Logo मंसिर १७, २०७७ बुधबार


‘लकडाउन’कै बेला सरकारी कार्यालयमा चोरी

विद्यानन्द राम
सप्तरी । कोरोना भाइरसको संक्रमण फैलिन सक्ने भन्दै सरकारले ‘लकडाउन’ गरेकै बेला सप्तरीकाे सरकारी कार्यालयमा चोरी भएको छ । बोदे बरसाईन नगरपालिकाको वडा कार्यालय, स्वास्थ्य चौकी र अतिरिक्त हुलाक कार्यालयमा बुधवारराति लाखौं रुपैयाँ बराबरको सामान चोरी भएको हो ।

सरकारले आह्वान गरेको ‘लकडाउन’ कार्यान्वय गराउन सर्वसाधारण घरभित्रै रहँदै आएको मौका छोपेर केही व्यक्तिले वडा नम्वर ३ को कार्यालय तथा कार्यालयसँगै जोडिएको स्वास्थ्य चौकी र अतिरिक्त हुलाक कार्यालयमा ताल्चा फुटाएर चोरी गरेका हुन् । वडा कार्यालयबाट राजस्वतर्फ उठाइएको १८ हजार रुपैयाँ, १–१ थान कम्प्युटर र पंखा तथा एक थान इन्टरनेट चलाउने रोटर चोरी भएको वडा अध्यक्ष अनोजकुमार यादवले जानकारी दिनुभयो ।

‘लकडाउन’को बेला पनि प्रहरीले गस्ती नगर्दा यस्ता घटना भएको भन्दै लकडाउनलाई कार्यान्वय गराउन पनि प्रहरीले गस्तीतर्फ ध्यान पु¥याउन अध्यक्ष यादवले आग्रह गर्नुभयो । यसैगरी स्वास्थ्य चौकीबाट पंखा, वीपी इन्टुमेन्ट, वेट मेसिन (गर्भवति महिलाको तौल नाप्ने यन्त्र) र ओटो कलेव मेसिन चोरी भएको चौकीका इन्चार्ज बद्रीनारायण ठाकुरले बताउनुभयो ।

इन्चार्ज ठाकुरका अनुसार स्वास्थ्य चौकी भवनभित्रै रहेको अतिरिक्त हुलाक कार्यालयबाट पनि केही कागज पत्रहरु चोरी भएको छ । घटनाबारे अनुसन्धान भईरहेको प्रहरीले जनाएको छ ।

प्रतिक्रिया दिनुहोस्
विशेष

निर्णय प्रक्रियामा मत राख्ने स्वतन्त्रता र निर्णय कार्यान्वयनमा एकरूपता हुने विधानमा प्रष्ट उल्लेख छ ।

जिल्ला प्रहरी कार्यालय सल्यानका अनुसार बस सडकबाट ३० मिटर तल खसेको छ ।

नेपाल प्रहरीको साइबर ब्यूरोले सामाजिक सञ्जालमा सावधानी अपनाउन अनुराेध गरेकाे छ ।

स्वास्थ्य तथा जनसंख्या मन्त्रालयका सचिव लक्ष्मण अर्यालले कामको प्रकृति हेरी धेरै ऐनलाई एकीकृत गर्न छाता ऐन बनाउनुपर्ने आवश्यकता रहेको बताउनुभयो…

रेमिट्यान्सलाई उत्पादन क्षेत्रमा लगाउन सरकारले प्रोत्साहित गर्नुपर्ने र निजी क्षेत्रलाई सरकारको पार्टनरको रुपमा हेर्नुपर्ने ढकालकाे सुझाव छ ।

काठमाडौं । सत्तारुढ नेपाल कम्युनिष्ट पार्टी (नेकपा) का अध्यक्षसमेत रहनुभएका प्रधानमन्त्री केपी शर्मा ओली आफ्नो पार्टीको सचिवालय बैठकमा जानुहुने भएको…