आपतकालीन रणनीति बनाउन सरकारलाई नागरिक अगुवाकाे सुझाव

काठमाडौं । जनस्वास्थ्यका लागि नागरिकले कोरोना संक्रमण फैलिन नदिन आपतकालिन रणनीति बनाउन सरकारलाई सुझाव दिएका छन् ।

डाक्टर महेश मास्के, कनकमणि दिक्षित, शुशील प्याकुरेल लगायत नागरिक अगुवाले बिहीबार उपप्रधानमन्त्री एवं रक्षामन्त्री ईश्वर पोख्रेरलाई भेटी संक्रमण फैलिन नदिन तत्काल प्रदेश र स्थानीय निकायसँग समन्वय गरी आपतकालीन रणनीति बनाउन सुझाएका हुन् ।

कोरोना संक्रमण फैलिएका देशबाट धेरै संख्यामा नेपाल फर्किएका नागरिकलाई शुरुमै क्वारेन्टाईनमा नराख्नु र उनीहरुको ट्रेस पनि नहुनुले जोखिम बढाएको भन्दै उनीहरुले शंकास्पदहरुको तत्काल पहिचान गरी क्वारेन्टाईनमा राख्ने व्यवस्था कडाईका साथ गर्न माग गरेका छन् । स्थानीय र प्रदेश सरकारसँग समन्वय गरी फ्लू आउटब्रेक भएको वा नभएको बारे दैनिक जानकारी लिनुको साथै क्वारेन्टाईनमा बस्न भनिएका व्यक्तिको संख्या एकिन गर्न पनि उनीहरुले सुझाएका छन् ।

जनस्वास्थ्यका लागि नागरिकले स्वास्थ्यकर्मीका लागि अत्यावश्यक सामाग्रीको आपूर्ति तत्काल गर्न, तत्काल आपूर्ति गर्ने अवस्था नभए देशभित्रै पीपीई उत्पादन गर्ने काम शुरु गर्न, ल्याब/उपचारको प्रोटोकल तयार गरी कन्ट्याक्ट ट्रेसिङ शुुरु गर्न, लक्षण नदेखिएका तर बिरामीको सम्पर्कमा आएका व्यक्तिलाई आईसोलेट गर्न सरकारको ध्यानाकर्षण गराएका छन् ।

स्वास्थ्यका लागि नागरिकले केन्द्रमा एकिकृत कमाण्ड सञ्चालन गर्न तथा स्थानीय र प्रदेशको गतिविधि समेत समेटेर एकद्वारबाट दैनिक मिडिया ब्रिफिङ गरी सूचना सम्प्रेषणको व्यवस्था मिलाउन पनि माग गरेका छन् ।

बन्दाबन्दीका कारण रोजगारी गुमाएका कमजोर वर्ग, दैनिक ज्यालादारी, नाङ्लो पसल आदि सञ्चाल गर्नेका लागि राहत कार्यक्रम ल्याउन पनि उनीहरुले सरकारको ध्यानाकर्षण गराएका छन् ।

प्रतिक्रिया दिनुहोस्
विशेष

मेष– सम्मान पाइनेछ । राजनीतिक लाभ मिल्नेछ । नयाँ काममा अवसर मिल्नेछ । वृष– खुशीको खबर मिल्नेछ । पुरानो काम…

काठमाडौं । नागरिक लगानी कोष र चन्द्रागिरी हिल्स लिमिटेडबीच स्थानीय बासिन्दा एवं सर्वसाधारणमा शेयर निष्कासन गर्ने सम्बन्धी सम्झौता भएको छ…

चोरी भएका ती मोटरसाइकलहरु मोडिफाई गरिएको, नम्बर प्लेट परिवर्तन गरिएको अवस्थामा फेला परेको ज्ञवालीले बताउनुभयो ।

मकवानपुर । लागू औषध गाँजा ट्याकंरमै ओसार–पसार हुन थालेको छ । प्रहरीले तेल बोक्ने ट्याकंरमा गाँजा ओसार–पसार गरिरहेको अवस्थामा २…

मेष– धर्ममा रुचि जानेछ, यात्रा तय हुनेछ । सामाजिक काममा व्यस्तता बढ्नेछ । वृष– अपजस मिल्नेछ, नयाँ काममा विरोधी जाग्नेछन्…

काठमाडौं । प्रधानमन्त्री केपी ओलीले नेपाल कम्युनिष्ट पार्टी (नेकपा) अब एक रहने सम्भावना निकै कम रहेको बताउनु भएको छ ।…