Logo कार्तिक ११, २०७७ मंगलबार


कोरोना उपचारका लागि सिरहामा ५ स्थानमा आइसोलेशन

रामभरोसी यादव
सिरहा । कोरोना भाइरस आशंकामा परेका बिरामीहरुको उपचारका लागि सिरहा जिल्लामा स्थानीय तहको समन्वयमा पाँच स्थानमा आईसोलेशन वार्ड र तीन दर्जनभन्दा बढी क्वारेनटाइन राखिएको छ ।

सिरहामा अहिले विभिन्न स्थानबाट सिरहा आए पुगेका १७ जनालाई विभिन्न स्थानको क्वारेनटाइनमा राखिएको छ । जसमध्ये बरियारपट्टिमा ६ जना, गोलबजारमा एक जना, विष्णुपुरामा ७ जना, भगवानपुरको आभेनगरमा ३ जनालाई राखिएको जिल्ला जनस्वास्थ्य कार्यालयका भेक्टर कन्ट्रोल अधिकृत अन्जेश्वर चौधरीले बताउनुभयो ।

जनस्वास्थ्य अधिकृत चौधरीका अनुसार अहिले गम्भीर प्रकृतिका बिरामी नदेखिएकोले उनीहरुलाई क्वारेनटाइनमै राखिएको बताउनुभयो । गम्भीर प्रकृतिको बिरामी आएको खण्डमा जिल्लामा राखिएको पाँच स्थान महेन्द्र गेनाई अस्पताल धनगढीमाईमा १८ बेड, सिरहा अस्पताल ५ बेड, लहान अस्पताल ५ बेड, आर.के.मेडिसिटी धनगढीमाई ५ बेड तथा फुलकुमारी मेमोरियल हस्पिटल ५ बेडमा राखी उपचार गरिने जनाउनुभयो ।

११ गते कोरोना भाइरसको आशंकमा औरहीका एक जना युवालाई थप उपचारको लागि काठमाडौंको टेकु पुर्याएको बताउनुहुँदै चौधरीले त्यसपछि अहिले जिल्लामा त्यस्तो प्रकृतिको बिरामी परेको सूचना नआएको जनाउनुभयो । सिरहामा कोरोना भाइरस सर्न नदिनका लागि मानिसको चहलपहलमा पूर्ण रुपमा स्थानीय प्रशासनले बन्देज लगाएको छ भने कोरोना भाइरसबाट बच्न विभिन्न सन्देशमुलक सूचनाहरु सबै स्थानीय तहले प्रचार प्रसार गरिरहेका छन् ।

प्रतिक्रिया दिनुहोस्
विशेष

भारत र अमेरिकाका वायुसेनाबीचको सहकार्यका लागि यो महत्त्वपूर्ण हुनेछ ।

दिल्लीलाई हराउन सके हैदराबादको अंक तालिका समेत सुधार हुनेछ ।

चितवनको भरतपुर अस्पतालमा उपचारको क्रममा एक जना कोरोना संक्रमितको मृत्यु भएको छ ।

कोरोना महामारीले काम र कमाई गुमाएका तथा स्वदेश फर्कन चाहेका नेपाली नागरिक स्वदेश फर्किएकाे बताइएकाे छ । स

ट्याक्सी दुर्घटना हुँदा तीन जनाको मृत्यु भएको छ ।

काठमाडाैं । बडादशैंको अवसरमा आज पनि मान्यजनबाट टीका लगाई आशीर्वाद लिने क्रम जारी छ ।  हिजो विजयादशमीका दिन टीका लगाउन…