Logo मंसिर १४, २०७७ आइतबार


विश्व भ्रमणमा निस्किए स्याङ्जाका लुइँटेल (फोटोफिचर)

हिमलाल पराजुली
स्याङ्जा । वालिङ नगरपालिका –१४ तमादीका ३० वर्षीय यामप्रसाद लुइँटेल मोटरसाइकलबाट विश्व भ्मणमा निस्किनु भएको छ । वालिङ नगरपालिकामा शनिबार भएको विशेष कार्यक्रमबाट बिदाइ भएर दार्चुलाको लागि प्रस्थान गर्नुभएको छ । विश्व भ्रमणको सुरुवात दार्चुलाबाट गर्ने लुइँटेलको भनाइ छ ।

वालिङ नगरपालिकाका नगरप्रमुख दिलिपप्रताप खाँणले मोटरसाइकलमा विश्व यात्रा गर्ने कार्य सहज नभए पनि यात्रा सफल हुनेमा आफूहरु विश्वस्त रहेको भन्दै यात्रा सफलताको शुभकामना दिनुभयो । नेपाल भ्रमण वर्षको अवसर पारेर विश्व भ्रमणमा निस्किनु निजी क्षेत्रका लागि निकै खुशीको कुरा भएको बताउँदै लुइँटेलले विश्व यात्रा गरेर नेपालको नाम गिनिज बुकमा लेखाउने योजनाले आफूलाई उत्साहित गराएको वालिङ उद्योग वाणिज्य संघका अध्यक्ष शोभाकान्त पौडेलेले बताउनुभयो । उहाँले लुइँटेलको विश्व यात्राका लागि सक्दो सहयोग गर्न सबैलाई आग्रह गर्नुभयो । ‘लुइँटेलको विश्व भ्रमण गर्ने कार्यले जिल्लाबासी निकै उत्साहित भएका छन्’ उहाँले भन्नुभयो, ‘स्याङ्जाबासीको मात्रै नभएर देशकै लागि गौरवको कुरा भएको जिल्ला बासीको भनाइ रहेको छ ।

सन् २०२२ सम्ममा नेपालका ७ सय ५३ स्थानीय तहको करिब ६० हजार किलो मिटरको यात्रा पुरा गरी सन् २०२२ बाट विश्व यात्रामा निस्किने र दश वर्ष भित्रै ८ लाख किलो मिटरको यात्रा गर्ने योजना रहेको लुइँटेलले बताउनुभयो । समाज र राष्ट्रको लागि केही गर्नुपर्छ भन्ने उद्देश्यले आफू विश्व यात्रामा निस्किन लागेको लुइँटेलको भनाइ छ । नेपालको यात्रा गर्दा प्रत्येक स्थानीय तहमा पुगेर पर्यटन र यसका सम्भावनाका विषयका अन्तरक्रिया गर्ने उहाँले बताउनुभयो । लुइँटेलले भन्नु भयो, ‘मोटरसाइकल एउटा साधन हो, यो साधनको सदुपयोग गर्दै देशको पर्यटनको सम्भावना र अवस्थाका बारेमा अध्ययन गरी यसलाई अन्तर्राष्ट्रिय स्तरमा नेपालको बारेमा जानकारी गराउने उद्देश्यले विश्व मोटर साइकल यात्रामा निस्किन लागेको छु, यसमा सबैको सहयोगको अपेक्षा गरेको छु ।’

अर्जेन्टिनाका इमेलियो स्कटोले मोटरसाइकल यात्राबाट दश वर्षमा ७ लाख ३५ हजार किलोमिटर यात्रा गरेको र दश वर्ष भित्रै ८ लाख किलो मिटरको यात्रा पार गरेर त्यो रेकर्ड आफूले तोड्न चाहेको लुइँटेलको भनाइ छ ।

नेपाललाई विश्वसामु सगरमाथाको देश, गौतम बुद्धको देश र पशुपतिनाथको एक सुन्दर पर्यटकीय देश भनेर चिनाउने यो अभियानमा सहयोग गर्न लुइँटेलले सबैसँग आग्रह गर्नु पनि गर्नुभयो । विश्व भ्रमणका लागि निस्किनु भएका लुइँटेलको बिदाइमा वालिङका स्थानीयबासी, बुद्धीजिवी तथा सञ्चारकर्मी लगायतको सहभागिता रहेको थियो ।

प्रतिक्रिया दिनुहोस्
विशेष

किन चाहिएको छ नेकपामा एकता ? एकता कसलाई चाहिन्छ ? पार्टी एकताका आधार के हुन सक्छन् ?

संक्रमणको जोखिम कम भएका विभिन्न स्थानीय तहमा पठनपाठन शुरु भएपनि काठमाडौं उपत्यकाको हकमा भने तत्काल विद्यालय नखुल्ने संकेत देखिएको हो…

साझेदारी लगानीमा फाइदा मिल्नेछ । नयाँ योजना बन्ने एवम् पारिवारिक सहयोगले अधुरा काम बन्नेछ ।

ढकालले निर्यातमुलक उद्योगमा सामेल भएको हुनाले स्वदेशी उत्पादनमा वृद्धि गरी निर्यात बढाउने तर्फ आफ्नो ध्यान केन्द्रित हुने बताउनुभयो ।

काठमाडौं । चिनियाँ रक्षामन्त्री तथा स्टेट काउन्सिलर वेई फेङहे एकदिने ‘वर्किङ भिजिट’ का लागि आज काठमाडौं आइपुगेका छन् । केही…

काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले आफूले उठाएका सवालबारे सचिवालय बैठकमा अर्का अध्यक्ष तथा…