‘केही तत्व म र प्रधानमन्त्रीलाई उचाल्न सक्रिय छन्’

चितवन । पूर्व प्रधानमन्त्री तथा नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले पार्टी एकतालाई जोगाउन आफूले संघर्ष गरिरहेको बताउनु भएको छ ।

अध्यक्ष दाहालेशनिबार भरतपुर महानगरपालिका र माडी नगरपालिकाभित्र बाढी प्रभावित विभिन्न स्थानको अवलोकन पश्चात आयोजित कार्यक्रममा यस्तो बताउनुभएको हो । कोरोनाको परिवेश देखाएर केही तत्व पार्टी ध्वस्त बनाउन लागि परेको उहाँको भनाई छ। ‘केही तत्व कहिले मलाई र कहिले प्रधानमन्त्री केपी ओलीलाई उचाल्न सक्रिय छन्’, तर हामी सधैं एक छौं, उहाँले भन्नुभयो, ‘एकतालाई जोगाउन सतर्कतापूर्वक संघर्ष गरिरहेको छु र पार्टी नफुटोस् भन्नेमा हामी सचेत छौँ ।’

अध्यक्ष दाहालले कार्यकर्तालाई पार्टी फुटिहाले जस्तो गरेर आरोप प्रत्यारोपमा नलागी एकढिक्का हुन आग्रह समेत गर्नुभयो ।  ‘प्रधानमन्त्री ओली र म पार्टी भित्र स्वच्छ प्रतिस्पर्धामा छौं’, उहाँले भन्नुभयो, ‘हतारमा निर्णय गरेर फुर्सदमा पछुताउने पक्षमा म छैन ।’

अध्यक्ष दाहालले राष्ट्रिय निकुञ्जले माडीमा पुर्याएको असर, यस क्षेत्रको शिक्षा, स्वास्थ्य, रोजगारी र पूर्वाधार विकास सम्बन्धि आफ्नो ध्यान रहेको बताउनुभयो । अरु समान्य निर्वाचित सदस्यले जस्तो एक दुई वटा काम गरेर यस क्षेत्रबाट आफू फुत्केर नजाने उहाँको भनाई छ । उहाँले माडीको पूर्वाधार विकासमा आफू तल्लीन रहेको समेत उल्लेख गर्नुभयो ।

पूर्व प्रधानमन्त्री दाहालले माडी जाने बाटोमा पर्ने निकुञ्जमा आकाशे पुल बनाउनेबारे सरकार र पार्टीमा छलफल भइरहेको बताउनुभयो । आकाशे पुलको अध्ययन र डिपीआरका लागि एक करोड रुपैयाँ छुट्याइएको उहाँले जानकारी दिनुभयो ।

प्रतिक्रिया दिनुहोस्
विशेष

मेष– दाजुभाइमा मित्रता बढ्नेछ । आँटेको काम पूरा हुनेछ । आकस्मिक लाभ मिल्नेछ । वृष– सामाजिक प्रशंसा मिल्नेछ । कृषि…

काठमाडौं। काठमाडौं महानगरका सामुदायिक विद्यालयमा अध्ययनरत छात्राले स्यानिटरी प्याड अब निःशुल्क रुपमा पाउने भएका छन् । त्यसको लागि सामुदायिक विद्यालयलाई…

काठमाडौं । सवारी चालक अनुमतिपत्र (लाइसेन्स) नवीकरण गर्दा भदौ मसान्तसम्म जरिवाना शुल्क नलाग्ने भएको छ । चैत ११ गतेपछि म्याद…

काठमाडौं । मुलुकको राजधानी काठमाडौंमा पछिल्लो समय कोरोना भाइरस संक्रमण बढ्न थालेको छ । राजधानीमै कोरोना संक्रमित बढ्न थालेपछि सरकारले…

काठमाडौं ।  नागपञ्चमीपछि वर्षा सकिएर हिउँदको शुरुवात भएको मानिन्छ । यस वर्षको नागपञ्चमी सकिइसकेको छ । नागपञ्चमी पछि जनैपूर्णिमा समेत…

रुपन्देही । आन्तरिक राजश्व कार्यालय बुटवलका प्रमुख गुट्खा व्यापारीसँग घुस लिएको अवस्थामा पक्राउ परेका छन् । राजश्व कार्यालय प्रमुख अधिकृत…