श्रावण २४, २०७७ शनिबार
Logo


शुक्रबार के गर्दैछन् नेकपाका नेता ?

काठमाडौं । दुई समूहबीचको टकरावका कारण चरम विवाद र अविश्वास झेलिरहेको सत्तारुढ नेपाल कम्युनिष्ट पार्टी (नेकपा) का केही नेताहरु शीर्ष तहमा देखिएको अविश्वास घटाएर विवादको निरुपण गर्ने गरी छलफलमा जुटिरहेका छन् । प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल ‘प्रचण्ड’ बीच बढ्दो टकरावका कारण पार्टी विभाजनको खतरा देखिएपछि पार्टी स्थायी कमिटीको शुक्रबारको बैठक स्थगित गर्दै नेताहरु आपसी सहमति निर्माणमा जुट्न थालेका हुन ।  सहमतिकै लागि बिहिबारकाे बैठक शनिबार सारिएकाे हाे ।

सचिवालय सदस्य तथा नेकपाका प्रवक्ता नारायणकाजी श्रेष्ठले पार्टी एकतामा देखिएको संकट समाधानका लागि बिहिबार स्थायी कमिटीको बैठक स्थगित गरिएको र अध्यक्षद्वय ओली र प्रचण्ड तथा सचिवालयका नेताहरूबीच संकट समाधानमा केन्द्रित रहेर छलफल चलिरहने बताउनुभएकाे थियाे।  ‘पार्टी एकतालाई हरहालतमा रक्षा र सुदृढ गर्न, पार्टी र सरकारको आवश्यकतालाई पनि पूरा गर्ने गरी अघि बढ्न आपसी छलफल गर्नुपर्ने आवश्यकता महसुस गरेका कारण शुक्रबारको बैठकलाई शनिबार ११ बजेसम्मका लागि सारिएको हो’ उहाँकाे भनाइ छ ।

बिहीबार बिहान ११ बजे राखिएको बैठकअघि प्रधानमन्त्री ओली र अध्यक्ष प्रचण्डबीच मन्त्रिपरिषद् बैठक नबस्ने र स्थायी कमिटी बैठकलाई निरन्तरता दिने समझदारी बने पनि त्यसविपरीत संसद् अधिवेशन अन्त्यका लागि सरकारले सिफारिस गरेपछि नेकपाको शीर्ष तहमा पुन: अविश्वास बढेको देखिन्छ । स्थायी समिति बैठककै बीचमा बसेको मन्त्री परिषद् बैठकले पार्टी सल्लाह बिना संसद अधिवेशन अन्त्यको सिफारिस गरेपछि नेकपाभित्रको राजनीतिले गम्भीर मोड लिएको निश्कर्ष निकाल्दै नेताहरु पुन: पार्टी एकताबद्द बनाउने अभियानमा जुटेका हुन् । पार्टी एकतामा खतरा उत्पन्न भएको स्वतः स्पष्ट भए पनि छलफल जारी राखिने प्रवक्ता नारायणकाजी श्रेष्ठको भनाइ छ ।

दुई पक्षीय संवाद जारी रहने
प्रधानमन्त्री केपी शर्मा ओली निकट मानिने नेकपा सुदूरपश्चिम प्रदेश कमिटीका अध्यक्ष कर्ण बहादुर थापा भन्छन्, ‘नेकपा फुटको संघारमा पुग्यो भनेर गरिएको प्रचार केवल हल्ला मात्रै हो । आजको आवश्यकता, जनताको चाहना र कार्यकर्ताको मनोभावना बमोजिम नेताहरु अघि नबढी सुखै छैन र त्यही अनुसार नेताहरुका बीचमा संवाद चलिरहेको छ ।’

स्थायी समितिको बैठक स्थगित भएपछि नेताहरु व्यक्तिगत तथा सामूहिक रुपमा अध्यक्षद्वयलाई भेटेर पार्टी विग्रहबाट जोगाउन सल्लाह सुझाव दिइरहेका छन् । दुई अध्यक्षहरुबीचको अविश्वास समाधान गरी पार्टी एकताबद्द बनाउन प्रधानमन्त्री पक्षीय नेताहरु महासचिव विष्णु पौडेल, सचिवालय सदस्य एवं रक्षामन्त्री ईश्वर पोखरल, स्थायी समिति सदस्यसमेत  रहनुभएका गण्डकी प्रदेशका मुख्यमन्त्री पृथ्वीसुब्बा गुरुङ र प्रदेश ५ का मुख्यमन्त्री शंकर पोखरेल तथा प्रधानमन्त्रीका प्रमुख राजनीतिक सल्लाहकार विष्णु रिमाल सक्रिय देखिनुभएकाे छ । त्यस्तै अर्का अध्यक्ष प्रचण्ड निकट मानिने स्थायी समिति सदस्यहरु जनार्दन शर्मा, देवेन्द्र पौडेल र हरिबोल गजुरेल तथा मन्त्रीसमेत रहनुभएका वर्षमान पुनले अध्यक्षद्वयसँग छुट्टै र एकापसमा दुई पक्षीय संवाद गरिरहनुभएकाे छ ।

पार्टीमा विवाद समाधान हुने भन्दा बढ्नेतर्फ केन्द्रित हुन थालेपछि नेकपाको दोस्रो तह र खासगरी युवा पुस्तामा निराशा बढेको छ । नेता कर्यकर्ताहरुले सामाजिक सञ्जालमा आफ्नो धारणा प्रकट गर्दै नेताहरुलाई ऐतिहासिक पार्टी एकता जोगाउन अपिल गरिरहेका छन् ।

कार्यकर्तामा देखिएको यस्तै निराशालाई नजिकबाट नियालिरहेका नेताहरुले दुई दिन घनिभुत संवाद गर्ने मनसाय बनाएकै कारण बिहीबारको बैठक स्थगित गरेर शनिबार ११:०० बजे बोलाइएको हाे। त्यसैले पनि बिहीबार साँझदेखि नेताहरु अनौपचारिक छलफलमा बढि केन्द्रित भइरहेको देखिन्छ । शनिबार बैठक बस्नुअघि अनौपचारिक छलफलका माध्यमबाट सहमतिको विन्दु पहिल्याउन लागि परेका नेताहरु पार्टीभित्र उत्पन्न संकट जोगाउन सफल हुने/नहुने बारे भने शनिबारको बैठकपछि मात्रै टुंगाे  लाग्नेछ ।

प्रतिक्रिया दिनुहोस्
विशेष

उडान सञ्चालनका लागि सम्पूर्ण व्यवस्थाको तयारी भइसकेको प्रवक्ता क्षेत्रको भनाइ छ ।

नेपालमा थप ४ सय ९९ जना काेराेना संक्रमित निकाे भएका छन् ।

डा. गाैतमका अनुसार काठमाडाैं उपत्यकामा ६२ जनामा संक्रमण देखिएको छ ।

स्वास्थ्य तथा जनसंख्या मन्त्रालयका अनुसार काठमाडौं, पर्सा र मोरङमा गरी ३ जनाको मृत्यु भएको हो ।

संक्रमितको घर रहेको वरपर सर्वसाधारणलाई आवतजावतमा पूर्ण रुपमा रोक लगाइएको डिएसपी थापाले जानकारी दिनुभयो ।

सप्तरी । राजविराज नगरपालिकामा बलात्कारपछि लुकेका युवा पक्राउ परेका छन् । बलात्कारपछि विराटनगर गएर लुकेका नगरपालिकाको वडा नम्बर ६ खर्साल…