Logo ८ असार २०७८, मंगलवार


नेपाल–भारत विवाद कुन दिशातिर ?

नेपालले पश्चिम नेपालको महाकाली नदीको सिरानदेखि पूर्वको नेपाली भू–भाग भारतले अतिक्रमण गरेको सन्दर्भमा वास्तविक दृढ अडान राखेको स्थिति अत्यन्त जायज न्यायसंगत भएकोले सम्पूर्ण नेपाली एकतावद्ध भएको कुरा सर्व विदित छ । यसमा सम्पूर्ण देशभक्त नेपालीहरु भारतको मिचाहा प्रवृति विरुद्व हार्दिक रुपले एकतावद्व भएको पनि सर्वविदित छ । यस सन्दर्भमा प्रधानमन्त्री केपी शर्मा ओलीप्रति जनताको सम्मान प्रगाढ भएको छ ।

२०७ औं भानु जयन्तीका दिन प्रधानमन्त्री केपी ओलीले “भारतले नक्कली अयोध्या खडा गरेर नेपालको साँस्कृतिक तथ्यमाथि अतिक्रमण गरेको दाबी गर्नुभएको छ ।  भानुजयन्तीको अवसरमा मदनभण्डारी कला साहित्य प्रतिष्ठानले सोमबार बालुवाटारमा आयोजना गरेको कार्यक्रममा बोल्दै प्रधानमन्त्री ओलीले भगवान रामको राज्य अयोध्या नेपालको वीरगंज पश्चिममा पर्ने भएपनि भारतले विवादित अयोध्या खडा गरेको स्पष्ट पार्नुभयो । ‘हामीे अहिलेपनि भ्रममा छौं हामीले भारतका राजकुमार रामलाई दियौं भनेर । तर भारतका राजकुमारलाई होइन सीता–अयोध्याका रामलाई दिएका हौं । अयोध्या भनेको वीरगंञ्जभन्दा पश्चिमको गाउँ हो । जुन नेपालमा नै पर्छ । ’ प्रधानमन्त्रीको भनाइ छ ।

हामीले आफ्नो र छिमेकी देशका समकालीन मिल्दाजुल्दा गाउँठाउँका नाम अनेक ठाउँमा देख्दछौं । भारतले हाम्रो पश्चिम नेपालको परम्परागत सीमा मिचेको सन्दर्भका तथ्य आ–आफ्ना ठाउँमा छन् । तर पौराणिक इतिहासका दृष्टिले ‘अयोध्या’ जुन ठाउँमा थियो, त्यसबारे तत्कालीन रामायणका लेखक वाल्मीकि रामायणअनुसार सरयू नदीको किनारमा वैवश्वत मनुले बसालेको नगर अयोध्या अहिलेसम्म आफ्नै ठाउँमा रहेको छ । राजा दशरथको दरबारमा तीन रानीका सन्तानको बीचमा रामले राज्य पाउने ठाउँमा कैकेयीको आग्रहले भरतलाई राज्य दिएको र रामलाई वनवास गरेका तथ्य वाल्मीकिले यथार्थ रुपमा लेखेका छन् ।

पौराणिक ग्रन्थका अनुसार अयोध्याको राजवंश र मिथिलाको राजवंश छुट्टिएका थिए । अयोध्याको इक्ष्वाकु राजवंशको वर्णन विष्णु पुराणले ९२ पुस्ताका राजा वृहदबल सम्मको वर्णन गरेको छ ।  इक्ष्वााकु वंशको विकुक्षीदेखि राजा दशरथसम्मको ६ पुस्ताका राजा थिए दशरथ । उनका तीन रानी मध्ये कौशल्या, कैकेरीको विवादबाट विवादबाट राम र सीता लक्ष्मणसहित वनवास गएको ऐतिहासिक कथा सर्वविदित छ । राम बनबासबाट फर्केर राज्य संचालनमा बसेपछि अन्त्यमा उनी पनि सरयूमा विलीन भएको कथा वाल्मीकिले लेखेका छन् ।  यो विश्व विख्यात इतिहासको कथाको अवशेष नेपालका निकटतम प्रान्तमा रहेको एउटा गाउँको सन्दर्भमा उठाउनु नेपालका विद्वान शासक–प्रशासक नेताहरुले संकुचित सोच ठहर्छ ।

प्राचीन तथ्यहरुमा सम्राट अशोकले लुम्बिनीमा स्थापना गरेको स्तम्भ अहिले इतिहासको तथ्य प्रमाण बन्न पुगेको छ । ऐतिहासिक भौतिकवादका नायकहरुले ग्रामीण किम्वदन्तीको आधारमा अयोध्याको इतिहासलाई नेपालका छेउछाउको एउटा गाउँको नाम अघि सार्दा अत्यन्त लज्जाजनक हुन जानेछ । यस्ता कुरामा विश्वस्त नहुन म हार्दिक अनुरोध गर्दछु ।

वाणस्थली, काठमाडौं, २०७७ असार ३० गते

प्रतिक्रिया दिनुहोस्
विशेष

कम्पनीकी प्रवक्ता शर्मिला सुवेदीका अनुसार निषेघाज्ञामा गरिएकाे खुकुलाे व्यवस्थाबाट सर्वसाधारणकाे दैनिक जीवनयापनमा सहज भएकाले खाद्यान्नमा गरिएकाे छुटकाे व्यवस्था हटाइएकाे हाे…

यसअघि बागलुङको बडिगाड गाउँपालिका–४ मा विवाह भोज खाएका अधिकांशमा कोरोना सङ्क्रमण पुष्टि भएको थियो । सोही विवाहमा सहभागि एकै परिवारका…

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

खानपिनको सुख मिल्नेछ । बोलीको प्रभावले काम बन्नेछ । धन सञ्चय हुनेछ ।

काठमाडाैं । वैज्ञानिकहरूले गरेकाे अनुसन्धानबाट दिनमा निद्रा लाग्नुकाे कारण पत्ता लागेकाे छ । यदि दिनको समयका विना कारण धेरै थकाइ…

काठमाडाैं । नेपाल सरकारले संवैधानिक निकायमा गरेको नियुक्ति पुनः बहसको विषय बनेको छ । नियुक्ति गर्दाको समयमा देखिएको विवाद सँगै…