनि समाजवादी क्रान्ति पूरा नभएको अध्यक्ष दाहालको जिकिर ।

७.तानाशाह राजतन्त्र समाप्त पार्न पू‘जीवादीहरुसँग मिलेर क्रान्ति सम्पन्न गरे पनिसमाजवाद स्थापनामा पू‘जीवादीहरुसंग सहकार्य हुन नसक्ने दाबी ।

८.प्रदेशको राजधानीका लागि पत्रकारलाई फोन गरेर लविङ नगर्न प्रदेश नं ५ का मुख्यमन्त्री शंकर पोखरेलद्वारा नेकपा महासचिव बिण्णु पौडेललाई आग्रह ।

९.राजधानी बनाउनका लागि पत्रकारलाई फोन गरेर समाचार लेख्न नलगाउन पनि आग्रह ।

१०.लुम्बिनी, भेरी, राप्ती सम्झने तर प्रदेश नम्बर ५ बिर्सेर प्रदेशको समृद्ध नहुने भन्दै साझा मनोविज्ञान तयार गर्न मुख्यमन्त्री पोखरेलको सुझाव ।

११.प्रदेशको नाम र राजधानीमा आफ्नो व्यक्तिगत स्वार्थ नभएको भन्दै जनता र प्रदेश सांसदको म्यान्डेटमा साझा निर्णय गर्ने पोखरेलको दाबी ।

१२.तामाङ समुदायले शनिबार विभिन्न कार्यक्रम गरी सोनाम ल्होछार पर्व अर्थात नयाँ वर्ष मनाए ।

१३.सुँगुर वर्षको विदाई र मुसा वर्षको स्वागत गर्न देशका विभिन्न ठाउँबाट राजधानी आएका बसोबास गर्ने तामाङ समुदायले काठमाडौंको टुँडिखेलमा विशेष कार्यक्रमको आयोजना ।

१४.तामाङ समुदायका इस्ट देवता मञ्जुश्रील ८४ हजार ग्रन्थको धर्मतिर्सना गरेको ऐतिहासिक दिन सोनाम ल्होछार भएकाले यस पर्वलाई सुरुवाती वर्षको रुपमा समेत मनाउने परम्परा ।

१५.मञ्जुश्री पात्रो अनुसार तामाङ समुदायले शनिवार मनाइएको नयाँ वर्ष ।

१६.पात्रो अनुसार शनिवारदेखि २८५५ वर्ष पुरा भई २८५६ वर्ष सुरु ।

१७.तामाङले प्रत्येक जनावरले एकएक पटक शासन गर्छन भन्ने विश्वास सहित सुँगुर वर्ष अन्त्य भई मुसा वर्ष सुरु भएको जानकारी ।

१६.सोनाम ल्होसारलाई मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गका वर्षमा गरिएको छ विभाजन ।

१७.ल्होछारको अवसरमा राष्ट्रपति, प्रधानमन्त्री लगायत दलका शीर्ष नेताहरुद्वारा शुभकामना व्यक्त ।

१८.वर्तमान सरकार समृद्ध नेपाल, सुखी नेपालीको लक्ष्य राखेर अघि बढेको प्रधानमन्त्री केपी शर्मा ओलीको भनाइ ।

१९.लक्ष्य प्राप्तिका लागि देशका सबै जातजाति, धर्म र सम्प्रदायको योगदान अपेक्षित रहेको प्रधानमन्त्रीको विश्वास ।

२०.विविध सांस्कृतिक परम्परा र संस्कृतिले नेपाललाई विश्वमा अलग पहिचान दिएको पनि प्रधानमन्त्रीको शुभकामनामा उल्लेख ।

२१.चीन र अमेरिकामा संक्रमण फैलिएको नोबेल कोरोना भाइसरबाट नेपाल भने खतरामुक्त भएको सरकारको दाबी ।

२२.मौसमी भाइरल भएकाले सजग रहनुपर्ने भएपनि जोखिमपूर्ण नरहेको विशेषज्ञहरुको पनि भनाइ ।

२३.चीनबाट आएका नेपाली नागरिक पूर्ण रुपमा निको भइसकेको र हालसम्म उनको संसर्गमा आएका कुनै व्यक्तिमा पनि संक्रमण नदेखिएको स्वास्थ्य मन्त्रालयद्वारा पुष्टि ।

२४.विक्रम सम्वत २०७० सालबाट शुरु गरिएकोे बागमती सफाई महाअभियानको ३ सय ५० औं हप्ता पुरा ।

२५.३ सय ५० औं हप्तासम्म आइपुग्दा १२ हजार टन फोहोर उठ्यो ।

२६.२०७० जेठ ५ गते गुह्येश्वरी मन्दिरको प्राङ्गणबाट महाअभियानको गरिएको थियो सुरुवाता ।

२७.बागमतीसँगै विष्णुमति, धोवीखोला, हनुमन्ते, मनोहरा, गोदावरी, बल्खु एवं चक्रपथका बिभिन्न स्थान तथा भित्री टोलहरुमा समेत सरसफाई ।

२८.३ सय ५० औं हप्तामा प्रवेश गरेको अवसरमा काठमाडौं महानरपालिका वडा नम्बर ११ द्वारा स्वच्छता र सरसफाइका लागि २४ बुँदे अवधारणा सार्वजनिक ।

२९.पर्यटकिय दृष्टिकोणमा गण्डकी प्रदेश देशभरीकै उत्कृष्ट प्रदेश मुख्यमन्त्री पृथ्वीसुव्वा गुरुङको दाबी ।

३०.गण्डकी प्रदेश भित्रका प्राकृतिक सम्पदा, साँस्कृतिक विविधताले ख्याती पाएपनि प्रकृतिले दिएको बरदानको उच्चतम उपयोग हुन नसकेको गुनासो ।

३१.अहिलेसम्मको राजनितिक अस्थिरताले प्रवद्र्धन हुन नसकेका सम्पदाहरुको उच्चतम प्रवद्र्धन गरी समृद्धिको अभियान अघि बढाउनु वर्तमान सरकारको दायित्व भएको जिकिर ।

३२.यातायात व्यवसायीका लागि अहिले राम्रो वातावरण बनेको बागमती प्रदेशका आन्तरिक मामिला मन्त्री शालीकराम जम्कट्टेलको भनाइ ।

३३.२०७४ को निर्वाचनपछि यातायात व्यवसायीहरुले कुनैपनि बन्द हड्तालको सामना गर्न नपरेकोले उत्साही भएर व्यवसायमा लाग्न आग्रह ।

३४.सरकारले आफुहरुलाई उपेक्षा गरेको यातायात व्यावसायीहरुको गुनासो ।

३५.सरकारका नीतिका कारण ब्यापार घाटा घट्न नसकेको उद्योगी व्यववसायीको आरोप ।

३६.निर्यात उद्योगले सहुलियत पाउनुपर्नेमा सरकारको जोड ।

३७.निकासी घट्दै गएको र पाम आयल निर्यात बढेका कारण व्यापार घाटामा सुधार देखिएको नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाको भनाइ ।

३८.पाम आयल पनि निर्यातमा अबरोध हुँदा व्यापार घाटा फेरी बढ्ने निश्चित भएको वरिष्ठ उपाध्यक्ष गोल्छाको भनाई ।

३९.भन्सारमा इ पेमेन्टको व्यवस्था गरी पैसा बोकेर जानुपर्ने अवस्थाको अन्त्य गर्नुपर्नेमा चेम्बर अफ कमर्सका अध्यक्ष राजेशकाजी श्रेष्ठको जोड ।

४०.ऐन, नियम बनाउँदा व्यवसायीलाई कारबाही गर्ने उद्देश्यमात्र राखेर निर्माण गर्न नहुनेमा सरकारको ध्यानाकर्षण ।

४१.वस्तु निर्यात गर्ने हाउसले पनि उद्योगले जस्तै सहुलियत पाउनुपर्ने नेपाल उद्योग परिसंघका अध्यक्ष सतिश मोरको माग ।

४२.नेकपाका वरिष्ठ नेता झलनाथ खनालद्वारा क्रान्ति पराजुलीद्धारा लिखित पहिलो उपन्यास ‘डिलको डोब’ को विमोचन ।

४३.शिखा सुब्बा बुक्स प्रा.लि लिमिटेडद्वारा आयोजित कार्यक्रममा गरिएको हो उपन्यास विमोचन ।

४४.‘डिलको डोब’की लेखक पराजुलीले नारीभित्र लुकेका हजारौं पीडालाई उजागर गर्ने प्रयास गरेको लेखकद्वारा जानकारी ।

४५.बैंक तथा वित्तीय संस्थालाई पुनः बीग मर्जरमा जान सरकारको आग्रह, मर्जरमा जानेका लागि प्रोत्साहन दिन तयार रहेको सरकारको भनाइ ।

४६.अर्थतन्त्रको आकारअनुसार बैंक, वित्तीय संस्थाको संख्या घटाएर अस्वस्थ प्रतिष्पर्धा हटाउन ठूला बैंक, वित्तीय संस्थाको मर्जर गर्ने सरकारको निर्णय ।

४७.राष्ट्र बैंकले मर्जरमा सहुलियत प्रदान गर्ने भन्दै चालु आर्थिक वर्षको मौद्रिक नीतिसमेत गरेको थियो सार्वजनिक ।

४८.बजारमा केही बीग मर्जर र केही अन्य मर्जरको अवस्था देखिएपनि सोचेअनुरुपको मर्जर नहुँदा नभएपछि अर्थमन्त्री डाक्टर युवराज खतिवडाद्वारा सार्वजनिक फोरमबाटै मर्जरमा जान सुझाव ।

४९.मर्जरमा जान चाहने बैंकहरुलाई आवश्यक परे अन्य सुविधा दिन तयार रहेको अर्थमन्त्रीको प्रतिबद्धता ।

५०.नेपालमा सडक दुर्घटना न्यूनिकरणका लागि बनेका कानुन कार्यान्वयनको पक्ष फितलो हुँदा दुर्घटना बढ्दो ।

५१.सवारी दुर्घटना बढ्नुको मुख्य कारण मानवीय लापरवाही भएको ट्राफिक प्रहरी कार्यालय प्रदेश नम्बर २ पथलैयाको भनाइ ।

५२.आर्थिक वर्ष ०७६÷७७ को ६ महिनाको अवधिमा ५ सय २७ सवारी दुर्घटना भएको प्रदेश नम्बर २ को ट्राफिक प्रहरीको तथ्यांक ।

५३.दुर्घटना गत आर्थिक वर्षभन्दा १५ प्रतिशतले बढेको पनि ट्राफिक प्रहरीको भनाइ ।

५४.दुर्घटना न्यूनिकरणका लागि ८ जिल्लामा चेकजाँचका साथै जनचेतना कार्यक्रम शुरु गरिएको प्रदेश नम्बर २ को ट्राफिक प्रहरी कार्यालयद्वारा जानकारी ।

५५.एक्याप र एमक्यापलाई प्रदेश मातहत ल्याउने गण्डकी प्रदेश सरकारको निर्णय ।

५६.महेन्द्र प्रकृति संरक्षण कोषलाई हाल रहेको अन्नपूर्ण प्रकृति संरक्षण कोषको अवधि सकिएपछि गण्डकी प्रदेश सरकारले आफू मातहत ल्याउने गरेको हो र्निणय ।

५७.गण्डकी प्रदेश सरकारको मन्त्रिपरिषद् बैठकले यो बिषयमा र्निणय गरेको सरकारका प्रबक्ता तथा भौतिक पूर्वाधार विकास मन्त्री रामशरण बस्नेतद्वारा जानकारी ।

५८.मनास्लु संरक्षण आयोजना पनि आफ्नै महातहत ल्याउने प्रदेश सरकारको तयारी ।

५९.गत हप्ताजस्तै यो साता पनि समग्रमा सुन बजार स्थिर ।

६०.अन्तर्राष्ट्रिय बजारमा ठोस परिवर्तन नदेखिएपछि बजार अन्यौलमै रहेका कारण सुनचाँदीको मूल्यमा एक किसिमको स्थिरता देखिएको विश्लेषकहरुको अनुमान ।

६१.आइतबार बजार खुल्दा तोलाको ७५ हजार रुपैयाँमा किनबेच भएको सुन साताको अन्तिम दिन शुक्रबार ७५ हजार २ सयमा किनबेच ।

६२.चाँदीको भाउ साताभरमा पाँच रुपैयाँले घटेर शुक्रबार प्रतितोला आठ सय पचासी रुपैयाँमा कारोबार भएको नेपाल सुनचाँदी व्यवसायी महासंघको भनाई ।

६३.निजी क्षेत्रको वायुसेवा प्रदायक कम्पनी बुद्ध एयरले विभिन्न गन्तव्यमा उडान विस्तार गर्ने ।

६४.माघ १८ गतेदेखि प्रदेश ं२ को राजविराजमा र क्षेत्रीय उडानका रुपमा माघ २० गतेदेखि विराटनगर पोखरा उडान भर्ने ।

६५.दैनिक उडानले पर्यटन प्रवद्र्धनका साथै नेपाल भ्रमण वर्ष २०२० अभियानलाई समेत टेवा पुग्ने कम्पनीको विश्वास ।

६६.मध्यभोटेकोशीले प्रभावित क्षेत्रका वासिन्दा र सर्वसाधारणका लागि प्राथमिक शेयर निष्काशनका लागि दियो नेपाल धितोपत्र बोर्डमा निवेदन ।

६७.कम्पनीले प्रभावित क्षेत्रका लागि २५ करोड रुपैयाँको प्राथमिक शेयर निष्काशन गर्ने ।

६८.कम्पनीले प्रभावित क्षेत्रका लागि शेयर बिक्री नै नभइ सर्वसाधारणका लागि पनि शेयर निष्काशनका लागि भन्दै बोर्डमा दिएको छ निवेदन ।

६९.प्रभावित क्षेत्रका लागि १५ दिनको लागि म्याद दिने र यदि बिक्री भएन भने बिक्री नभएको शेयरसहित सर्वसाधारणका लागि जारी गर्ने ।

७०.एनआईसी एशिया लघुवित्त वित्तीय संस्थाले ४७ करोड ५५ लाख रुपैयाँको प्राथमिक शेयर निष्काशन गर्न नेपाल धितोपत्र बोर्डमा निवदेन ।

७१.लघुवित्त वित्तीय संस्थाहरु मध्ये यो अहलेसम्मकै सबैभन्दा धेरै प्राथमिक शेयरको निष्काशन हुने ।

७२.सामूदायिक वन उपभोक्ता महासंघद्वारा महिला सदस्यहरुलाई प्रशिक्षण सुरु ।

७३.दुई दिने प्रशिक्षण कार्यक्रमको पहिलो दिन महिललाई कसरी बोल्ने र नेतृत्व गर्न भन्ने विषयमा प्रशिक्षण दिइएको आयोजकद्वारा जानकारी ।

७४.प्रशिक्षणको दोस्रो दिन आइतबार जलवायू परिर्वतनलाई लक्षित गरी प्रशिक्षण दिइने भनाइ ।

७५.नाइटिङ्गेल इन्टरनेशनल स्कूलले मनायो २७ औं स्थापना दिवस ।

७६.स्थापना दिवसका अवसरमा ललितपुरको सैनिक मैदानमा बृहत खेलकुद तथा सांस्कृतिक कार्यक्रमको आयोजना ।

७७.कार्यक्रममा विद्यार्थीहरुद्वारा संस्कृति झल्कने नृत्य र ड्रिल प्रदर्शन ।

७८.नेपाल विद्युत् प्राधिकरणद्धारा मुख्य शहर र राजमार्गहरुमा ५० वटा चार्जिङ स्टेसन स्थापनाका लागि ग्लोबल बोलपत्र आव्हन ।

७९.काठमाडौं, राजमार्ग क्षेत्र र मोफसलका शहरहरुमा गरी कुल ५० वटा चार्जिङ स्टेशन निर्माण गर्ने प्राधिकरणको तयारी ।

८०.चर्जिङ स्टेसनमा ठूला बस पनि चार्ज गर्न सकिने ।

८१.उपत्यकाबाहिर स्टेसन निर्माणका लागि व्यापारिक कम्प्लेक्स, सिनेमा हल, सुपर मार्केट, पार्क, विश्वविद्यालय, सरकारी निकाय, होटल, अस्पताल लगायतसँग आवेदन लिइसकिएका जानकारी ।

८२.टर्कीको पूर्वी क्षेत्र केन्द्रविन्दु भएर ६ दशमलव ८ म्याग्निच्युडको भूकम्प जाँदा २१ जनाको मृत्यु ।

८३.भूकम्पका कारण १ हजार भन्दा बढी घाइते, सिरिया, लेबनान तथा इरानसम्म भूकम्पको धक्का महसुस ।

८४.उद्धार तथा राहतको काम जारी रहेको विपद तथा आपतकालीन अवस्था व्यवस्थापन एजेन्सीको भनाई ।

८५.चीनमा महामारीका रुपमा फैलिएको नयाँ कोरोना भाइरसको संक्रमणका कारण मृत्यु हुनेको संख्या ४१ पुग्यो ।

८६.अहिलेसम्म चीनमा १२ सय ८७ जनामा संक्रमण पुष्टि, संक्रमितको संख्या अझ बढ्न सक्ने विज्ञहरुका अनुमान ।

८७.डिसेम्बरमा वुहानमा पहिलो पटक देखिएको नयाँ कोरोना भाइरसको संक्रमण हाल चीनका विभिन्न क्षेत्रमा फैलियो ।

८८.अमेरिका, फ्रान्स, दक्षिण कोरिया, थाइल्याण्ड नेपालमा समेत भेटिएको पुष्टि ।

८९.चीन भन्दा बाहिरका मुलुकमा संक्रमण पुष्टि हुनेमा अधिकांश चीनबाटै फर्किएका व्यक्ति ।

९०.शहीद स्मारक ’ए’ डिभिजन लिग फुटबलमा शीर्ष स्थानको त्रिभुवन आर्मी क्लब बराबरीमा रोकियो ।

९१.त्रिपुरेश्वरस्थित दशरथ रंगशालामा भएको खेलमा आर्मी १० खेलाडीमा सिमित न्युरोड टिम एनआरटी क्लबसँग गोलरहित रोकिएको हो बराबरीमा ।

९२.खेलको इन्जुरी समयमा जुनियर निकेनगुएले दोहोरो पहेलो कार्डसहित रातो कार्ड पाउँदा एनआरटी समेटिएको थियो १० खेलाडीमा ।

९३.बराबरीसँगै आर्मीले शीर्ष स्थानमा ३ अंकको अग्रता बनाउने मौका पनि गुमायो ।

९४.नेपाल भ्रमण वर्ष २०२० लाई लक्षित गरि पाल्पामा विजय दौड भिक्टोरी रन २०७६ को आयोजना ।

९५.पर्यटन प्रवद्र्धनका जिल्लाको १० वटै स्थानिय तह र नेपाली सेनाको गोरखदल गणको आयोजनामा प्रतियोगितामा २१ किलोमिटर खुल्ला म्याराथुनमा काठमाण्डौका नरेन्द्र सिंह रावत प्रथम ।

९६.शीर्ष वरीयताका राफेल नडाल अष्ट्रेलियन ओपन टेनिसको चौथो चरणमा प्रवेश ।

९७.मेलबर्न पार्कमा भएको खेलमा आफ्नै देशका पाब्लो कारेनो बुस्टालाई सोझो सेटमा हराउँदै नडालले गरे चौथो चरणको यात्रा सुरक्षित ।

९८.प्रिक्वार्टर फाइनलमा नडालले अष्ट्रेलियन निक किगियोस वा रसियन कारेन खाचानोभसँग प्रतिष्पर्धा गर्ने ।

९९.वेष्ट इण्डिजका पूर्व अलराउण्डर ड्वेन स्मिथले एभरेष्ट प्रिमियर लिग (इपीएल)मा भैरहवा ग्लाडियटर्शको प्रतिनिधित्व गर्ने ।

१००.३६ वर्षे स्मिथलाई यस सिजनका लागि अनुबन्ध गरेको क्लबद्वारा जानकारी ।

प्रतिक्रिया दिनुहोस्
विशेष

प्रदेश नं १, प्रदेश २, बागमती प्रदेश, गण्डकी प्रदेशका एक–दुई स्थानमा भारी वर्षाको सम्भावना रहेको महाशाखाले जनाएको छ ।

दाजुभाइमा प्रेम बढ्नेछ । नयाँ ठाउमा भ्रमण हुनेछ । उत्साहले काम छिटो बन्नेछ ।

बालुवाका तस्करहरुले खोलाबाट बालुवा निकाल्नका लागि यी मजदुरहरुलाई प्रयोग गर्ने गर्छन् ।

पानी भर्नका लागि खानेपानी मन्त्रालयले सहयोग पुर्याएको निर्देशनालयको भनाइ छ ।

अस्पतालमा जोखिम भत्ताका लागि पठाएको रकम व्यवस्थापनमा, स्वास्थ्य सामग्री खरिदमा प्रयोग गरेको पाइएको बताउनुभयो ।

खेलाडीले दिलाएको सोही सफलताका आधारमा राखेप सदस्यसचिव रमेशकुमार सिलवाल भने सुप्रबल जनसेवा श्री तृतीयका लागि योग्य हुनुभयो ।