Logo कार्तिक १२, २०७७ बुधबार


भोजपुरमा राष्ट्रिय परिचयपत्र वितरण शुरु

कविता खड्का
भोजपुर । ।
जिल्लामा राष्ट्रिय परिचयपत्र वितरण शुरु भएको छ । जिल्ला प्रशासन कार्यालयले आइतबारदेखि राष्ट्रिय परिचयपत्र व्यवस्थापन कक्षको स्थापना गरी वितरण थालेको हो ।

जिल्ला समन्वय समिति भोजपुरका प्रमुख लक्ष्मण खड्काको आवश्यक विवरण कम्युटरबाट प्रमाणिकरण गरी राष्ट्रिय परिचय पत्र दर्ताको शुभरम्भ गरिएको छ । कोराना भाइरस (कोभिड –१९) का कारण सदरमुकामबाटै परिचयपत्र वितरण गरिने प्रमुख जिल्ला अधिकारी वसन्तराज पुरीले बताउनुभएको छ ।

सरकारले पहिलो चरणमा पाँचथरबाट राष्ट्रिय परिचयपत्र वितरण कार्य शुरु गरेको थियो भने दोस्रो चरणमा झापा, संखुवासभा, सप्तरीलगायत १५ जिल्लामा शुरु भइसकेको छ । तेस्रो चरणमा आगामी दुई वर्षभित्र सबै नागरिकलाई परिचयपत्र वितरण गर्ने लक्ष्य अनुसार बाँकी ६१ जिल्लामा पनि परिचय पत्र शुरु भएको प्रजिअ पुरीले जानकारी दिनुभयो ।

हस्त लिखित हस्ताक्षर, १० औँलाको औँठा छाप, आँखाको रेटिनालगायत व्यक्तिको वैयक्तिक र जैविक सूचनालाई आधिकारीक रुपमा संकलन गरी प्रत्येक नागरिकलाई एक अर्कासँग मेल नखाने गरी परिचयको नम्बर प्रदान गरिने प्रजिअ पुरीले जानकारी दिनुभयो ।

परिचयपत्र प्राप्त गर्न नेपाली नागरिकताको सक्कल प्रमाणपत्र, नागरिकताको प्रमाण पत्रमा जन्म मिति नखुलेको हकमा सो खुल्ने प्रमाण वा स्थानीय तहको सिफारिस, नागरिकता प्रमाणपत्रमा उल्लेख भएको ठेगाना भन्दा फरक ठेगाना भएमा बसाईसराइको प्रमाणपत्र चाहिने जिल्ला प्रशासन कार्यालयले जनाएको छ ।

त्यस्तै नागरिकता प्रमाणपत्रमा पति–पत्नीको नाम नखुलेमा विवाह दर्ता प्रमाणपत्र, नागरिकतामा अंग्रेजीमा नाम नखुलेको भए अंग्रेजीमा नाम खुल्ने प्रमाणपत्र पेश गर्नुपर्ने सहायक प्रमुख जिल्ला अधिकारी कृष्ण बहादुर बस्नतेले बताउनुभएको छ ।

प्रतिक्रिया दिनुहोस्
विशेष

प्रधानमन्त्री ओलीले भारतीय गुप्तचर संस्था ‘रअ’ का प्रमुखसँग कुटनीतिक मूल्य र आचारसंहिता विपरित भेटेको र यस्तो कार्यबाट राष्ट्रिय स्वाभिमान, प्रतिष्ठा…

हिमालयन क्षेत्रमा भूकम्पीय चाप तयार भएको अध्ययनको निष्कर्ष रहेको छ ।

डोटीको केआइ सिंह गाउँपालिका–६ फलेडी आउनुभएका मुख्यमन्त्री भट्टले कोरोना भाइरस साझा सत्रु भएकाले सबैले मिलेर लड्नुपर्ने बताउनुभएको हो ।

कात्तिक एक गतेदेखि ११ गतेसम्म निकुञ्जमा एक सय तीन जना आन्तरिक पर्यटकले शुक्लाफाँटा अवलोकन गरेको रेञ्जर चाैधरीले जानकारी दिनुभयो ।

विजयनगर महादेइयाका स्थानीय राम निवास पुरी भन्छन्, 'सडकमा हिड्न समेत सकिदैन । पुरै बालुवा मात्र हालिएको छ ।'

प्रदेश १ का एक/दुई स्थानहरुमा हल्का वर्षाको सम्भावना रहेको छ ।