Logo मंसिर ११, २०७७ बिहीबार


सुन्दर र शान्त काठमाडाैंका पीडित मनहरू

सुन्दर र शान्त काठमाडौं उपत्यका

एउटा नौलो अनुभूति उपत्यका भित्र धेरै थरीका चराचुरुङ्गी बस्दा रहेछन् । बाहिर यसो हेर्दा कतै काग, कतै परेवा, कतै भँगेरा त कतै ढुकुर अनि फरकफरक आवाज। यी आवाजले अग्लाअग्ला घरहरु संगीतमय बनेका छन् । हिजो यो उपत्यकामा चराचुरुङ्गी नै छैनन् जस्तो लाग्थ्यो तर आज गाउँघरमा गुलेली खेलेको याद आउँछ । यी पशुपंक्षी पनि यतिबेला कोलाहलबाट मुक्त भएका छन् । तर यीनलाइ पनि खानाको समस्याले भने निकै चिन्तित बनाएको छ । विचरा ! पीडा त यी पशुपंक्षीलाई पनि नभएको कहाँ हो र कसले सुनिदिने यो आवाज !!!

काठमाडौं उपत्यका सुन्दर र शान्त देखिएको छ । भीडभाड र होहल्ला केही छैन । धुलोधुवाँ र सवारी साधनको हल्लाले आक्रान्त बनेको काठमाडौं शहर आजभोलि शान्त देखिएको छ । त्यसो त विश्वका अधिकांश देश नै शान्तमय भएको छ आजभोलि । काठमाडौं शान्त र सुन्दर देखिनुको एउटै कारण हो कोरोनाभाइरस अर्थात कोभिड-१९ ।

खुला आकाशमुनि चिल्लो बाटो सुनसान छ । एकअर्कासँग टाँसिएका घर पनि एक्लो र एकलकाटे महशुस् गरिरहेका छन् । एक घरले अर्को घरको आवाज सुन्दैन, ति घरका धेरैजसो कोठाहरू खाली छन् । मानिस भएको कोठामा पनि निराशा छाएको छ । यी घरहरुमा यतिबेला विद्यार्थीहरु र मजदुरी गरेर खाने श्रमिक मात्रै छन् जस्तो लाग्छ । सबै घर फर्किने बाटो हेरिरहेका जस्तो देखिन्छन् । आफूसँग भएको खाद्यान्न रित्तिने बेला हुँदैछ, राहतको नाममा बाँडेको ५ किलो चामलले कति दिन भात खाने हो ? त्यो पनि कहाँ र कसले दिने हो ? थाहा छैन।

बिहान अर्थात् बेलुका घरको कौसीमा उभिदा सबै घरको माथि काला र हरिया कलरका ट्याङ्की मात्रै होइन कति बेला दुई चारजना मानिसका टाउका पनि देखिन्छन्। कोठामा कोचिएर बस्दाबस्दा थकित भएकाहरु कौसीलाई नै स्वर्ग सम्झिदा हुन् । कतिपयले त यसको पनि अनुभूति लिनै पाएका छैनन्, छिडीको एउटा सानो कोठामा कोचिएर बसेका छन् । १२ घन्टा काममा व्यस्त रहनेहरु २४ घण्टा ओछ्यानमै बिताइरहेका छन्, ओछ्यानलाई पनि सुख छैन।

अर्को कुरा मोबाइल, ल्यापटप र टेलिभिजनलाई पनि चिन्ता छ, चार्ज हुने समय नै छैन। आजभाेलि त फेसबुक चलाउन पनि दिक्क लाग्छ। यूट्यूबमा कुनै नौलो विषय वस्तु छैन, चर्चा छ त केवल कोरोनाको मात्रै । शुरुमा एकान्त बास बस्न केही अप्ठ्यारो भएको थियो तर अहिले बानी परिसक्यो, अब चिन्ता खानाको छ, थाहा छैन कहिलेसम्म रहन्छ यो अवस्था।

एउटा नौलो अनुभूति उपत्यका भित्र धेरै थरीका चराचुरुङ्गी बस्दा रहेछन् । बाहिर यसो हेर्दा कतै काग, कतै परेवा, कतै भँगेरा त कतै ढुकुर अनि फरकफरक आवाज। यी आवाजले अग्लाअग्ला घरहरु संगीतमय बनेका छन् । हिजो यो उपत्यकामा चराचुरुङ्गी नै छैनन् जस्तो लाग्थ्यो तर आज गाउँघरमा गुलेली खेलेको याद आउँछ । यी पशुपंक्षी पनि यतिबेला कोलाहलबाट मुक्त भएका छन् । तर यीनलाइ पनि खानाको समस्याले भने निकै चिन्तित बनाएको छ । विचरा ! पीडा त यी पशुपंक्षीलाई पनि नभएको कहाँ हो र कसले सुनिदिने यो आवाज !!!

प्रतिक्रिया दिनुहोस्
विशेष

चितवन । प्युठानबाट बिरामी बोकेर काठमाडौं जादैँ गरेको पिकअप भ्यान त्रिशुली नदीमा खस्दा बेपत्ता भएका तीनै जनाकाे पहिचान खुलेकाे छ…

महोत्तरी । स्थानीय प्रशासन र आन्दोलनरत पक्षबीच ४ बुँदे सहमति भएपछि महोत्तरीको तनाव क्रमशः सामान्य हुँदैछ । बर्दिबासमा छ वर्षीया…

उच्च पहाडी तथा हिमाली भूभागका केही स्थानमा हिमपातको समेत सम्भावना रहेको जल तथा मौसम विज्ञान विभागका मौसमविद् समिर श्रेष्ठले बताउनुभयो…

सरकारी काममा बाधा हुनेछ । अचानक यात्रा हुनेछ । शरिरमा विसञ्चो देखिनेछ ।

अर्थमन्त्रीसमेत रहेका महासचिव पौडेलको जस्तै बुझाइ नेकपाको दोस्रो पुस्ताका अधिकांश नेता/ कार्यकर्ताहरुले व्यक्त  गरिरहेका छन् ।

स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिकमा तीन हजार १ सय ४० निको भएका छन् ।