Logo कार्तिक १४, २०७७ शुक्रबार


मास्क बनाएर निशुल्क वितरण गर्दै त्वाती दिदीबहिनी

भक्तपुर । कोभिड १९ अर्थात् कोरोना संक्रमणको त्राससँगै मुलुकभर मास्क अभाव भईरहेका बेला भक्तपुरका एकै परिवारका दिदीबहिनी मास्कको निशुल्क वितरणमा जुटेका छन् ।

कोरोना भाइरसको संक्रमणबाट जोगिनका लागि अनिवार्य मास्क लगाउन चिकित्सकहरुले सुझाब दिएसँगै मास्क अभाव र मास्कमा नै कालोबजारी गर्नेहरु बढेपछि सूर्यविनायक नगरपालिका वडा नम्वर १० चित्तपोलका मनसोभा सुवाल त्वातीका दिदीबहिनी मास्क बनाउने र वितरण गर्ने काममा जुटेका हुन् । सूर्यविनायक नगरपालिका वडा नम्वर १० चित्तपोलका मनसोभा सुवाल त्वाती, मिना कुमारी त्वाती, रिता त्वाती, अनिता त्वाती, रुदिशा त्वाती, आयुशा त्वाती, सायरा त्वाती लगायत महिला अहिले मास्क सिलाउने काममा व्यस्त हुन थालेका छन् ।

सबै ढोका लगाएर घर भित्रै बसिरहेका बेला त्वाती दिदीबहिनीहरु बिहान साँझ नजिकको र चिनजानको टेलरमा गई खेर गएका कपडा संकलन गर्ने र दिनभर मास्क बनाउने दैनिकी बनेको छ । कोही शिक्षक, कोही सिलाई बुनाई कोही विद्यार्थी त कोही गृहणी पेशाका उनीहरु हिजोआज मास्क बनाउने र निशुल्क रुपमा वितरण गर्ने काममा व्यस्त भएका छन् । मनशोभा त्वाती देश पुरै लकडाउन भएको र कसैलाई फोन गर्दा पनि मास्क लगाउनु, सेनिटाईजर वा सावुन पानीले हात धुनु भन्ने सन्देश सुन्नु तर बजारमा मास्क नपाइँनुबाट आफूमा मास्क नै बनाएर सबैलाई वितरण गर्नुपर्छ भन्ने भावना जागृत भएको बताउछिन् ।

उनी भन्छिन्“”देश पुरै लुक डाउन छ । कसैलाई फोन गर्दा पनि मास्क लगाउनु, सेनिटाईजर वा सावुन पानीले हात धुनु भन्छ । तर बजारमा मास्क छैन । कतिको त किन्ने क्षमता पनि छैन । त्यसैले अभावको समाधान गर्दे सबैलाई मनोवैज्ञानिक रुपमा पनि म सुरक्षित छु भन्ने बनाउनुपर्छ भनी टुक्रा कपडाहरुको मास्क बनाई निशुल्क वितरण गर्दै आएका छौं ।

मनसोभा एकैपरिवारका दिदीबहिनीबाट शुरु भएको मास्क बनाउने काममा सिलाई जानेका दिदीबहिनीलाई पनि संलग्न हुन पनि आग्रह गर्छिन् ।

उनी भन्छीन् “हामी एकै परिवारका सदस्य हौं तथा चित्तपोल सामुदायिक अध्ययन सिकाई केन्द्रबाट सिलाई सिक्नुभएकाहरुलाई हामीले सम्पर्क गरिरहेका छौं र उनीहरुलाई पनि मास्क बनाउन आग्रह गरिरहेका छौं । हामीले खेर जाने टुक्रा कपडा एवं कपडा पसलमा सानो गजका कारण खेर जाने कपडा जम्मा गर्दै मास्क बनाउँदै वितरण गर्दै आएका छौं । जुन प्रयोगकर्ताले धोई पुनः प्रयोग गर्न मिल्छ । लकडाउनका समयमा अरु जस्तै रमाईलो गर्दै बस्ने मन त थियो तर हामीले जानेको सीप प्रयोग गर्दै सानो सहयोग गर्न सके राम्रै हुन्छ भनेर यो काम शुरु गरेको हो ।”

चित्तपोल सामुदायिक सिकाई केन्द्रमा सिलाई वुनाई प्रशिक्षक समेत रहेकी मिना कुमारी त्वातीलाई मास्कमा भएको कालोबजारीको समाचार सुन्दा बनाउने चाहाना जाग्यो अनि युट्युवमा हेरैं बनाईन् । मास्क बनाउने तरिका उनलाई सजिलो पनि लाग्यो । सामुदायिक सिकाई केन्द्रले मास्कमा लाग्ने इलास्टिक उपलब्ध गराउँछौं भनेपछि उनी मास्क सिलाईको काममा संलग्न भईन । मास्क लिनका लागि टोलबासीहरु कोही नछुटुन् र नदोहोरिउन् भन्नेमा उनी सचेत छन् । उनी भन्छिन् “ विभिन्न महिला समूह अनि टोलहरुमा आवश्यकता अनुसार हामीले मास्क पठाउने गरेका छौं । कोही नछुटुन् र नदोहोरिउन् भन्ने हेतुले नै हामीले मास्क दिदै आएका छौं ।

संकटको समयमा आफूले जानेको सिप प्रयोग गरी समाज र टोलवासीलाई केही गराँै भन्ने मनसायले मास्क बनाउने काममा लागेका बताउछिन् रिता त्वाती । उनले मास्क बनाउन मिल्ने सुतिका एवं अन्य कपडा भए उपलब्ध गराउन पनि आग्रह गरिन् ।

उनले भनिन्, ‘हामीले पनि यस्तो समयमा आफूले जानेको सीप प्रयोग गर्दै केही गर्न सक्छौं भन्दै हामी जम्मा भएर मास्क बनाउने की भन्ने कुरा भयो । व्यावसायिक भन्दा पनि समुदायमा निशुल्क वितरण गर्न पाए कति मज्जा आउला भन्ने हेतुले नै हामीले यो कामको थालनी गरेको हो । हामीले सीप सिक्यौं । काम जानेका छौं । सबै कुरा पैसा मात्र होइन भन्ने लाग्यो र हामी कपडाको मास्क बनाउने काममा जुटेका हौं । एक जनाले दिनको १ सय मास्क बनाउँछौं । वितरण पनि गर्दै आएका छौं । दिनभर मास्क बनाउन व्यस्त छौं । यदि कसैसँग मास्क बनाउन मिल्ने सुतिका एवं अन्य कपडा छ भने हामीलाई दिनुहोस् हामी त्यसको मास्क बनाएर दिने छौं ।’

त्वाती दिदीबहिनीले आफूहरुले बनाएको मास्क नजिकको समूदायको भक्तपुर नगर भित्रका वृद्धवृद्धालाईसमेत वितरण गर्दै आएका छन् । सबैभन्दा बढी मास्कको आवश्यकता वृद्धवृद्धा तथा महिलाका लागि भएकाले त्यो वर्गलाई यी दिदीबहिनीले प्राथमिकतामा राखेका छन् । यी महिलाले अहिलेसम्म १ हजार ५ सय बढी मास्क वितरण गरिसकेका छन् । एक मिटर कपडाबाट १५ वटासम्म मास्क बन्ने उनीहरुले बताए । उनीहरुले दुवै तर्फबाट प्रयोग गर्न मिल्ने गरी मास्क बनाएको बताए । कपडा उपलब्ध गराएमा आफूहरुले जतिपनि मास्क बनाउन तयार रहेको उनीहरूकाे भनाइ छ ।

प्रतिक्रिया दिनुहोस्
विशेष

धर्म कर्म परोपकारमा समय जानेछ । फाइदा अरुले पाउनेछन् । अड्एिको काम सुचारु हुनेछ ।

समितिहरुले पनि आफ्नो कार्यक्षेत्रमा दिएका निर्देशन दिएपछि पालना भए/नभएको विषयमा खासै चासो राख्ने गरेको भने पाइएको छैन ।

साताको मध्यमा भने भोगविलासमा खर्च हुने, व्यापारमा आम्दानी बढ्ने एवम् सोचेको कुरामा फल प्राप्ति हुनेछ ।

अञ्जली अधिकारी र तक्र बमकाे मुख्य अभिनय रहेकाे म्यूजिक भिडियाेकाे निर्देशन प्रकाश भट्टले गर्नुभएकाे हाे ।

मानव बस्तीसँगै रहेको कब्रस्तानमा कोरोना सङ्क्रमितलाई गाडेको भन्दै आक्रोशित स्थानीयहरूले कब्रस्तानको गेटमा ताला लगाएका छन् ।

आफूले यस्तो दृश्य पहिले नदेखेको तर आफ्ना बुवाले चौरासी पूजा गरिदिँदा निकै खुशी लागेको छोरा दधिरामले बताउनुभयो ।